1 तीमुथियुस 5:20 - बुक्सा

²⁰ जो लोग पाप करते रैहबैं हैं। उनकै सबई के सामने चितौनी दो, जिस्सै कै दूसरे लोग बी पाप कन्‍नै सै डरै।

1 तीमुथियुस 5:20 Referans Kwoze

2 तीमुथियुस 4:2

तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

तीतुस 1:13

जौ गभाई सच है, इसताँई उनकै कड़ाई सै डाँट फटकार, कै बे बिसवास मै पक्‍के हो जाँय,

चेलौ के काम 5:11

तबई सैरे बिसवासिऔ की मंडली के लोगौ मै और जितनौ नै जा बात के बारे मै सुनो हो सबई के ऊपर डर छा गओ।

1 तीमुथियुस 1:20

और इनमै हिमुनियुस और सिकन्‍दर बी हैं। मैंनै उनकै सैतान के हात मै दे दओ, जिस्सै कै उनकै परमेसर के खिलाप मौह सै बुराई ना कन्‍नै को सबक सिकाओ जाय।

चेलौ के काम 5:5

जौ बात सुनकै हननियाह गिर पड़ो और मर गओ। और जौ बात जिन लोगौ नै सुनी ही बे भौतई डर गए हे।

चेलौ के काम 19:17

जा बात को पतो इफिसुस के सिगरे यहूदी और यूनानी लोगौ कै लगो और जौ बात सुनकै बे डर गए और परभु ईसु के नाम की और बी बड़ाई करल लगे।

2 कुरन्‍थियों 7:11

तुम देखौ हौ, जो दुख परमेसर की ओर सै आए हैं, उन दुखौ की बजै सै तुमरी जिन्‍दगी बदलल लगी ही। तुम खुद कै निरदोस साबित कन्‍नै के ताँई पूरे जोस सै भरे भए, तुम्मै अनियाय के ताँई घुस्सा, मुसीबत के ताँई हमेसा तईयार, मैंसै जल्दी मिलनै के ताँई इच्‍छा, सेवा की भक्‍ति और गलत काम कन्‍नै बारौ कै सजा दैनै के ताँई हमेसा तईयार हौ। तुमनै ऐंसो करकै जौ बता दओ है कै तुमनै सबई कुछ सई कन्‍नै मै कोई कसर ना छोड़ी है।

इफिसिऔ 5:11

जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ।

तीतुस 2:15

इन बातौं कै पूरे अधकार के संग कैह और समजातो, सिकातो और डाटतो रैह। जिस्सै कोई तेरी अनसुनी ना कर सकै।