2 कुरन्‍थियों 1:24 - बुक्सा

²⁴ और जाको मतलब जौ ना है कै, हम तुमरे बिसवास के ऊपर हक पानो चाँहै हैं। तुम तौ अपने बिसवास मै मजबूत हौ, पर हम तुमरे संग काम करकै तुमकै खुसी देनी चाँहै हैं।

2 कुरन्‍थियों 1:24 Referans Kwoze

1 पतरस 5:3

जिन लोगौ कै तुमरे हात मै देओ है उनके ऊपर हक ना जमाऔ, पर उनके ताँई एक मिसाल बनौ।

1 कुरन्‍थियों 15:1

भईयौ और बहनौ, मैं तुमकै याद दिब्बानो चाँहौ हौं कै जो अच्‍छी खबर मैंनै तुमरे बीच मै पैले सुनाई ही। जिसकै तुम मानौ हौ और जिसमै तुम चलौ हौ।

2 कुरन्‍थियों 5:7

कैसेकै हम जो देखै हैं बाके हिसाब सै ना पर बिसवास के हिसाब सै जीवै हैं।

2 कुरन्‍थियों 4:5

हम खुद अपनो परचार ना करै हैं पर ईसु मसी को जो परभु है बाको परचार करै हैं। मैं अपने बारे मै जौ कैबै हौं कै हम ईसु की बजै सै तुमरे सेवक हैं।

रोमियो 11:20

जौ सच है, कै बे अपने अबिसवास के कारन काटकै अगल कर दए गए, मगर तुम अपने बिसवास के कारन अपनी जघै मै बने भए हौ। तुम घमंड ना करौ, पर चौकस रैहओ।

रोमियो 5:2

मसी नै हमरे ताँई उस किरपा को दरबाजो खोलो है जिसमै हम अबी खड़े हैं, जो बिसवास के कारन हमकै मिलो है। और परमेसर की महिमा की उमीद मै हम घमंड करैं हैं।

मत्‍ती 24:49

और बौ दूसरे नौकरौ कै पीटनै और पियक्‍कड़ौ के संग खानै पीनै लगै,

1 कुरन्‍थियों 3:5

तौ फिर बताऔ अपोलुस का है और पौलुस का है? सिरप हम तौ परमेसर के सेवक हैं। जिसके दुआरा तुमनै बिसवास करो, जैसो परभु नै हम सबई कै काम कन्‍नै को मौको दओ है।

रोमियो 1:12

मतलब, हम उस बिसवास के दुआरा जो मैं मै और तुम्मै है एक दूसरे सै हिम्मत लैं।

2 कुरन्‍थियों 11:20

कैसेकै जब तुमकै कोई अपनो दास बनाऐ, या तुमरो फाएदा उठाऐ, या तुमकै कुछ बात मै फसा देवै, या खुद कै तुमसै बड़ो समजै, या तुमरे मौह मै चाँट मारै तौबी तुम बाकै सैह लो।