1 तीमुथियुस 5:10 - बुक्सा

¹⁰ और जो अपने भले कामौ की बजै सै जानी जाय, और जो अपने बालकौ को अच्‍छे ढंग सै खयाल रक्‍खै, और पौंहनेऔ की अच्‍छे सै सेवा करै और परमेसर के लोगौ के पाँऐ धोए और परेसान लोगौ की सायता करै और हर तरै के अच्‍छे कामौ मै मन लगाऐ।

1 तीमुथियुस 5:10 Referans Kwoze

1 तीमुथियुस 6:18

जाऔ उनकै हुकम दो कै बे भलाई करैं और भलाई के काम मै सेट बनै, और दान दैनै बारे और सायता कन्‍नै मै अग्गे आँय।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

चेलौ के काम 9:36

याफा मै तबीता नाम की एक बिसवासी बईयर रैहबै ही। तबीता कै यूनानी मै दोरकास कैबै हैं जिसको मतलब “हिरन” है। बौ भले काम करै ही और गरीबौ कै दान देवै ही।

तीतुस 3:1

लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्‍छे काम के ताँई तईयार रैंह,

तीतुस 2:7

सब बातौं मै अपने आपकै भले कामौ को नमूना बना। तेरे उपदेस मै सपाई, गम्‍भीरता,

2 तीमुथियुस 3:17

जिस्सै परमेसर को सेवक सिगरे अच्‍छे काम कन्‍नै के ताँई पूरे तरै सै तईयार रैह।

रोमियो 12:13

परमेसर के लोगौ की जो बी जरूरत हैं, उनमै तुम उनकी सायता करौ। और पौंहनेऔ की खातरदारी मै लगे रैहऔ।

लूका 7:44

फिर उस बईयर की ओर मुड़कै बौ समौन सै बोलो, “तू जा बईयर कै देख रओ है? मैं तेरे घर मै आओ, तैनै मेरे पाँऐ धोनै के ताँई पानी बी ना दओ पर इसनै मेरे पाँऐ अपने असुआ सै तर कर दए, और फिर अपने बारौं सै पछौने।

मत्‍ती 5:16

इसई तरै तुमरो उज्‍जेरो लोगौ के सामने चमकै कै बे तुमरे भले कामौ कै देखकै तुमरे अब्बा की, जो सुरग मै है, बड़ाई करैं।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

इबरानिओ 13:21

अपनी इच्‍छा कै पूरी कन्‍नै के ताँई परमेसर हर एक अच्‍छी चीजौ सै तुमकै भरै, और ईसु मसी के दुआरा जो परमेसर कै अच्‍छो लगै है बौ बाकै तुमरे भीतर करै। ईसु मसी की बड़ाई हमेसा-हमेसा होती रैह। ऐंसोई होए।

इबरानिओ 13:2

पौंहनेऔ की खातरदारी कन्‍नी ना भूलिओ, कैसेकै ऐंसो कन्‍नै के दुआरा कुछ लोगौ नै अनजाने मै सुरगदूतौं की खातरदारी करी है।

इबरानिओ 10:24

आऔ हम सोचैं कै पियार और अच्‍छे काम कन्‍नै के ताँई एक दूसरे को हौसला कैसे बढ़ाऐ।

तीतुस 3:14

जिस्सै हमरे लोग बी जरूरतौं कै पूरी कन्‍नै के ताँई अच्‍छे कामौ मै लगे रैहनो सीकैं जिस्सै बे बेकार ना रैंह।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

लूका 7:38

और बाके पाँऐऔं के धौंरे, पीछे खड़ी होकै, रोती भई, और बाके पाँऐऔं कै असुआ सै भिजैल लगी और अपने खोपड़ी के बारौं सै पछौनल लगी, और बाके पाँऐ बेरमबेर चूमकै उनमै ईत्‍तर लगाल लगी।

3 यहून्‍ना 1:12

दमेतियुस के बारे मै हर किसी नै अच्‍छी गभाई दई है। जौई गभाई खुद सच, और हम बी देवै हैं, और तू जानै है कै हमरी गभाई सच्‍ची है।

