2 कुरन्‍थियों 4:12 - बुक्सा

¹² इसताँई हम तौ मौत को सामनो करते रैहबैं हैं। पर तुमकै हमेसा की जिन्‍दगी को फाएदा मिलै है।

2 कुरन्‍थियों 4:12 Referans Kwoze

2 कुरन्‍थियों 13:9

जब हम कमजोर और तुम तगड़े हौ, तौ हमकै खुसी होवै है और पिराथना करै हैं कै तुम पक्‍के हो जाऔ।

1 यहून्‍ना 3:16

मसी नै हमरे ताँई अपनी जिन्‍दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।

1 कुरन्‍थियों 4:10

हम मसी के ताँई बेबकूफ हैं, पर तुम मसी मै भौत समजदार हौ। हम कमजोर हैं, पर तुम तागत बारे हौ। तुमकै इज्‍जत मिलै है, पर हमरी बेजती होवै है।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

फिलिप्‍पीऔ 2:17

और अगर मैंकै तुमरे बिसवास के बलिदान और सेवा के संग अपनो खून बी बहानो पड़ै तौबी मैं खुस हौं और तुम सबके संग खुसी मनांगो।

2 कुरन्‍थियों 12:15

मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ?

फिलिप्‍पीऔ 2:30

कैसेकै बानै मसी के कामौ के ताँई अपनी जान तक की फिकर ना करी और बौ मरई गओ हो; ताकि जो कमी तुमरी ओर सै मेरी सेवा मै भई ही, बाकै पूरो करै।

2 कुरन्‍थियों 4:11

कैसेकै ईसु की बजै सै हम जिन्‍देऔं कै हमेसा मौत के हात मै देओ जावै है, जिस्सै कै ईसु की जिन्‍दगी हमरे मरनै बारे सरीर मै परकट होए।

2 कुरन्‍थियों 4:13

कैसेकै पबित्‍तर सास्तर मै लिखौ है, “मैंनै बिसवास करो इसताँई मैं बोलो,” और हम्मै बी बिसवास की बौई आत्‍मा है, इसताँई हम बोलै हैं और हम बिसवास बी करै हैं।