2 कुरन्‍थियों 8:3 - बुक्सा

³ मैं उनके बारे मै गभाई देवै हौं कै, जितनो उनके बस मै हो उत्‍तोई ना पर बासै बी जादा दिल खोलकै दओ।

2 कुरन्‍थियों 8:3 Referans Kwoze

फिलेमौन 1:14

पर मैंनै तेरी इच्‍छा के बिना कुछ बी कन्‍नो ना चाँहो, कै तेरो ऐहसान लाचारी सै ना पर खुसी सै हो।

1 कुरन्‍थियों 16:2

हर इतवार कै अपनी कमाई के हिसाब सै अपने घर मै पैसा इखट्‍टो करे करौ। जब मैं आंगो तौ बा बखत मै तुमकै पैसा इखट्‍टो कन्‍नै की जरूरत ना पड़ैगी।

चेलौ के काम 11:29

तबई चेलौ नै फैसला करो कै यहूदिया मुलक मै बिसवासी भईयौ की सायता के ताँई अपनी कमाई मै सै कुछ भेजैं।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

1 पतरस 5:2

जो तुमरे बीच मै परमेसर के लोग हैं उनकी रखबारी करौ; पर जौ दबाब सै ना और नाई बुरी कमाई के ताँई बलकन जौ परमेसर की इच्‍छा सै और अपनी खुसी सै करौ।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।

1 थिसलुनीकियौ 2:8

तुमरे ताँई हमरो पियार और लगाब इत्‍तो बढ़ गओ हो कै हम परमेसर की अच्‍छी खबर के संग-संग अपनी जान बी दैनै के ताँई तईयार हे, कैसेकै तुम हमरे खास हो गए हौ।

कुलुसिऔं 4:13

मैं बाकी जा बात को गभा हौं कै बौ तुमरे ताँई और लौदीकिया के लोगौ के ताँई और हिरापुलिस जघै के लोगौ के ताँई हमेसा बड़ी मैहनत करतो रैहबै है।

फिलिप्‍पीऔ 2:13

और जैसो परमेसर कै अच्‍छो लगो है बैसेई बौ उन बातौं कै पूरो कन्‍नै के ताँई इच्‍छा और तागत तुमरे भीतर पैदा करै है।

रोमियो 10:2

कैसेकै मैं गभाई देवौ हौं कै बे परमेसर के ताँई बड़ो जोस दिखाबै हैं पर अकल के संग ना।

गलातिऔ 4:15

तौ तुमरी बा खुसी को का भओ? मैं जा बात को गभा हौं कै अगर जौ हो सकतो तौ तुम अपनी आँख कै लिकारकै मैंकै दे देते।

मरकुस 14:8

बौ जो कुछ कर सकै ही उसनै करो, उसनै मेरे दफनाए जानै की तईयारी मै पैलेसैई मेरे सरीर मै ईत्‍तर मलो है।