7 और भक्ति मै भाई चारे कै और भाई चारे मै पियार कै जोड़ते जाऔ।
तुम्मै भईया और बहनो को पियार बनो रैह।
तुम मसी भईयौ के जैसो एक दूसरे कै पूरे दिल सै पियार करौ, और एक दूसरे कै अपने सै अच्छो मानौ।
और परभु ऐंसो करै कै जैसो हम तुमसै पियार करै हैं, बैसोई तुम लोग बी आपस मै करौ, और तुमरो पियार सबई आदमिऔ के संग बढ़तो जाय।
इसताँई जो बी हमकै मौको मिलै है, तौ हमकै सबई के संग भलाई कन्नी चँईऐ, खास करकै बिसवासी लोगौ के संग।
इसताँई हमकै मसी सै जौ आगियाँ मिली है कै जो परमेसर सै पियार करै है बाकै अपने भईया कै बी पियार कन्नो चँईऐ।
मसी नै हमरे ताँई अपनी जिन्दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।
हम जानै हैं कै हम मौत सै लिकरकै जिन्दगी मै आ गए हैं, कैसेकै हम अपने भईयौ सै पियार करै हैं; जो पियार ना करै है, बौ मौत के बस मै है।
सबई लोगौ की इज्जत करौ, बिसवासी लोगौ सै पियार रक्खौ और परमेसर सै डरौ, राजा की इज्जत करौ।
अब देखौ जब तुमनै सच्चाई की बातौं कै मानो है और अपनी आत्मा कै पबित्तर करो है तौ तुम सच्चे दिल सै एक दूसरे सै पियार रक्खौ, और आनै बारे बखत मै बी पूरे दिल सै पियार करौ।
इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्खै है।
आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।
और तुम जा बात को धियान रक्खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्नै की कोसिस करे करौ।