1 पतरस 4:9

एक दूसरे की खातरदारी खुसी के संग करौ।

2 तीमुथियुस 3:15

और मैंकै पतो है कै तू बालक सैई पबित्‍तर सास्तर कै जानै है, बौ तेकै बा बुद्‍धि कै दे सकै है जिस्सै ईसु मसी मै बिसवास कन्‍नै के दुआरा मुक्‍ति मिलै है।

2 तीमुथियुस 2:21

अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

2 तीमुथियुस 1:5

मैंकै तेरो बौ सच्‍चो बिसवास बी याद है, जो पैले तेरी नानी लोईस और तेरी अईया यूनीके मै हो, और मैं जौ बिसवास करौ हौं कै बौ तुम्मै बी होगो।

1 तीमुथियुस 5:25

बैसेई ढंग सै अच्‍छे काम बी दिखाई देवै हैं, पर जो अच्‍छे काम दिखाई ना देवै हैं, बे जादा बखत तक ना छिपाए जा सकै हैं।

1 तीमुथियुस 2:10

पर जो बईयरैं परमेसर के बचन की रस्ता मै चलै हैं। उनके ताँई जौ है कै बे भले कामौ सै अपने आपकै सजाऐं।

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

चेलौ के काम 22:12

“बहाँ मूसा के नियम कै माननै बारो हननियाह नाम को एक भक्‍त आदमी हो। बाकी बहाँ के यहूदी लोगौ मै अच्‍छी इज्‍जत ही।

चेलौ के काम 10:22

तब उन्‍नै कैई कै, “हमकै बड़े सूबेदार कुरनेलियुस नै भेजो है। बौ परमेसर के भक्‍त और धरमी आदमी है। सिगरे यहूदिऔं मै बाकी बेसानी इज्‍जत है। बाकै पबित्‍तर सुरगदूत नै ऐंसो कैई कै तेकै अपने घर बुलाकै तेसै बचन सुनै।”

चेलौ के काम 9:39

तबई पतरस उनके संग चल दओ और जब बौ पौंचो तौ बे बाकै ऊपर के कमरा मै ले गए, बहाँ सिगरी राँड़ बईयरैं रोते रोते पतरस के धौंरे आँई और जो कुरता और लत्‍ता दोरकास नै उनके संग रैहते भए बनाए हे, जब बौ जिन्‍दी ही; बे पतरस कै दिखाल लगीं।

चेलौ के काम 6:3

इसताँई भईयौ आपस मै सै समजदार और पबित्‍तर आत्‍मा सै भरे भए सात आदमिऔ कै चुन लो कै हम बौ काम उनके हातौ मै सौंप सकैं।

1 तीमुथियुस 5:16

अगर किसी बिसवासी बईयर के टब्बर मै राँड़ बईयरैं हैं, तौ बे उनकी देखभाल करैं, जिस्सै कै राँड़ बईयरैं बिसवासिऔ की मंडली के ऊपर बोज ना बनै और बिसवासिऔ की मंडली उन राँड़ बईयरौं की सायता कर सकै, जिनको कोई ना हैं।

1 तीमुथियुस 3:7

और जो लोग बिसवासी ना हैं उनके बीच मै बी बाको अच्‍छो नाम होए, पर ऐंसो ना होए कै बौ किसी गलत बातौं मैं पड़कै सैतान के फंदा मै फस जाय।

1 तीमुथियुस 3:2

पर जो अगुबा है, बामै कोई गलती ना होनी चँईऐ और बाकी एकई बईयर होए, और अपने ऊपर काबू रखनै बारो होनो चँईऐ, और समजदारी सै रैहनै बारो और इज्जतदार होए और पौंहनेऔ की इज्‍जत कन्‍नै बारो, और लोगौ कै अच्‍छे सै सिकानै बारो होए।

मत्‍ती 25:17

इसई हाँई जिसकै दो हजार असरपी मिली हीं, बानै और दो हजार कमा लंई।