2 कुरन्‍थियों 1:17 - बुक्सा

¹⁷ जब मैंनै तुमरे धौंरे आनै के ताँई मन बनाओ हो, तौ तुमनै ऐंसो सोचो कै जौ सबई कुछ मैं बगैर सोचे समजे करौ हौं। तुमनै मेरे बारे मै जौ बी सोचो कै मैं दुनिया के आदमिऔ के हाँई एकई घड़ी मै हाँ मै हाँ और ना मै ना करौ हौं।

2 कुरन्‍थियों 1:17 Referans Kwoze

मत्‍ती 5:37

पर तुमरी बात हाँ की हाँ, या ना की ना हो, कैसेकै जो कुछ इस्सै जादा होवै है बौ जो बुरो है बासै होवै है।

याकूब 5:12

हे मेरे भईयौ, सबसै बड़ी बात तौ जौ है कै कसम ना खाऔ; ना सुरग की, ना धरती की, और ना किसी और चीज की। पर तुमरी बात हाँ की हाँ, या ना की ना मै हो, कहीं ऐंसो ना होए कै तुमकै सजा मिलै।

यहून्‍ना 8:15

तुम आदमी के सरीर के अनुसार नियाय करौ हौ, पर मैं किसी को नियाय ना करौ हौं।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

1 थिसलुनीकियौ 2:18

इसताँई हम तुमसै मिलनै के ताँई भौत कोसिस कर रए हे। मैं पौलुस खुद नै बी बेरमबेरा तुमरे धौंरे आनै की कोसिस करी। पर सैतान हमकै रोके रैहओ।

गलातिऔ 2:2

परमेसर नै मैंकै कैई और इसताँई मैं बहाँ गओ और जिस अच्‍छी खबर को मैंनै गैर यहूदी लोगौ के बीच मै परचार करो हो बाके बारे मै उनकै बताओ। हाँ सिरप उनकै बताओ हो जो जानेमाने लोग हे। कैसेकै ऐंसो ना होए कै बे काम जो मैंनै पैले करे हे और जो काम मैं कर रओ हौं बे बेकार ना जाऐ।

गलातिऔ 1:16

और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

मत्‍ती 1:19

तौ उसके मंगेतर यूसप नै जो एक धरमी आदमी हो और उसकै बदनाम कन्‍नो ना चाँहै हो, इसताँई बानै चुपके सै सगाई तोड़ दैनै की सोची।

2 कुरन्‍थियों 11:18

कैसेकै भौस्से लोग अपनी जा दुनिया की जिन्‍दगी के ऊपर घमंड करै हैं, तौ फिर मैं बी घमंड करंगो।