1 तीमुथियुस 5:17 - बुक्सा

¹⁷ बिसवासिऔ की मंडली मै जो अच्‍छी देखभाल कन्‍नै बारे अगुबे लोग हैं, उनकी दुगनी इज्‍जत करे करौ, खास करकै उनकै जिनको काम परचार कन्‍नै और सिकानै को है।

1 तीमुथियुस 5:17 Referans Kwoze

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

गलातिऔ 6:6

जो तुमकै बचन की सिक्‍छा देवै है, बाके संग तुमकै अपनी जिन्‍दगी की अच्‍छी चीजौ कै बाँटनो चँईऐ।

लूका 10:7

उसई घर मै ठैरे रौह और जो कुछ उनसै मिलै बौई खाऔ-पिऔ कैसेकै मजदूर कै अपनी मजदूरी मिलनी चँईऐ, पर एक घर सै दूसरे घर मै ना घूमौं,

इबरानिओ 13:7

जो तुमरे अगुबा हे, जिनौनै परमेसर को बचन तुमकै सुनाओ हो उनकै याद रक्‍खौ और धियान दो कै बे कैसे जीए और कैसे मरे और उनके बिसवास की नकल करौ।

2 तीमुथियुस 2:6

मैहनत कन्‍नै बारे किसान कै फसल को हिस्सा सबई सै पैले मिलै है।

फिलिप्‍पीऔ 2:29

और तुम सबई परभु मै बड़ी खुसी के संग बाको सुआगत करौ, और ऐंसे लोगौ को आदर करे करौ।

रोमियो 12:8

अगर कोई सला दैनै बारो है तौ बौ सला देतो रैह। और जो दान दैनै बारो है बौ खुले दिल सै दान देतो रैह। और लोगौं की अगवाई कन्‍नै बारो तन मन सै, लोगौं की अगवाई करतो रैह, और जो दया कन्‍नै बारो है, बौ खुसी खुसी दया करतो रैह।

चेलौ के काम 28:10

उनौनै हमरी खूब खातरदारी करी और जब हम जाल लगे तौ उनौनै बे सब चीज जो हमरी जरूरत की हीं जिहाज मै रख दंई।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

रोमियो 16:12

तुरफैना और तुरफोसा कै जो परभु की सेवा मैहनत सै करै हैं, नमस्कार। मेरी पियारी परसिस कै, जिसनै परभु की सेवा मै कठिन मैहनत करी है, मेरो नमस्कार।

रोमियो 15:27

उनकै ऐंसो कन्‍नो अच्‍छो लगै है, और बे यहूदिऔं के करजदार हैं। कैसेकै अगर गैर यहूदी लोग यहूदिऔं के आत्‍मिक आसीसौ मै सामिल भए हैं तौ गैर यहूदिऔं कै बी यहूदिऔं की जरूरतमन्द चीजौ मै मदत कन्‍नी चँईऐ।

फिलिप्‍पीऔ 4:3

और हे मेरे सच्‍चे साती मैं तेसै बी बिनती करौ हौं कै तू इन बईयरौं की सायता कर। कैसेकै बे मेरे संग अच्‍छी खबर फैलानै मै, कलेमेस और मेरे उन और सातिऔं समेत मैहनत करी, जिनके नाम जिन्‍दगी की किताब मै लिखे भए हैं।

1 कुरन्‍थियों 16:16

मैं तुम लोगौ सै बिनती करौ हौं कै ऐंसे लोगौ को कैहनो माने करौ और उनको बी जो परमेसर के ताँई काम और मैहनत करै हैं।

चेलौ के काम 11:30

तब उन्‍नै बैसोई करो; और बौ दान बरनबास और साऊल के हात सै बिसवासिऔ की मंडली के मुखियौं के धौंरे भेजो।

2 तीमुथियुस 4:2

तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

1 तीमुथियुस 4:16

अपनी जिन्‍दगी को और जो कुछ तैनै सीको है बाको धियान रखिए। अगर तू ऐंसोई करतो रैहगो तौ तबई तू खुद कै और अपने सुन्‍नै बारौ कै मुक्‍ति की ओर ले जागो।

1 तीमुथियुस 3:5

जो अपने टब्बर की अच्‍छे सै देखभाल ना कर सकै है, तौ बौ परमेसर के बिसवासिऔ की मंडली की देखभाल कैसे कर सकैगो?

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

मत्‍ती 24:25

देखौ, मैंनै पैलेसैई तुमकै बता दओ है।

इबरानिओ 13:24

अपने सिगरे अगुबौं और परमेसर के लोगौ कै नमस्कार कैह देईओ और इटली के लोग बी तुमकै नमस्कार कैबै हैं।

1 तीमुथियुस 4:10

कैसेकै हम काम और मैहनत इसताँई करैं कै हमरो बिसवास बा जिन्‍दे परमेसर मै है, जो सबई लोगौ कै बचाबै है, और खास करकै उनकै जो बाके ऊपर बिसवास करै हैं।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

चेलौ के काम 20:35

हर एक घड़ी मै मैंनै मैहनत कर करकै तुमरे सामने दिखाओ है कै दूसरौं की कैसे सायता करैं। परभु ईसु के बचन कै याद रक्‍खौ जो बानै कैओ हो कै, ‘माँगनै सै दैनो जादा अच्‍छो है।’ ”

यहून्‍ना 4:38

मैंनै तुमकै बा फसल कै काटनै ताँई भेजो हो, जिसमै तुमरी मैहनत ना लगी ही, पर जिसमै दूसरौं नै मैहनत करी ही और उनकी मैहनत को फल तुमकै मिलो है।”

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

1 तीमुथियुस 5:3

जिन राँड़ बईयरौं को कोई ना है उनकी इज्‍जत करौ।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

1 कुरन्‍थियों 3:9

कैसेकै हम परमेसर की सेवा मै साती हैं, पर तुम परमेसर की खेती और परमेसर के घर हौ।

1 तीमुथियुस 4:14

तुमकै जो बरदान मिलो है बाको तुम इस्तमाल करौ कैसेकै जौ तुमकै भबिसबानी के दुआरा और अगुबौं के हात रखनै सै मिलो है।

1 तीमुथियुस 5:19

जो कोई अगुबौं के ऊपर दोस लगाबैं, तौ जब तक बौ दो या तीन गभा कै ले कै ना आय तब तक बाकी बात ना मानौ।