पर जे लोग जिन बातौं कै ना समजै हैं, उन बातौं के बारे मै बुरो कैबै हैं, और ना समज जनाबरौ के हाँई जिन बातौं कै बे सीदे सादे तरीका सै जानै हैं, बेई इनकी नास की बजै बनै हैं।
और उन चमत्कार के चिन्नौ के कारन, जिनकै उस जनाबर के सामने दिखानै को अधकार बाकै देओ गओ हो, बौ धरती मै रैहनै बारौं कै इस तरै बैहकाबै हो, कै धरती मै रैहनै बारौं जिस जनाबर के तरवार लगी ही, बौ जिन्दो हो गओ है, उसकी मूरती बनाऔ।
और परमेसर सबको नियाय करैगो।” दुसट लोगौ कै उनके बुरे काम के ताँई और जो उनौनै अपनी बुराई की बजै सै करर खाए हैं और उन दुसट पापी लोगौ कै जिनौनै बाके खिलाप बुरे बचन बोले हैं, उनकै परमेसर दोसी ठैरागो।
जो लोग बिसवासी ना हैं उनके बीच मै तुमरो चाल-चलन अच्छो रैह, चाँहे बे तुमरे ऊपर गलत काम कन्नै को इलजाम बी लगाऐ पर तुमरे भले कामौ कै देक्कै नियाय के दिन बे परमेसर की महिमा करैं।
पर मैं तेरे सामने जा बात कै मान लेबौ हौं कै मैं अपने बापदादौं के परमेसर की आराधना ईसु की रस्ता के हिसाब सै करौ हौं जिसकै जे बेकार कैबै हैं, और जो कुछ मूसा के नियम मै और नबिऔ की किताबौ मै जो लिखो है, उनके ऊपर मैं बिसवास करौ हौं।
और उस बड़े से अजगर कै जो पुरानो साँप है, जिसकै सबसै बड़ी दुसट आत्मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।
पर कुछ अपनी चलानै बारे लोगौ नै बाकी बात ना मानी, और सिगरे लोगौ कै सामने परभु की रस्ता कै गलत बता कै बुरो कैललगे, तबई पौलुस नै चेलौ कै उनसै अगल कर दओ और तुरनुस नाम की एक जघै मै रोज सिक्छा देवै हो।
बौ बिना डरे यहूदी पिराथना घर मै बोलल लगो, और जब पिरसीला और अकुला बाकी बात सुन रए हे तबई उन्नै अपोलुस कै अगल ले जाकै परमेसर की रस्ता के बारे मै अच्छे सै बताओ।
बे उसके धौंरे आए और बोले, “गुरू, हम जौ जानै हैं कै तू सच बोलै है और किसी की परवा ना करै है। और तू मौह देखी बात बी ना करै है, पर परमेसर को रस्ता सच्चाई सै बताबै है, तौ बता कैसर समराट कै लगान देनो ठीक है या ना?”
उनौनै ईसु के धौंरे हेरोदिऔं के संग अपने चेला जौ सबाल पूँछनै भेजे, “गुरू! हम जानै हैं कै तू सच बोलै है और सच्चाई सै परमेसर के रस्ता की सिक्छा देवै है, और तू लोगौ की मौह देखी बात ना करै है।
पर ऐंसे लोग नासमज जंगली जनाबरौ के हाँई हैं, जो पकड़े जानै और मारनै के ताँई पैदा भए हैं। बे उन बातौं के बारे मै बुरो बोलै हैं जिनकै बे ना तौ जानै हैं, बे जनाबरौ के हाँई नास हो जांगे।
जे बेकार की घमंड की बात करकै और सरीर की बुरी इच्छा और लुचपन की बातौं मै उनकै अपनी ओर खैंच लेबै हैं, जो गलत सिक्छा मै हैं उन लोगौ सै अबी-अबी बचकै लिकरे हैं।
कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्तर सास्तर मै पैलेई ऐंसे लोगौ के ताँई सजा के बारे मै लिखो भओ है।
जिस तरै सदोम, अमोरा और बाके अड़ोस-पड़ोस के इलाके के लोग जो बैबिचार करल लगे हे और हर तरै की सरीर की बुरी इच्छा मै पड़े। तबई परमेसर नै इन इलाकेऔ कै कबी ना बुतनै बारी आग मै जरानै की सजा दई, और हमरे ताँई जौ एक उदाहरन है।