2 कुरन्‍थियों 1:21 - बुक्सा

²¹ और बौ परमेसरई है, जिसनै हमकै मसी मै तुमरे संग मजबूती सै जोड़ खाओ है, और बाई नै हमकै छाँटर बी खाओ है।

2 कुरन्‍थियों 1:21 Referans Kwoze

1 यहून्‍ना 2:27

तुम लोगौ कै मसी सै जो पबित्‍तर आत्‍मा मिली है, बौ तुम्मै बनी रैहबै है। इसताँई तुमकै किसी दूसरे गुरू की जरूरत ना है। बौ तुमकै सब कुछ सिकाबै है और बाकी सिक्‍छा सच्‍ची है, झूँटी ना है। तुम बा सिक्‍छा के हिसाब सै मसी मै बने रौह।

1 यहून्‍ना 2:20

तुम लोगौ कै तौ पबित्‍तर आत्‍मा सै अबीसेक मिलो है और तुम सबई लोग सच्‍चाई जानौ हौ।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

रोमियो 8:9

अगर सच्‍ची मै परमेसर को आत्‍मा तुम्मै बसै है, तौ तुम सरीर के ना हौ, पर आत्‍मा के हौ। पर अगर किसी मै मसी को आत्‍मा ना हो, तौ बौ मसी को ना है।

2 थिसलुनीकियौ 3:3

पर हमरो परभु बिसवासजोग है। बौ तुमकै सैतान सै बचागो और तुमकै हिम्मत देगो।

चेलौ के काम 10:38

परमेसर नै ईसु नासरी कै पबित्‍तर आत्‍मा और सकति सै भरो हो और बौ सबई लंग फिर कै भलाई के काम करतो और जो लोग सैतान के बस मै हे उनकै बौ अच्‍छो करै हो, कैसेकै परमेसर बाके संग हो।

2 थिसलुनीकियौ 2:8

तबई बौ दुसट आदमी परकट होगो। पर जब परभु ईसु फिर सै आगो तौ बौ बाकै अपनी मौह की फूँक सै मार देगो और अपनी जोती की चमक सै बाकै भसम कर देगो।

2 कुरन्‍थियों 5:5

जिसनै हमकै जा बात के ताँई तईयार करो है, बौ परमेसर है, और बानै हमकै बियाने मै पबित्‍तर आत्‍मा दई है।

यहून्‍ना 3:34

कैसेकै जो परमेसर नै भेजो है, बौ परमेसर की बात कैबै है, कैसेकै बौ बिना तोल कै उनकै आत्‍मा देवै है।

परकासन 3:18

इसताँई मैं तेकै सला देरओ हौं कै आग मै सुद्‍द करो भओ सौनो मैंसै मोल लेकै तू सेट हो जाय और सपेद लत्‍ता मोल ले ले जिसकै पैहरकै तेरे नंगेपन की सरम ढक जाय और अपनी आँख मै लगानै के ताँई सुरमा मोल ले ले, कै तू देखल लगै।

परकासन 1:6

उसनै हमकै अपने पिता परमेसर के ताँई राज और पुजारिऔं को समू बनाओ, उसई की महिमा और पराकरम युगौं-युगौं तक रैह। ऐंसोई होए।

2 थिसलुनीकियौ 2:17

बौ तुमरे मनौ मै सान्‍ति दै और सिगरे अच्‍छे काम और बचन मै पक्‍को बनाऐ रक्‍खै।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

कुलुसिऔं 2:7

और बाई मै तुम गैहराई सै जड़ पकड़ौ और बढ़ते जाऔ और जैसो तुमकै सिकाओ है बैसेई बिसवास मै मजबूत होते जाऔ, और परमेसर को जादा सै जादा धन्‍नबाद करते रौह।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

1 कुरन्‍थियों 1:8

परमेसर अन्‍त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।