2 कुरन्‍थियों 5:12 - बुक्सा

¹² हम तुमरे सामने अपनी बड़ाई ना करैं हैं। पर हम तुमकै एक मौको देवै हैं कै तुम हमरे ऊपर घमंड करौ जिस्सै कै तुम उन लोगौ कै जबाब दे सकौ, जो दिल की बातौं मै ना पर दिखावे की बातौं के ऊपर घमंड करै हैं।

2 कुरन्‍थियों 5:12 Referans Kwoze

2 कुरन्‍थियों 3:1

का हम फिर अपनी बड़ाई करल लगे हैं? या हमकै औरौं लोगौ के हाँई तुमसै सिपारिस की चिट्‌ठी लेनी और देनी पड़ंगी?

2 कुरन्‍थियों 1:14

जैसो अबी तुमनै हमकै थोड़ो समजो है। जब परभु ईसु को फिर सै आनै को दिन आगो तौ जैसो हम तुमरे ऊपर घमंड करै हैं, बैसेई तुम बी हमरे ऊपर करौगे।

2 कुरन्‍थियों 10:18

कैसेकै जो कोई खुद कै अच्‍छो समजै है। बौ अच्‍छो ना है पर जिसकै परभु अच्‍छो मानै है बौई अच्‍छो है।

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 10:12

कैसेकै हम्मै इत्‍ती हिम्मत ना है कै हम खुद कै उनके संग गिनै या उनकी बराबरी करैं जो अपनी बड़ाई खुद करै हैं। बे खुद कै एक दूसरे सै नापै हैं और अपनी बराबरी एक दूसरे के संग करै हैं, ऐंसे लोग बेबकूफ हैं।

2 कुरन्‍थियों 10:8

कैसेकै अगर मैं जा हक के बारे मै घमंड करौं जो परभु नै तुमरे नास के ताँई ना पर तुमरे आत्‍मिक रूप कै बढ़ानै के ताँई दओ है, तौ बाके ताँई मैं सरमिन्‍दा ना हौंगो।

2 कुरन्‍थियों 6:4

पर परमेसर के सेवक होनै के नाते सै हम खुद कै अच्‍छो बनाबै हैं, हम हिम्मत के संग, बड़े दुख, परेसानी और मुसीबत के बीच,

2 कुरन्‍थियों 10:7

तुमरी नजरौ के सामने जो है तुम उनई बातौं कै देखौ हौ। अगर किसी कै खुद के ऊपर भरोसो होए कै मैं मसी को हौं, तौ बौ जौ बी जान लै कै जैसो बौ मसी को है बैसेई हम बी मसी के हैं।

फिलिप्‍पीऔ 1:26

मेरे फिर तुमरे धौंरे बापस आनै सै मेरी बजै सै जो घमंड तुम मसी ईसु मै करौ हौ बौ और जादा बढ़ जाऐ।