2 पतरस 2:1 - बुक्सा

¹ और जैसे उनके बीच मै झूँटे भबिसबानी कन्‍नै बारे हे, बैसेई तुमरे बीच मै झूँटे सिकानै बारे बी हौंगे, जो चुपके चुपके नास कन्‍नै बारी झूँटी सिक्‍छा कै सिकाबै हैं, और बे बा मालिक को इनकार करै हैं जिसनै उनकै मोल लओ हो, ऐंसो करकै बे अपने ऊपर नास कै जल्दी बुलाबै हैं।

2 पतरस 2:1 Referans Kwoze

मत्‍ती 7:15

“झूँटे नबिऔ सै चौकस रैहऔ। बे भेड़ौ के भेस मै तुमरे धौंरे आंगे, पर बे भीतर सै खूँकार भिड़िया हैं।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।

मत्‍ती 24:11

भौत से झूँटे नबी उठ खड़े हौंगे और लोगौ कै ठगंगे।

गलातिऔ 2:4

पर जौ बात उन झूँटे भईयौ की बजै सै भई जो चोरी चोरी हमरे बीच मै घुस आए हे। बे हमरी आजादी खतम कन्‍नै की सोचै हे, जो हमकै मसी ईसु मै मिली। और बे हमकै यहूदी रीती रिबाजौ को गुलाम बनानो चाँहै हे।

1 कुरन्‍थियों 11:19

तुमरे बीच मै फूट पड़नी तौ हैई। जिस्सै कै जितने तुमरे बीच मै सच्‍चे हैं, बे लोग सामने आ जाँय।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

कुलुसिऔं 2:8

चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्‍छा ऐंसी ना है।

तीतुस 3:10

जो आदमी फूट डारै है बाकै एक दो दफै समजा-बुझाकै बासै अगल रैह,

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

फिलिप्‍पीऔ 3:19

उनको अन्‍त नास है, और उनको पेटई उनको परमेसर है, और बे अपनी बेजती की बातौं मै घमंड करै हैं, और दुनिया की चीजौ मै मन लगाए रैहबैं हैं।

1 कुरन्‍थियों 6:20

कैसेकै परमेसर नै तुमकै मोल लेर खाओ है। इसताँई अपने सरीर के दुआरा परमेसर की इज्‍जत करौ।

मरकुस 13:22

कैसेकै झूँटे मसी और झूँटे नबी परकट हौंगे और ऐंसे चमत्कार और ऐंसे अचम्बे बारे काम दिखांगे, हो सकै तौ चुने भए कै बी चक्‍कर मै डार दैं।

परकासन 5:9

बे जौ नओ गीत गाल लगे, “तू इस किताब कै लैनै और इसकी मौहर खोलनै के लायक है, कैसेकै तैनै बलि होकै अपने खून सै हर एक गोत और भासा और लोग और जाति मै सै परमेसर के ताँई लोग मोल लए हैं।

परकासन 2:9

“मैं तेरे कलेस और गरीबी कै जानौ हौं फिर बी तू सेट है, और जो लोग अपने आपकै यहूदी कैबै हैं पर हैं ना, पर सैतान की सभा हैं, उनौनै तुमरी बुराई बतकाई, मैं बाकै बी जानौ हौं।

इबरानिओ 10:29

तौ तुम जौ सोचौ कै बा आदमी कै कितनी बड़ी सजा मिलैगी जिसनै परमेसर के लौंड़ा कै पाँऐ सै किचलो और जिस खून नै परमेसर के संग एक करारनामो करबाओ और उनकै पबित्‍तर बनाओ और बा खून कैई अपबित्‍तर ठैराओ और जो किरपा की आत्‍मा है बाकी बेजती करी।

कुलुसिऔं 2:18

कोई बी आदमी अपनी झूँटी दीनता सै या सुरगदूतौं की पूजा करबाकै तुमरे ईनाम कै ना लूट सकै है, ऐंसो आदमी देखी भई बातौं के पिच्‍छे लगो रैहबै है और अपने पाप बारी सोच के ऊपर बिना बजै के घमंड करै है।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

मत्‍ती 24:24

कैसेकै झूँटे मसी और झूँटे नबी खड़े हौंगे और ऐंसे बड़े-बड़े चिन्‍न और चमत्कार दिखांगे कै अगर उनसै बन पड़ो तौ, बे चुने भए लोगौ कै बी बहका दंगे।

मत्‍ती 10:33

पर जो कोई सब लोगौ के सामने मेरो इनकार करैगो बाको मैं बी अपने सुरग मै रैहनै बारे अब्बा के सामने इनकार करंगो।

