2 कुरन्‍थियों 7:2 - बुक्सा

² अपने दिल मै हमकै जघै देओ। कैसेकै हमनै किसी को कुछ बुरो ना करो, और नाई किसी कै ठेस पौंचाई, और नाई किसी कै धोको दओ।

2 कुरन्‍थियों 7:2 Referans Kwoze

2 कुरन्‍थियों 11:9

पर जब मैं तुमरे संग हो और जब्बी मैंकै किसी चीज की जरूरत पड़ी तौ बाके ताँई मैं किसी के ऊपर बोज ना बनो। कैसेकै जो भईया लोग मकिदुनिया मुलक सै आए हे उन्‍नै मेरी जरूरत कै पूरो करो। मैंनै हर एक बात मै खुद कै तुमरे ऊपर बोज ना बनन दओ और ना बन्‍नै दंगो।

चेलौ के काम 20:33

मैंनै कबी बी किसी के सौने, चाँदी और लत्‍तौ को लालच ना करो।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।

रोमियो 16:18

कैसेकै जे लोग हमरे परभु मसी की ना पर अपने पेट की सेवा करै हैं, और अपनी चिकनी चुपड़ी बातौं सै सीदे सादे मन के लोगौ कै बहका देवै हैं।

मत्‍ती 10:40

“जो तुमरी इज्‍जत करै है, बौ मेरी इज्‍जत करै है, और जो मेरी इज्‍जत करै है, बौ बाकी इज्‍जत करै है, जिसनै मैं भेजो हौं।

मत्‍ती 10:14

अगर कोई तुमरो सुआगत ना करै या तुमरी बात ना सुनै, तौ उस घर या सैहर सै लिकरते भए अपने पाँऐऔं की धूदर झाड़ दो।

फिलेमौन 1:17

अगर तू मैंकै साजेदार समजै है, तौ उसको बी मेरे जैसेई सुआगत करिए।

फिलेमौन 1:12

मैं अपने करेजे के टुकड़ा कै तेरे धौंरे बापस भेज रओ हौं।

1 थिसलुनीकियौ 2:10

परमेसर और तुम बी जा बात के गभा हौ कै तुम बिसवासी लोगौ के संग हमरो बरताब कितनो साप और बगैर गलती बारो और ईमानदारी बारो हो।

कुलुसिऔं 4:10

अरितरखुस, जो मेरे संग जेल मै कैद है और मरकुस जो बरनबास को चचेरो भईया लगै है, बाकी ओर सै बी तुमकै नमस्कार; और मरकुस के बारे मै मैंनै तुमकै पैलेई जौ आगियाँ देर खाई ही कै जब बौ तुमरे धौंरे आगो तौ तुम बाको सुआगत करिओ।

फिलिप्‍पीऔ 2:29

और तुम सबई परभु मै बड़ी खुसी के संग बाको सुआगत करौ, और ऐंसे लोगौ को आदर करे करौ।

2 कुरन्‍थियों 11:16

मैं तुमसै फिर कैबौ हौं कै, तुम मैंकै मूरख ना समजिओ। पर अगर तुम ऐंसो समजौ हौ तौ मैंकै मूरख समज कैई बरदास कर लो कै मैंकै बी घमंड कन्‍नै को मौको मिलै।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

लूका 10:8

और जिस सैहर मै जाबौ हौ, और बहाँ के लोग तुमरी इज्‍जत करैं, तौ जो कुछ तुमरे सामने परोसो जाय, बौई खाऔ।