2 यहून्‍ना 1:9 - बुक्सा

⁹ जो कोई मसी की सिक्‍छा मै बनो ना रैहबै है पर बौ अग्गे बढ़तो जावै है, तौ बाके धौंरे परमेसर ना है। जो कोई मसी की सिक्‍छा मै बनो रैहबै है, बाके धौंरे परम पिता और लौंड़ा दौनौई हैं।

2 यहून्‍ना 1:9 Referans Kwoze

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

1 यहून्‍ना 1:3

हमनै जो देखो और सुनो है, बौई हम तुमकै बताबै हैं, जिस्सै तुम हमरे संग अब्बा और बाके लौंड़ा ईसु मसी के साती बनौ।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

तीतुस 2:10

चोरी चालाँकी ना करैं, पर सब तरै सै पूरे बिसवासी लिकरैं कै बे सब बातौं मै हमरे मुक्‍तिदाता परमेसर के उपदेस की सोबा बढ़ाऐं।

यहून्‍ना 15:6

अगर कोई मैं मै ना बनो रैहबै है, तौ बौ बा डुग्गी के हाँई फैंक दओ जावै है, जो सूक जावै है, और आदमी बाकै इखट्‍टो करकै आग मै जोर देवै हैं और बे जर जावै हैं।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

यहून्‍ना 5:23

कै जैसे सब आदमी अब्बा को आदर करैं हैं, बैसेई लौंड़ा को बी आदर करंगे। जो लौंड़ा को आदर ना करै, बौ अब्बा को जिसनै बौ भेजो है, आदर ना करै है।

लूका 10:22

“मेरे अब्बा नै मैंकै सब कुछ सौंप दओ है। अब्बा कै छोड़कै जौ कोई बी ना जानै है कै लौंड़ा कौन है और लौंड़ा कै छोड़कै जौ कोई बी ना जानै है कै अब्बा कौन है। सिरप बौई जानै है, जिसके ऊपर लौंड़ा नै, अब्बा कै जान्‍नै की किरपा करी है।”

इबरानिओ 6:1

आऔ हम मसी की सुरू की सिक्‍छा सै और अग्गे बढ़कै समजदार हो जाँय, जिस्सै कै बुनियाद की सिक्छा फिर सै सिकानी ना पड़ै जैसे मौत की ओर लेजानै बारे बुरे कामौ सै मन फिरानो, परमेसर मै बिसवास कन्‍नो,

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

मत्‍ती 11:27

“मेरे अब्बा नै मैंकै सब कुछ सौंपो है, अब्बा कै छोड़कै कोई बी लौंड़ा कै ना जानै है, इसई हाँई अब्बा कै कोई बी ना जानै है, सिरप लौंड़ा जानै है और बौई, जिसके ऊपर लौंड़ा उसकै परकट कन्‍नो चाँहै है।

यहून्‍ना 8:31

तब ईसु उन यहूदिऔं सै जिनौनै बाके ऊपर बिसवास करो हो कैललगो, “अगर तुम मेरे बचन मै बने रौहगे, तौ सचमुच मेरे चेला बनौगे,

3 यहून्‍ना 1:9

एक चिट्‌ठी मैंनै बिसवासिऔ की मंडली कै बी लिखी ही, मगर दियुतिरफेस, जो बहाँ को नेता बन्‍नो चाँहै है, हमरो कैहनो ना मानै है।