परकासन 13:14

और उन चमत्कार के चिन्‍नौ के कारन, जिनकै उस जनाबर के सामने दिखानै को अधकार बाकै देओ गओ हो, बौ धरती मै रैहनै बारौं कै इस तरै बैहकाबै हो, कै धरती मै रैहनै बारौं जिस जनाबर के तरवार लगी ही, बौ जिन्‍दो हो गओ है, उसकी मूरती बनाऔ।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।

यहूदा 1:18

बे तुमसै कैरए हे, आखरी के दिनौ मै ऐंसे मजाक उड़ानै बारे लोग हौंगे जो अपनी बुरी इच्‍छा सै जिन्‍दगी जींगे।

1 यहून्‍ना 2:26

मैंनै जे बात तुमकै उन लोगौ के बारे मै लिखी हैं, जो तुमकै भटकानो चाँहै हैं।

1 पतरस 1:8

तुमनै मसी कै देखो ना है, फिर बी तुम उस्सै पियार करौ हौ। तुम बाकै अबी देख ना पा रए हौ, मगर फिर बी बाके ऊपर बिसवास करौ हौ और एक ऐंसी खुसी और महिमा सै भरे भए हौ जिसकी कोई हद ना है।

इफिसिऔ 1:7

हमकै मसी मै मसी की मौत के दुआरा छुटकारो मतलब पाप की माफी मिली है। जौ परमेसर की भौस्सी किरपा सै मिलो है।

गलातिऔ 5:20

मूरती पूजा, जादू-टोना, दुसमनी, लड़ाई, जरन, घुस्सा, मतलबी सोच, फूट, बिरोद,

गलातिऔ 4:17

गलत सिकानै बारे तुमकै अपनो दोस्त तौ बनानो चाँहै हैं, पर उनकी सोच सई ना है कैसेकै बे तुमकै मैंसै दूर कन्‍नै की सोचै हैं जिस्सै कै तुमकै उनके ऊपर लगाब हो।

रोमियो 16:18

कैसेकै जे लोग हमरे परभु मसी की ना पर अपने पेट की सेवा करै हैं, और अपनी चिकनी चुपड़ी बातौं सै सीदे सादे मन के लोगौ कै बहका देवै हैं।

लूका 21:8

ईसु नै कैई, “चौकन्‍ने रैहऔ, कै भरमाए ना जाऔ, कैसेकै भौस्से लोग मेरे नाम सै आकै दाबो करंगे और कैंगे कै मैंई मसी हौं; और अन्‍त को टैम आ पौंचो है, तौ तुम उनकी बात मत सुनिओ।

लूका 6:26

“हाय तुमकै, जब सब आदमी तुमकै भलो कैंऐ, कैसेकै उनके बापदादा बी झूँटे भबिसबानी कन्‍नै बारौं के संग बी ऐंसोई करे करै हे।

मत्‍ती 24:5

कैसेकै भौस्से लोग मेरो नाम लेकै आंगे और कैंगे, मैं मसी हौं, और बे भौतौं कै बहका दंगे।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

1 कुरन्‍थियों 7:23

तुमकै परमेसर नै मोल ले लओ है, इसताँई आदमिऔ के गुलाम ना बनौ।

परकासन 3:8

“मैं तेरे कामौ कै जानौ हौं। देख, मैंनै तेरे ताँई एक मौहड़ो खोलर खाओ है, जिसकै कोई बन्‍द ना कर सकतो। मैं जानौ हौं कै तेरी सकति थोड़ी सी है, फिर बी तैनै मेरे बचन को पालन करो है और मेरे नाम को इनकार ना करो।

लूका 12:9

पर जो आदमिऔ के सामने मेरो इनकार करैगो, आदमी को लौंड़ा बी उसको परमेसर के सुरगदूतौं के सामने इनकार करैगो।

1 तीमुथियुस 5:8

पर कोई अपने रिस्तेदारौ की और खास करकै अपने टब्बर के आदमिऔ की फिकर ना करै है, बौ बिसवास मै पिच्‍छे हट गओ है, और बौ उनसै बी बुरो बन गओ है, जो बिसवास ना करैं हैं।

परकासन 6:10

उनौनै जोर सै ऊँची अबाज मै चिल्‍लाकै कैई, “हे पबित्‍तर और सच्‍चो परभु, तू कब तक नियाय ना करैगो? और धरती के रैहनै बारौं सै हमरे खून को बदलो कब तक ना लेगो?”