2 कुरन्‍थियों 11:2 - बुक्सा

² कैसेकै मैं तुमरे ताँई बैसेई फिकर करौ हौं जैसी परमेसर करै है। तुम एक पबित्‍तर कुँआरी के हाँई हौ, जिसकी सगाई मैंनै एकई आदमी संग करर खाई है, और बौ आदमी मसी है।

2 कुरन्‍थियों 11:2 Referans Kwoze

यहून्‍ना 3:29

दूलाह बौई है जिसकी दुलहैन है, पर दूलाह को दोस्त जो खड़ो भओ बाकी सुनै है, दूलाह की अबाज सुनकै खुस होवै है और बैसेई मेरी जौई खुसी पूरी भई है।

कुलुसिऔं 1:28

हमकै जो गियान मिलो पड़ो है बाको परचार करते भए हम हर एक आदमी कै चौकस करै हैं, और गियान की बात सिकाबै हैं जिस्सै कै हम हर एक आदमी कै मसी मै मजबूत करकै परमेसर के सामने खड़ो कर सकैं।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

रोमियो 7:4

मेरे भईयौ, ऐंसेई मसी के सरीर के दुआरा नियम के ताँई तुम बी मर चुके हौ। इसताँई अब तुम बी उस मसी के हो गए हौ। जो मरे भएऔं मै सै फिर सै जिन्‍दो करो गओ है। जिस्सै हम परमेसर के ताँई अच्‍छे फल लाऐ।

2 कुरन्‍थियों 4:14

कैसेकै हम जौ जानै हैं कै, जिसनै परभु ईसु कै जिन्‍दो करो है, बौई हमकै ईसु मै फिर सै जिन्‍दो करैगो, और तुमरे संग हमकै बी अपने सामने खड़ो करैगो।

1 कुरन्‍थियों 4:15

अगर तुमकै मसी मै देखभाल कन्‍नै बारे दस हजार बी होते, तौबी तुमरो अब्बा एकई है। कैसेकै जब मैंनै मसी ईसु की अच्‍छी खबर के बारे मै तुमकै सिकाओ है तौ तुम मेरे बालक बन गए हौ।

गलातिऔ 4:11

पर मैंकै जा बात सै डर लगै है कै जो मैहनत मैंनै तुमरे बीच मै करी है बौ सिगरी कहीं बेकार ना जाय?

1 थिसलुनीकियौ 2:11

तुम जानौ हौ कै जैसो अब्बा अपने बालकौ के संग बरताब करै है, बैसोई हमनै बी तुमरे संग करो।

परकासन 14:4

जे बे आदमी हे जिनौनै अपने आपकै कबी किसी बईयर के संग असुद्‍द ना करो और अपने आपकै पबित्‍तर रक्‍खो। और जहाँ कहीं बी मैमना जावै हो बे उसके संग जावै हे। परमेसर और मैमना के ताँई पैले फल के रूप मै इनकै आदमिऔ मै सै मोल लेएओ गओ हो।