2 कुरन्‍थियों 8:10 - बुक्सा

¹⁰ और तुम परके साल बी दान दैनै मै सबसै अग्गे हे और दान दैनै की इच्‍छा मै बी अग्गे हे, और इसताँई मेरी जौ सला है कै,

2 कुरन्‍थियों 8:10 Referans Kwoze

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

2 कुरन्‍थियों 9:2

कैसेकै मैं जानौ हौं कै तुम सायता कन्‍नै के ताँई तईयार हौ, इसताँई मैं मकिदुनिया मुलक के रैहनै बारौ के सामने घमंड सै कैबौ हौं कै अखाया के लोग परके साल सै तईयार हैं, और तुमरो हौसला देक्‍कै उनमै सै भौस्से लोग सायता कन्‍नै के ताँई तईयार हैं।

1 कुरन्‍थियों 7:40

पर जैसी है अगर बौ बैसीई रैह, तौ मेरी सोच सै और बी जादा अच्‍छो है। कैसेकै मैंनै जौ बात इसताँई कैई कै, मैं ऐंसो बिसवास करौ हौं कै परमेसर को आत्‍मा मेरे भीतर बी है।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

फिलिप्‍पीऔ 4:17

मैं ऐंसो इसताँई ना कैरओ हौं कै मैं दान को भूँको हौं, पर मैं तौ ऐंसो चाँहौ हौं, कै तुमरो फाएदा होतो रैह।

2 कुरन्‍थियों 8:8

मैं तुमकै हुकम ना देरओ हौं, पर जैसे दूसरे लोग खुसी सै दान देवै हैं बाके बारे मै बता कै तुमरे पियार की सच्‍चाई कै परखनो चाँहौ हौं।

1 कुरन्‍थियों 16:2

हर इतवार कै अपनी कमाई के हिसाब सै अपने घर मै पैसा इखट्‍टो करे करौ। जब मैं आंगो तौ बा बखत मै तुमकै पैसा इखट्‍टो कन्‍नै की जरूरत ना पड़ैगी।

2 कुरन्‍थियों 12:1

अपने ऊपर घमंड कन्‍नो मेरे ताँई अच्‍छी बात ना है पर फिर बी मैं परभु के दए भए दरसन और जो परभु नै परकट करो बाके ऊपर घमंड करौ हौं।

यहून्‍ना 11:50

नाई जा बात कै समजौ हौ कै जौ अच्‍छो है, कै एक आदमी हमरे लोगौ के ताँई मरै, और ना जौ सिगरी जाति नास हो।”

मत्‍ती 10:42

जो कोई इन छोटो मै सै एक कै चेला जानकै सिरप एक गिलास ठंडो पानी पिबाय, मैं तुमसै सच कैरओ हौं, बौ किसी तरै सै अपनो ईनाम ना खोगो।”

1 कुरन्‍थियों 10:23

तुमकै कैओ गओ है कै, सबई चीज हमरे ताँई सई हैं। पर सबई फाएदा बारी ना हैं। सबई चीज हमरे ताँई सई तौ हैं, पर सबई चीजौ सै तरक्‍की ना होवै है।

1 कुरन्‍थियों 6:12

अगर कोई कैए कै, “मैंकै सबई कुछ कन्‍नै को हक दओ है” पर सबई कुछ मेरे फाएदा के ताँई ना है। “मैंकै सबई कुछ कन्‍नै को हक दओ है” पर मैं खुद कै किसी बी चीज को गुलाम ना बनन देवौ हौं।

यहून्‍ना 18:14

बौ कैफा हो, जिसनै यहूदिऔं कै सला दई ही कै सब लोगौ के ताँई एक आदमी को मरनो अच्‍छो है।

यहून्‍ना 16:7

पर मैं तुमसै सच कैबौ हौं कै मेरो जानो तुमरे ताँई अच्‍छी बात है, कैसेकै अगर मैं ना जांऔ तौ बौ सायता कन्‍नै बारो तुमरे धौंरे ना आगो, पर अगर मैं जांऔ तौ बाकै तुमरे धौंरे भेज दंगो।

2 कुरन्‍थियों 8:6

इसताँई हमनै तीतुस सै बिनती करी ही कै, जैसे बानै दान की सेवा के काम कै सुरू कन्‍नै मै तुमरी सायता करी ही, बैसेई बौ तुमरे बीच मै बा सेवा के काम कै पूरो कन्‍नै मै सायता करै।