2 कुरन्‍थियों 10:1 - बुक्सा

¹ मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

2 कुरन्‍थियों 10:1 Referans Kwoze

2 कुरन्‍थियों 10:10

कुछ लोग ऐंसो कैबै हैं कै, “पौलुस की चिट्‌ठी तौ मजबूत और असरदार है। पर जब बौ तुम लोगौ के धौंरे आवै है तौ तबई बाको सरीर कमजोर और बाकी बात बेकार सी लगै हैं।”

मत्‍ती 11:29

मेरो जुआ अपने ऊपर उठा लो, और मैंसै सीकौ, मैं सौभाब सै नमर और दीन हौं, और तुम अपने मन मै सान्‍ति पाऔगे।

गलातिऔ 5:2

सुनौ, मैं पौलुस तुमसै जौ कैबौ हौं कै, अगर तुम अपनो खतना कराऔगे, तौ मसी सै तुमकै कुछ बी फाएदा ना होगो।

रोमियो 12:1

इसताँई हे भईयौ, परमेसर की दया कै याद करबाकै मैं तुमसै बिनती करौ हौं, कै अपने सरीर कै जिन्‍दो, पबित्‍तर और जैसो परमेसर कै अच्‍छो लगै है बैसो बलिदान करकै चढ़ाऔ, और जौई तुमरे ताँई सई सेवा है।

2 कुरन्‍थियों 11:30

अगर घमंड मैंकै कन्‍नोई है, तौ मैं अपनी कमजोरिऔं को घमंड करंगो।

1 कुरन्‍थियों 2:3

मैं कमजोरी और डर डरकै थरथरातो भओ तुमरे संग रैहओ।

परकासन 1:9

मैं यहून्‍ना, जो तुमरो भईया और ईसु मै दुख सैहनै और राज और धीरज मै तुमरो संगी साती हौं, परमेसर के बचन और ईसु की गभाई के कारन पतमुस नाम के टापू मै हो।

1 पतरस 2:11

पियारे भईयौ, तुम परदेसी और यातरी हौ इसताँई मैं तुमसै बिनती करौ हौं कै तुम अपने सरीर की बुरी इच्‍छा सै बचे रौह जो आत्‍मा के बिरोद मै लड़ाई के ताँई उठै हैं।

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।

2 थिसलुनीकियौ 3:17

मैं पौलुस अपने हात सै तुमकै नमस्कार लिख रओ हौं। मेरे सिगरे चिट्‌ठी मै मेरो जौई चिन्‍न है। मेरो लिखनै को तरीका जौई है।

इफिसिऔ 4:1

इसताँई मैं परभु मै होनै की बजै सै जेल मै हौं, और तुम लोगौ सै बिनती करौ हौं कै तुमकै अपनी जिन्‍दगी बैसेई जीनी चँईऐ जैसे परमेसर नै तुमकै बुलार खाओ है।

गलातिऔ 4:13

पर तुम जौ बात जानौ हौ कै मेरी तबियत खराब होनै की बजै सै मैंनै तुमकै सबई सै पैले अच्‍छी खबर सुनाई ही।

2 कुरन्‍थियों 12:5

ऐंसे आदमी के ऊपर मैं घमंड करंगो, मगर मैं खुद के ऊपर ना पर अपनी कमजोरिऔं के ऊपर घमंड करंगो।

2 कुरन्‍थियों 11:21

मैं सरम के संग बोल रओ हौं कै हम इन बातौं कै कन्‍नै के ताँई बेसानी कमजोर हैं। मैं बेबकूफी सै बोल रओ हौं कै अगर कोई आदमी किसी चीज के ऊपर गर्ब कन्‍नै की हिम्मत करै है, तौ बैसेई हिम्मत मैं बी करौ हौं।

2 कुरन्‍थियों 10:7

तुमरी नजरौ के सामने जो है तुम उनई बातौं कै देखौ हौ। अगर किसी कै खुद के ऊपर भरोसो होए कै मैं मसी को हौं, तौ बौ जौ बी जान लै कै जैसो बौ मसी को है बैसेई हम बी मसी के हैं।

2 कुरन्‍थियों 10:2

मेरी तुमसै जौ बिनती है कै जब मैं तुमरे धौंरे आंगो तौ मैंकै कठोर बन्‍नै के ताँई मजबूर मत करिओ, कैसेकै जो लोग समजै हैं कै हम दुनिया के लोगौ के हाँई बरताब करै हैं, तौ मैं उनकै कठोर बनकै दिखांगो।

2 कुरन्‍थियों 7:4

मैंकै तुमरे ऊपर भरोसो बी है और घमंड बी है। कैसेकै हमरे दुख और परेसानी मै बी तुमनै हमकै हिम्मत दई और भौस्सी खुसी बी दई।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

2 कुरन्‍थियों 5:20

इसताँई हम मसी के दूत हैं, और परमेसर हमरे दुआरा तुमकै समजाबै है। और हम मसी की ओर सै तुमसै बिनती करै हैं कै तुम परमेसर के संग मेल करौ।

2 कुरन्‍थियों 3:12

हम इस आस की बजै सै मजबूत हैं।

1 कुरन्‍थियों 4:10

हम मसी के ताँई बेबकूफ हैं, पर तुम मसी मै भौत समजदार हौ। हम कमजोर हैं, पर तुम तागत बारे हौ। तुमकै इज्‍जत मिलै है, पर हमरी बेजती होवै है।

रोमियो 15:15

मगर मैंनै तुमकै फिर सै याद दिब्बानै के ताँई कुछ बातौं के बारे मै साप-साप लिखो है। और जो किरपा मैंकै परमेसर सै मिली है, उसई की बजै सै जौ कर रओ हौं।

रोमियो 10:20

फिर यसाया हिम्मत के संग कैबै है, “जो मैंकै ना ढूंड़ै हे, उनौनै मै पा लओ। और जो मेरे बारे मै पूँछै बी ना हैं, उनमै मैं परकट भओ।”

चेलौ के काम 8:32

पबित्‍तर सास्तर की किताब को जो अध्‍याय बौ पढ़ रओ हो बौ ऐंसो हो, “बाकै बलि होनै बारी भेड़ के हाँई लेजाओ जा रओ है, और जैसे मैमना अपने ऊन कतरनै बारौ के सामने चुप रैहबै है, बैसेई बानै अपने मौह सै एक अबाज बी ना लिकारी।

मत्‍ती 21:5

“सिओन की लौंड़िया सै कैऔ, देख, तेरो राजा तेरे धौंरे आवै है, बौ नमर है, बौ गधा मै बैठो है, पर गधईया के बच्‍चा के ऊपर।”

1 कुरन्‍थियों 4:21

तुम का चाँहौ हौ? का मैं डन्डा लेकै तुमरे धौंरे आँऔं या पियार और कोमलता की आत्‍मा के संग आँऔं?

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

फिलिप्‍पीऔ 4:5

तुमरे सबर बारे सौभाब कै सब लोग जान सकैं, कैसेकै परभु आनै बारो है।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

फिलेमौन 1:19

मैं पौलुस अपने हात सै लिख रओ हौं, कै मैं खुद इसकै चुकांगो, और मैंकै जौ कैनै की जरूरत ना है, कै तू मेरो करजदार है और बौ करज तेरी जिन्‍दगी है।