2 थिसलुनीकियौ 2:16 - बुक्सा

¹⁶ हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

2 थिसलुनीकियौ 2:16 Referans Kwoze

यहून्‍ना 3:16

“कैसेकै परमेसर नै दुनिया सै ऐंसो पियार करो कै बानै अपनो इकलौतो लौंड़ा दे दओ, कै जो कोई उसमै बिसवास करै बौ नास ना होए, पर हमेसा की जिन्‍दगी पाय।

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

1 थिसलुनीकियौ 3:11

अब हमरो परम पिता परमेसर और परभु ईसु हमकै तुमरे धौंरे आनै के ताँई रस्ता दिखागो।

परकासन 1:5

ईसु मसी की ओर सै जो बिसवासजोग गभाई, मरे भएऔं मै सै पैलो जी उठनै बारो और धरती के राजाऔं को राजा है, तुमकै किरपा और सान्‍ति मिलती रैह। बौ जो हम सै पियार रक्‍खै है, और बानै अपने खून के दुआरा हमरे पापौं सै हमकै छुड़ाओ है।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

इफिसिऔ 5:25

ओ लोगौ अपनी अपनी बईयरौं सै बैसेई पियार करौ जैसो मसी नै बिसवासिऔ की मंडली सै करो और खुद कै बाके ताँई अपनी जान बी दे दई।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

रोमियो 5:8

पर परमेसर नै हमरे ऊपर अपनो पियार दिखाओ। जबकि हम तौ पापी हे, तब्बी मसी नै हमरे ताँई अपनी जान दे दई।

रोमियो 4:16

इसताँई सई बात जौ है कै बादो बिसवास को फल है जो किरपा के हिसाब सै है। ताकि इब्राहिम के सिगरे टब्बर के ताँई पक्‍को हो, ना सिरप नियम कै माननै बारौ के ताँई पर उन सबई ताँई बी जो इब्राहिम के जैसो बिसवास रक्‍खै हैं, कैसेकै बौ हम सबको अब्बा है।

रोमियो 4:4

काम कन्‍नै बारे कै मजदूरी देनी कोई दान ना है, बौ तौ उसको हक है।

चेलौ के काम 18:27

जब अपोलुस नै अखाया जानै की सोची तौ तबई इफिसुस के बिसवासी भईयौ नै बाको सुआगत कन्‍नै के ताँई अखाया के बिसवासी लोगौ कै चिट्‌ठी लिखी। जब बौ बहाँ पौंचैगो तौ, जिन लोगौ नै परमेसर की किरपा सै बिसवास करो हो उनके ताँई बड़ी सायता कन्‍नै बारो है।

चेलौ के काम 15:11

पर हमरो बिसवास तौ जौ है कै परभु ईसु मसी के किरपा के दुआरा हमकै मुक्‍ति मिली है और उनकै बी मिलैगी।”

यहून्‍ना 16:22

और तुमकै बी अब तौ दुख है, पर मैं तुमसै फिर मिलंगो और तुमरो दिल खुस होगो, और तुमरी खुसी कै कोई तुमसै छीन ना सकैगो।

यहून्‍ना 15:13

इस्सै महान पियार और किसी को ना है, कै कोई अपने दोस्तौ के ताँई अपनी जान दे दे।

यहून्‍ना 15:9

“जैसो अब्बा नै मैंसै पियार करो है, मैंनै बी तुमसै बैसोई पियार करो है। मेरे पियार मै बने रैहओ।

यहून्‍ना 13:1

अब फसै को तौहार धौंरेई हो। ईसु कै जौ पतो हो कै मेरी घड़ी आ गई है कै मैं दुनिया छोड़कै अब्बा के धौंरे जांऔ। जिन लोगौ कै बौ इस दुनिया मै पियार करतो आओ हो उनसै आखरी तक बैसेई पियार करो।

यहून्‍ना 4:14

पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

लूका 16:25

“पर इब्राहिम नै कैई, ‘हे मेरे लौंड़ा, तू अपनी जिन्‍दगी मै अच्‍छी-अच्‍छी चीज ले चुको है, जबकि लाजर कै बुरी चीजई मिली हैं, पर अब हिंया बाकै सान्‍ति मिल रई है, और तू तड़प रओ है।

परकासन 22:5

बहाँ फिर कबी रात ना होगी, उनकै दिया या सूरज के उज्‍जेरे की जरूरत ना होगी, कैसेकै परभु परमेसर अपनो उज्‍जेरो उनकै देगो, और बे हमेसा के ताँई राज करंगे।

परकासन 3:9

देख, जो सैतान की सभा के हैं जो अपने आपकै यहूदी कैबै हैं, पर हैं ना बलकन झूँट बोलैं हैं, देख मैं उन लोगौ कै आनै के ताँई मजबूर करंगो और उनकै तेरे पाँऐऔं मै गिरांगो और बे लोग जान लंगे कै मैंनै तेसै पियार करो है।

1 यहून्‍ना 3:16

मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

इबरानिओ 7:19

कैसेकै मूसा को नियम किसी कै बी पूरी तरै सै पक्‍को ना करै है। पर अब हमरे ताँई एक ऐंसी अच्‍छी आस रक्‍खी गई है, जिसके दुआरा हम परमेसर के धौंरे जा सकै हैं।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

रोमियो 1:7

जिनमै सै तुम बी ईसु मसी के होनै के ताँई बुलाए गए हौ।

2 थिसलुनीकियौ 2:13

ओ भईयौ और बहनौ, और परभु के पियारे लोगौ हम हमेसा तुमरे बारे मै परमेसर कै धन्‍नबाद देवै हैं, कैसेकै परमेसर नै सुरू सैई तुमकै चुन लओ हो कै तुम परमेसर की आत्‍मा की सकति के दुआरा पबित्‍तर बनकै और सच्‍चाई मै बिसवास करकै मुक्‍ति पाऔ।

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।