2 कुरन्‍थियों 9:7 - बुक्सा

⁷ हर एक आदमी बिना कुड़कुड़ाए और बिना दबाब के, उतनोई देए जित्‍तो बानै अपने मन मै सोची है। कैसेकै परमेसर खुसी सै दैनै बारे सै पियार करै है।

2 कुरन्‍थियों 9:7 Referans Kwoze

2 कुरन्‍थियों 8:12

कैसेकै जो तुमरी दैनै की इच्‍छा है, तौ बौ बाई मै सै दे, जो कुछ बाके धौंरे है, ऐंसोई दान परमेसर कै अच्‍छो लगै है। पर ना कै बौ बाके हिसाब सै देए, जो बाके धौंरे ना है।

चेलौ के काम 20:35

हर एक घड़ी मै मैंनै मैहनत कर करकै तुमरे सामने दिखाओ है कै दूसरौं की कैसे सायता करैं। परभु ईसु के बचन कै याद रक्‍खौ जो बानै कैओ हो कै, ‘माँगनै सै दैनो जादा अच्‍छो है।’ ”

रोमियो 12:8

अगर कोई सला दैनै बारो है तौ बौ सला देतो रैह। और जो दान दैनै बारो है बौ खुले दिल सै दान देतो रैह। और लोगौं की अगवाई कन्‍नै बारो तन मन सै, लोगौं की अगवाई करतो रैह, और जो दया कन्‍नै बारो है, बौ खुसी खुसी दया करतो रैह।

1 पतरस 4:9

एक दूसरे की खातरदारी खुसी के संग करौ।

याकूब 5:9

हे भईयौ, एक दूसरे के खिलाप कुड़कुड़ाऔ ना, जिस्सै कै तुम दोसी ना बन जाऔ। देखौ, नियाय कन्‍नै बारो मौहड़े मैई खड़ो है।

फिलेमौन 1:14

पर मैंनै तेरी इच्‍छा के बिना कुछ बी कन्‍नो ना चाँहो, कै तेरो ऐहसान लाचारी सै ना पर खुसी सै हो।