1 तीमुथियुस 6:17 - बुक्सा

¹⁷ जा दुनिया के लोगौ कै जौ हुकम दो कै बे घमंड ना करैं और खतम होनै बारी धन-दौलत के ऊपर ना, पर परमेसर मै आस रक्‍खैं जो हमरे सुख के ताँई जरूरत सै बी जादा देवै है।

1 तीमुथियुस 6:17 Referans Kwoze

चेलौ के काम 14:17

तौबी बौ अपने भले कामौ के दुआरा तुमकै अपनी गभाई देतो रैहऔ। बौ भलाई करते भए आसमान सै बरखा बरसातो जिस्सै कै अच्‍छी फसल पैदा होए। और बौ तुमकै रोटी देवै हो और तुमरे दिल कै खुसी सै भरै हो।”

1 तीमुथियुस 4:10

कैसेकै हम काम और मैहनत इसताँई करैं कै हमरो बिसवास बा जिन्‍दे परमेसर मै है, जो सबई लोगौ कै बचाबै है, और खास करकै उनकै जो बाके ऊपर बिसवास करै हैं।

मत्‍ती 19:23

तब ईसु नै अपने चेलौ सै कैई, “मैं तुमसै सच कैरओ हौं, सेटौं को सुरग के राज मै परबेस कन्‍नो मुसकल होगो।

तीतुस 2:12

और बाकी किरपा हमकै चितौनी देवै है, कै हम अधरम के कामौ और दुनिया की मोह-माया सै मन फेरकै इस युग मै संयमी और धरमी होकै भक्‍ति सै जिन्‍दगी बिताऐ,

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

लूका 19:2

और देखौ, बहाँ जक्‍कई नाम को एक भौत सेट आदमी हो। बौ लगान बसूल कन्‍नै बारौं को मुखिया हो।

रोमियो 11:20

जौ सच है, कै बे अपने अबिसवास के कारन काटकै अगल कर दए गए, मगर तुम अपने बिसवास के कारन अपनी जघै मै बने भए हौ। तुम घमंड ना करौ, पर चौकस रैहओ।

2 तीमुथियुस 4:10

कैसेकै देमास नै मैंकै छोड़कै जा दुनिया की बातौं सै पियार करो और थिसलुनीके देस मै चलो गओ। करेसकेन्स तौ गलातिया कै चलो गओ और तीतुस दलमतिया कै चलो गओ।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

1 तीमुथियुस 1:3

जैसो मैंनै मकिदुनिया मुलक मै जाते दफै तुम लोगौ सै इफिसुस सैहर मै रैहनै की बिनती इसताँई करी कै जो लोग इफिसुस मै गलत सिक्‍छा दे रए हैं, उनकै समजाऔ कै बे ऐंसो ना करैं।

1 थिसलुनीकियौ 1:9

कैसेकै बे खुद हमरे बारे मै बताबै हैं कै तुमनै हमरो सुआगत कैसो करो और तुम मूरतिऔं कै छोड़कै परमेसर की ओर कैसे आए, जिस्सै कै बे जिन्‍दे और सच्‍चे परमेसर की सेवा करैं।

इफिसिऔ 5:5

कैसेकै तुम जौ बात कै जानौ हौ कै बैबिचार कन्‍नै बारो और गन्‍दे काम कन्‍नै बारो और लालची आदमी एक मूरती पूजा कन्‍नै बारे आदमी के बराबर है और बौ मसी और परमेसर के राज मै कबी ना जा सकै है।

चेलौ के काम 17:25

परमेसर कै किसी बी चीज की कमी ना है, और बाकै आदमी की सायता की जरूरत बी ना है, कैसेकै बौई सबई कै जिन्‍दगी, साँस और सबई कुछ देवै है।

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

मरकुस 10:24

जा बात सै बाके चेला अचम्बे मै पड़ गए, पर ईसु नै उनसै फिर कैई, “मेरे बालकौ, परमेसर के राज मै परबेस कन्‍नो कितनो मुसकल है।”

मत्‍ती 27:57

साँज के टैम अरमतिआ सैहर सै यूसप नाम को एक सेट आओ। बौ खुद ईसु को चेला बन गओ हो।

मत्‍ती 6:32

कैसेकै परमेसर कै ना माननै बारे इन सब चीजौ की खोज मै लगे रैहबैं हैं, तुमरो सुरग को अब्बा जानै है कै तुमकै इन सब चीजौ की जरूरत है।

तीतुस 3:6

जो परमेसर नै हमरे मुक्‍तिदाता ईसु मसी के दुआरा पबित्‍तर आत्‍मा हमरे ऊपर भरपूरी सै उड़ेलो।

1 तीमुथियुस 5:21

परमेसर, ईसु मसी और चुने भए सुरगदूतौं के सामने, मैं तुमकै जौ हुकम देवौ हौं कै तुम इन बातौं कै पूरे दिल सै मानौ और कोई बी काम कै भेदभाब सै ना करौ।

1 तीमुथियुस 3:15

अगर मैंकै आनै मै देर होए तौ तुमकै जौ पतो होनो चँईऐ कै परमेसर के टब्बर के लोगौ को बरताब कैसो होनो चँईऐ। जौ टब्बर जिन्‍दे परमेसर के बिसवासिऔ की मंडली है, और सच्‍चाई की बुनियाद और खम्मा है।

मत्‍ती 12:32

जो कोई आदमी के लौंड़ा के खिलाप कुछ बात कैगो, बाकै माफी मिल जागी, पर जो पबित्‍तर आत्‍मा के खिलाप बोलैगो, बाकै माफी ना मिलैगी, ना इस युग मै और नाई आनै बारे युग मै।

लूका 3:11

बानै उनकै जबाब दओ, “कै जिसके धौंरे दो कुरता हौं? बौ, जिसके धौंरे ना है, उसकै एक बाँट दे और जिसके धौंरे रोटी हो, बौ बी ऐंसोई करै।”

1 तीमुथियुस 6:9

जो लोग सेट होनो चाँहै हैं बे लालच मै पड़कै सैतान के फंदा मै फस जावै हैं। पागलौ बारे काम और नुक्‍सान पौंचानै बारी बातौं मै ना फसौ, जो आदमी कै बिगाड़ देवै है और बाकै नास की ओर ले जावै है।

2 पतरस 1:11

और इसई तरै सै हमरे मुक्‍ति दैनै बारे परभु ईसु मसी के हमेसा के राज मै बड़ी इज्‍जत के संग तुमरो सुआगत करो जागो।

मत्‍ती 25:16

जिसकै पाँच हजार असरपी मिली हीं, उसनै तुरन्‍त जाकै उनसै लेन-देन करो, बानै पाँच हजार असरपी और कमा लंई।