2 कुरन्‍थियों 3:1 - बुक्सा

¹ का हम फिर अपनी बड़ाई करल लगे हैं? या हमकै औरौं लोगौ के हाँई तुमसै सिपारिस की चिट्‌ठी लेनी और देनी पड़ंगी?

2 कुरन्‍थियों 3:1 Referans Kwoze

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

2 कुरन्‍थियों 10:12

कैसेकै हम्मै इत्‍ती हिम्मत ना है कै हम खुद कै उनके संग गिनै या उनकी बराबरी करैं जो अपनी बड़ाई खुद करै हैं। बे खुद कै एक दूसरे सै नापै हैं और अपनी बराबरी एक दूसरे के संग करै हैं, ऐंसे लोग बेबकूफ हैं।

2 कुरन्‍थियों 5:12

हम तुमरे सामने अपनी बड़ाई ना करैं हैं। पर हम तुमकै एक मौको देवै हैं कै तुम हमरे ऊपर घमंड करौ जिस्सै कै तुम उन लोगौ कै जबाब दे सकौ, जो दिल की बातौं मै ना पर दिखावे की बातौं के ऊपर घमंड करै हैं।

चेलौ के काम 18:27

जब अपोलुस नै अखाया जानै की सोची तौ तबई इफिसुस के बिसवासी भईयौ नै बाको सुआगत कन्‍नै के ताँई अखाया के बिसवासी लोगौ कै चिट्‌ठी लिखी। जब बौ बहाँ पौंचैगो तौ, जिन लोगौ नै परमेसर की किरपा सै बिसवास करो हो उनके ताँई बड़ी सायता कन्‍नै बारो है।

1 कुरन्‍थियों 16:3

और जब मैं आंगो, तौ जिनकै तुम चाँहौ हौ उनकै मैं चिट्‌ठी देकै भेज दंगो कै तुमरो दान को पैसा ऐरूसलेम मै पौंचा दैं।

2 कुरन्‍थियों 12:19

का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है।

2 कुरन्‍थियों 10:8

कैसेकै अगर मैं जा हक के बारे मै घमंड करौं जो परभु नै तुमरे नास के ताँई ना पर तुमरे आत्‍मिक रूप कै बढ़ानै के ताँई दओ है, तौ बाके ताँई मैं सरमिन्‍दा ना हौंगो।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

1 कुरन्‍थियों 4:15

अगर तुमकै मसी मै देखभाल कन्‍नै बारे दस हजार बी होते, तौबी तुमरो अब्बा एकई है। कैसेकै जब मैंनै मसी ईसु की अच्‍छी खबर के बारे मै तुमकै सिकाओ है तौ तुम मेरे बालक बन गए हौ।

1 कुरन्‍थियों 3:10

परमेसर के बा किरपा सै, जो मैंकै देओ गओ है। मैंनै समजदार राजमिस्तरी के हाँई नीह डारी, और दूसरो बामै लद्‍धा रखै है, पर हर एक आदमी चौकस रैह, कै बौ बामै कैसो लद्‍धा रखै है।

रोमियो 16:1

मैं तुमसै हमरी बहन फीबे के ताँई बिनती करौ हौं, जो किंखिरीया के बिसवासिऔ की मंडली मै सेवा करै है।

2 कुरन्‍थियों 10:18

कैसेकै जो कोई खुद कै अच्‍छो समजै है। बौ अच्‍छो ना है पर जिसकै परभु अच्‍छो मानै है बौई अच्‍छो है।