1 तीमुथियुस 6:16 - बुक्सा

¹⁶ सिरप बौई अमर है जो हमेसा की जोती मै रैहबै है, जिसकै किसी आदमी नै ना तौ कबी देखो है और नाई देख सकै है। बाकी इज्‍जत और सकति युगौं-युगौं तक रैह। ऐंसोई होए।

1 तीमुथियुस 6:16 Referans Kwoze

1 तीमुथियुस 1:17

हमेसा राज कन्‍नै बारो राजा और कबी नास ना होनै बारो और जिसकै हम ना देख सकै हैं। बौ एकई परमेसर है और बाकी इज्‍जत और बड़ाई युगौं-युगौं तक है। ऐंसोई होए।

यहून्‍ना 1:18

परमेसर कै किसी नै कबी ना देखो, परमेसर को इकलौतो लौंड़ा जो खुद परमेसर है और अब्बा के संग है, बाई नै बौ परकट करो है।

1 यहून्‍ना 1:5

जो खबर हमनै ईसु मसी सै सुनी और जो हम तुमकै सुनावै हैं, बौ जौ है, कै परमेसर जोती है और बामै कोई इन्धेरो ना है।

कुलुसिऔं 1:15

बौ दिखाई ना दैनै बारे परमेसर को दिखाई दैनै बारो रूप है, और जो कुछ बी परमेसर नै बनाओ है बाके ऊपर बाको हक है।

यहून्‍ना 6:46

जौ ना समजौ, कै किसी नै अब्बा कै देखो है, पर जो परमेसर के धौंरे सै आवै है, बाई नै अब्बा कै देखो है।

परकासन 22:5

बहाँ फिर कबी रात ना होगी, उनकै दिया या सूरज के उज्‍जेरे की जरूरत ना होगी, कैसेकै परभु परमेसर अपनो उज्‍जेरो उनकै देगो, और बे हमेसा के ताँई राज करंगे।

परकासन 4:11

“हे हमरे परभु और परमेसर, तूई महिमा और आदर और सकति के जोग है, कैसेकै तैनैई सब चीज बनाई और बे तेरी मरजी सैई बनाई गंई।”

परकासन 1:6

उसनै हमकै अपने पिता परमेसर के ताँई राज और पुजारिऔं को समू बनाओ, उसई की महिमा और पराकरम युगौं-युगौं तक रैह। ऐंसोई होए।

यहूदा 1:25

और बा एक मात्‍तर परमेसर की ओर सै जो हमकै मुक्‍ति दैनै बारो है, बाकी बड़ाई, महिमा, तागत और बाको अधकार जो हमरे परभु ईसु मसी के दुआरा पुराने जमाने सै हो रओ है और अबी बी है और युगौं-युगौं तक होतो रैहगो। ऐंसोई होए।

इफिसिऔ 3:21

बाकी महिमा बिसवासिऔ की मंडली मै और मसी ईसु मै सिगरी पीढ़ी सै पीढ़ी तक युगौं-युगौं तक होती रैह। ऐंसोई होए।

परकासन 7:12

“आमीन, हमरे परमेसर की बड़ाई और महिमा, गियान, धन्‍नबाद, आदर, जोर और सकति युगौं-युगौं तक बनी रैह। ऐंसोई होए।”

इबरानिओ 13:8

ईसु मसी कल और आज और हमेसा एक जैसो है।

परकासन 21:3

तबई सिंगासन सै एक ऊँची अबाज मै मैंनै जौ कैते भए सुनो, “देखौ अब परमेसर को डेरा आदमिऔ के बीच मै है और बौ उनके बीच मै रैहगो। बे उसके लोग हौंगे और परमेसर खुदई उन लोगौ के संग रैहगो।

यहून्‍ना 14:9

ईसु नै बासै कैई, “फिलिप्‍पुस, मैं इतने दिनौ सै तेरे संग हौं, फिर बी तू मैंकै ना जानै है? जिसनै मैं देखो हौं, बानै अब्बा देखो है। तू कैसे कैबै है, ‘हमकै अब्बा दिखा दे?’

परकासन 1:8

परभु परमेसर, जो है और जो हो और जो आनै बारो है, जो सरब सकतिमान है, जौ कैबै है, “मैंई सुरूआत और अन्‍त हौं।”

यहून्‍ना 8:58

ईसु नै उनसै कैई, “मैं तुमसै सच-सच कैबौ हौं, इब्राहिम सै पैले, मैं हौं।”

फिलिप्‍पीऔ 4:20

हमरे परम पिता परमेसर की महिमा युगौं-युगौं तक होती रैह। ऐंसोई होए!

याकूब 1:17

कैसेकै सबई अच्‍छे और पक्‍के बरदान ऊपर सै हैं, और जे सबई उज्‍जेरे के अब्बा की ओर सै नीचे आबै हैं, और छाँई तौ बदल जावै है पर बौ कबी ना बदलै है।

1 यहून्‍ना 1:7

पर अगर जैसे बौ खुद जोती मै है, बैसेई हम बी जोती मै चलैं, तौ एक दूसरे के संग हमरो अच्‍छो मेल-जोल होगो और परमेसर को लौंड़ा ईसु को खून हमकै सबई पापौं सै सुद्‍द कर देवै है।

1 यहून्‍ना 4:12

परमेसर कै कबी बी किसी नै ना देखो। अगर हम एक दूसरे सै आपस मै पियार रक्‍खैं, तौ परमेसर हम्मै रैहबै है और बाको पियार हमरे भीतर पक्‍को हो गओ है।