2 कुरन्‍थियों 1:9 - बुक्सा

⁹ सच्‍ची मैई हमनै अपने मन मै जौ सोच लओ हो कै हमकै मौत की सजा दे दई है। जौ इसताँई भओ कै हम अपने ऊपर ना पर परमेसर के ऊपर भरोसो रक्‍खै हे जो मरे भएऔं कै फिर सै जिन्‍दो करै है।

2 कुरन्‍थियों 1:9 Referans Kwoze

2 कुरन्‍थियों 3:5

हम ऐंसो ना सोचै हैं कै हम खुद अपनी तागत सै कुछ कर सकै हैं, पर हमकै तागत दैनै बारो परमेसर है।

इबरानिओ 11:19

इब्राहिम नै जौ मान लओ हो कै परमेसर मरे भए लोगौ कै फिर सै जिन्‍दो कर सकै है। एक हिसाब सै देखो जाऐ तौ, इब्राहिम नै इसहाक कै मरे भएऔं मै सै जिन्‍दो पाओ।

2 कुरन्‍थियों 4:7

पर हम मट्‍टी के बा बरतन के हाँई हैं जिसमै जौ खजानो रक्‍खो भओ है। जिस्सै जौ साप-साप हो जाऐ कै बौ सकति जो कबी खतम ना होवै है, हमरी ओर सै ना पर बौ परमेसर की ओर सै है।

लूका 18:9

फिर ईसु नै उन लोगौ के ताँई बी जो अपने आपकै धरमी समजै हे, और किसी कै कुछ ना समजै हे, जौ दासतान सुनाई।

रोमियो 8:36

जैसो कै सास्तर मै लिखो है, “तेरे ताँई हम दिनभर मारे जावै हैं। हमकै काटी जानै बारी भेड़ौ के जैसो समजो जावै है।”

2 कुरन्‍थियों 1:8

हे भईयौ और बहनौ, जैसी मुसीबत हमनै एसिया मै झेली हीं बाके बारे मै तुमकै जरूर पतो होनो चँईऐ, और बे मुसीबत इत्‍ती बड़ी और भारी हीं कै हमरे सैहने सै बाहार हीं और ऐंसो लगै हो कै हमनै अपनी जिन्‍दगी सै बी हात धो दओ होए।

2 कुरन्‍थियों 1:10

बानै हमकै बा बड़ी मौत सै बचाओ और बचातो बी रैहगो; और हमरी आस बासै जौ है कै बौ आनै बारे बखत मै बी हमकै बचातो रैहगो।