1 तीमुथियुस 4:6 - बुक्सा

⁶ अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

1 तीमुथियुस 4:6 Referans Kwoze

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

तीतुस 2:1

पर तू ऐंसी बात कैह कर, जो खरी सिक्‍छा के लायक हैं।

कुलुसिऔं 4:7

तुखिकुस जो परभु मै मेरो पियारो भईया और परभु को सच्‍चो सेवक और सेवा मै मेरो संगी साती है, बौ तुमकै मेरे बारे मै सिगरी बातौं कै बता देगो।

मत्‍ती 13:52

ईसु नै अपने चेलौ सै कैई, “देखौ, इसताँई हर एक सास्तरी जो परमेसर के राज कै जानै है, बौ ऐंसे घर के मुखिया के हाँई है जो अपने भन्डार सै नई और पुरानी चीज लिकारै है।”

यहूदा 1:5

मैं तुमकै याद दिब्बानो चाँहौ हौं, बलकन तुम उन बातौं कै पैलेई सै जानौ बी हौ कै परभु मिसर देस सै ईसराइली लोगौ कै बचाकै लाओ और बाद मै जिन्‍नै बिसवास ना करो हो उन लोगौ कै नास करो।

2 यहून्‍ना 1:9

जो कोई मसी की सिक्‍छा मै बनो ना रैहबै है पर बौ अग्गे बढ़तो जावै है, तौ बाके धौंरे परमेसर ना है। जो कोई मसी की सिक्‍छा मै बनो रैहबै है, बाके धौंरे परम पिता और लौंड़ा दौनौई हैं।

1 पतरस 2:2

नए जलमे बालक के हाँई सुद्‍द, और आत्‍मिक दूद पीनै के ताँई तरसते रौह ताकि बासै बढ़ौ और तुम मुक्‍ति मै बढ़ते जाऔ।

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

2 तीमुथियुस 1:6

इसताँई मैं तुमकै जौ याद दिब्बाबौ हौं कै तू परमेसर के बा बरदान कै इस्तमाल कर जो तुमरे ऊपर मेरे हात रखनै सै मिलो है।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

1 तीमुथियुस 4:16

अपनी जिन्‍दगी को और जो कुछ तैनै सीको है बाको धियान रखिए। अगर तू ऐंसोई करतो रैहगो तौ तबई तू खुद कै और अपने सुन्‍नै बारौ कै मुक्‍ति की ओर ले जागो।

1 तीमुथियुस 1:10

और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

1 थिसलुनीकियौ 3:2

और तीमुथियुस जो मसी की अच्‍छी खबर कै फैलानै मै हमरो संगी भईया और परमेसर की सेवा कन्‍नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ,

कुलुसिऔं 2:19

और बे खुद कै मसी के आधीन रखनो ना चाँहै हैं, जो मुखिया हैं। मसी बौ अंग है जो सरीर कै सकति देवै और जोड़ौ कै और नसौ कै बिनकै अग्गे बढ़ाबै है और जौ सबई कुछ परमेसर की सकति सै होवै है।

फिलिप्‍पीऔ 3:16

जिस सच्‍चाई तक हम पौंच चुके हैं, हमकै बाई मै चलतो रैहनो चँईऐ।

इफिसिऔ 6:21

तुखिकुस जो परभु मै मेरो पियारो भईया और एक ईमानदार सेवक है, बौ तुमकै मेरी सिगरी बातौं कै बता देगो जिस्सै कै तुमकै पतो चल जाऐ कै, मैं कैसो हो और का कर रओ हौं।

2 कुरन्‍थियों 6:4

पर परमेसर के सेवक होनै के नाते सै हम खुद कै अच्‍छो बनाबै हैं, हम हिम्मत के संग, बड़े दुख, परेसानी और मुसीबत के बीच,

2 कुरन्‍थियों 3:6

बानै हमकै नए नियम को सेवक होनै के ताँई लायक बनाओ है। किसी लिखे भए नियम को सेवक ना, पर पबित्‍तर आत्‍मा को। कैसेकै लिखो भओ नियम मौत देवै है पर पबित्‍तर आत्‍मा जिन्‍दगी देवै है।

1 कुरन्‍थियों 4:17

इसताँई मैंनै तीमुथियुस कै जो परभु मै मेरो पियारो और बिसवासजोग लौंड़ा है, तुमरे धौंरे भेजो है। बौ तुमकै बा जिन्‍दगी के बारे मै याद दिब्बागो जो मैंनै मसी ईसु के संग बिताई ही, ठीक बैसेई जैसी मैंनै जघै-जघै मै जाकै बिसवासिऔ की मंडली के लोगौ कै सिकाओ हो।

रोमियो 15:15

मगर मैंनै तुमकै फिर सै याद दिब्बानै के ताँई कुछ बातौं के बारे मै साप-साप लिखो है। और जो किरपा मैंकै परमेसर सै मिली है, उसई की बजै सै जौ कर रओ हौं।

चेलौ के काम 20:35

हर एक घड़ी मै मैंनै मैहनत कर करकै तुमरे सामने दिखाओ है कै दूसरौं की कैसे सायता करैं। परभु ईसु के बचन कै याद रक्‍खौ जो बानै कैओ हो कै, ‘माँगनै सै दैनो जादा अच्‍छो है।’ ”

चेलौ के काम 20:31

इसताँई चौकस रौह और याद करौ कै मैं तुमकै तीन साल तक दिन रात रो रो कै सबई जनी कै समजातो रैहओ।

लूका 1:3

इसताँई मैंकै बी जौ ठीक मालूम पड़ो कै उन सब बातौं को सैरो हाल सुरू सै ठीक-ठीक जाँच करकै उनकै तेरे ताँई एक-एक करकै लिखौ।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

2 कुरन्‍थियों 11:23

का बेई मसी के सेवक हैं? पर एक पागल आदमी के हाँई मैं जौ कैबौ हौं कै मैं तौ उनसै बी बड़ो मसी को सेवक हौं। मैंनै भौत मैहनत करी, और बेरमबेरा जेल मै बी गओ, और मैंकै बेरमबेरा बेसानी पीटो, और मेरो कई दफै मौत सै सामनो बी भओ है।

फिलिप्‍पीऔ 2:20

कैसेकै मेरे धौंरे ऐंसो कोई बी आदमी ना है जो तीमुथियुस के जैसे सच्‍चे दिल सै तुम लोगौ की भलाई के बारे मै सोचै।

फिलिप्‍पीऔ 2:22

पर तीमुथियुस नै तुमरे सामने अपनी काबिलियत कै साबित करो है जौ तौ तुम जानौई हौ जैसो लौंड़ा अपने अब्बा के संग काम करै है, बैसेई बानै अच्‍छी खबर के परचार मै मेरे संग मैहनत करी है।