2 पतरस 3:17 - बुक्सा

¹⁷ पियारे भईयौ, तुम इन बातौं कै पैलेई सै जानौ हौ इसताँई चौकस रौह। कहीं ऐंसो ना होए कै तुम उन दुसट आदमिऔ के बैहकाबे मै आकै अपनी रस्ता सै ना भटकिओ और अपनी मजबूती कै हात सै जान मत देईओ।

2 पतरस 3:17 Referans Kwoze

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

कुलुसिऔं 2:8

चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्‍छा ऐंसी ना है।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

1 कुरन्‍थियों 10:12

अगर कोई ऐंसो सोचै है कै, मैं मजबूताई सै खड़ो हौं, तौ होसिआर रैहकै, कहीं बौ गिर ना पड़ै।

मत्‍ती 7:15

“झूँटे नबिऔ सै चौकस रैहऔ। बे भेड़ौ के भेस मै तुमरे धौंरे आंगे, पर बे भीतर सै खूँकार भिड़िया हैं।

रोमियो 16:18

कैसेकै जे लोग हमरे परभु मसी की ना पर अपने पेट की सेवा करै हैं, और अपनी चिकनी चुपड़ी बातौं सै सीदे सादे मन के लोगौ कै बहका देवै हैं।

2 तीमुथियुस 4:15

तुम बी बासै चौकस रैहईओ, कैसेकै बानै हमरी बातौं को जो हम सिकाबै हैं भौत बिरोद करो है।

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

मत्‍ती 16:6

इसताँई जब ईसु नै उनसै कैई, “चौकन्‍ने रैहऔ! और फरीसिऔं और सदूकिऔं के खमीर सै बचे रैहऔ।”

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

मत्‍ती 16:11

तुम काए ना समजते कै मैंनै तुमसै रोटी के बारे मै ना कैई? मैंनै तौ तुमकै फरीसिऔं और सदूकिऔं के खमीर सै बचनै कै कैई है।”

परकासन 2:5

इसताँई याद कर, कै तू कहाँ सै गिरो है और मन फिरा और पैले के हाँई काम कर। अगर तू मन ना फिरागो, तौ मैं तेरे धौंरे आकै तेरे आरे कै बाकी जघै सै हटा दंगो।

1 पतरस 5:9

बिसवास मै पक्‍के बने रौह और सैतान को बिरोद करौ कैसेकै तुम जौ जानौ हौ कै दुनिया मै जितने बिसवासी लोग हैं, बे सबई ऐंसेई दुख सैह रए हैं।

कुलुसिऔं 2:5

मैं अबी तुमसै भौत दूर हौं पर दिल सै तुम लोगौ के संग हौं और मैंकै जौ बात सुनकै भौत खुसी होवै है कै, तुम अपनी जिन्‍दगी मै नियम सै चल रए हौ और तुमरो बिसवास मसी मै पक्‍को है।

फिलिप्‍पीऔ 3:2

इन कुत्‍तौ सै होसिआर रैहऔ, जो बुरे काम करै हैं, और उन झूँटे खतना बारौ सै।

यहून्‍ना 16:4

और जे बात मैंनै इसताँई कैंई हैं कै जब टैम आगो तौ तुमकै याद रैहए कै मैंनै तुमकै उनके बारे मै बता दओ हो, और जे बात मैंनै तुमसै सुरू मै इसताँई ना कैंई कैसेकै मैं तुमरे संग हो।

गलातिऔ 5:4

अगर तुम जौ सोचौ हौ कै हम नियम की लिखी भई बातौं कै मानकै धरमी बन जांगे, तौ तुम अपनो रिस्ता मसी सै तोड़ौ हौ और परमेसर के किरपा के लायक बी ना रैहओगे।

2 पतरस 2:7

और परमेसर नै धरमी लूत कै बचाओ जो अधरमी लोगौं की कुकरमी बारी जिन्‍दगी सै भौत दुखी हो।

2 पतरस 3:1

हे मेरे पियारे भईयौ, अब मैं जौ दूसरी चिट्‌ठी लिख रओ हौं। और इन दौनौ चिट्‌ठिऔ सै तुमकै याद दिब्बाते भए तुमरे सच्‍चे मन कै जगानो चाँहौ हौं।