1 तीमुथियुस 2:1 - बुक्सा

¹ अब सबसै पैले मैं तुमकै जौ हुकम देवौ हौं कै तुम पिराथना, बिनती, निबेदन और सिगरे आदमिऔ की ओर सै धन्‍नबाद परमेसर कै देओ।

1 तीमुथियुस 2:1 Referans Kwoze

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

याकूब 5:16

इसताँई तुम लोग एक दूसरे के सामने अपने अपने पापौं कै मान लो; और एक दूसरे के ताँई पिराथना करौ, जिस्सै कै तुम लोग ठीक हो जाऔ। धरमी आदमी की पिराथना भौत सकतिसाली और असरदार है।

इफिसिऔ 5:20

सिगरी बातौं मै हमरे परभु ईसु मसी के नाम सै अब्बा परमेसर को हमेसा धन्‍नबाद करते रौह।

2 तीमुथियुस 2:24

परभु के सेवक कै लड़ाई कन्‍नै बारो ना पर बौ सबई के ऊपर दया कन्‍नै बारो, सिक्‍छा दैनै बारो, और सबर रखनै बारो होनो चँईऐ।

1 तीमुथियुस 2:4

परमेसर ऐंसो चाँहै है कै सिगरे लोग बच जाँय और बे सच्‍चाई कै अच्‍छे सै जानै।

फिलिप्‍पीऔ 1:3

मैं जब-जब तुमकै याद करौ हौं, तब-तब अपने परमेसर को धन्‍नबाद देवौ हौं।

इबरानिओ 6:11

हम जौ चाँहै हैं कै तुम सबई जनी ऐंसीई चाहत रक्‍खौ जिस्सै कै तुमकै आखरी तक आस कै पानै को पूरो यकीन हो।

तीतुस 3:2

किसी की बदनामी ना करैं, झगड़ो कन्‍नै बारे ना हौं, पर सान्‍त सौभाब के हौं, और सब लोगौं के संग अच्‍छो बरताब करैं।

तीतुस 2:11

कैसेकै परमेसर की किरपा सब आदमिऔ के मुक्‍ति के ताँई परकट भई है।

1 तीमुथियुस 5:5

जो बईयर सच्‍ची की राँड़ है, और जिनको कोई ना है, और उनको बिसवास परमेसर के ऊपर है और बौ रात-दिन जौ पिराथना करै है कै परमेसर बाकी जरूरतौं कै पूरी करै।

1 कुरन्‍थियों 15:3

जो सबसै खास बात मैंकै मिली ही, बौई मैंनै सबसै पैले तुमकै बताई, जैसो पबित्‍तर सास्तर मै लिखो है, मसी हमरे पापौं के ताँई मरो,

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

1 थिसलुनीकियौ 3:12

और परभु ऐंसो करै कै जैसो हम तुमसै पियार करै हैं, बैसोई तुम लोग बी आपस मै करौ, और तुमरो पियार सबई आदमिऔ के संग बढ़तो जाय।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

रोमियो 1:8

पैले मैं तुम सबके ताँई ईसु मसी के दुआरा अपने परमेसर को धन्‍नबाद करौ हौं, कैसेकै तुमरे बिसवास की चरचा सैरी दुनिया मै फैल गई है।

2 कुरन्‍थियों 8:6

इसताँई हमनै तीतुस सै बिनती करी ही कै, जैसे बानै दान की सेवा के काम कै सुरू कन्‍नै मै तुमरी सायता करी ही, बैसेई बौ तुमरे बीच मै बा सेवा के काम कै पूरो कन्‍नै मै सायता करै।

इफिसिऔ 3:13

इसताँई मैं तुमसै जौ बिनती करौ हौं कै जो कसट मैं तुमरे ताँई झेल रओ हौं बा बजै सै तुम हिम्मत ना हारिओ, कैसेकै इन मैई तुमरी बड़ाई है।

इफिसिऔ 6:18

और तुम हमेसा आत्‍मा मै हर तरै सै पिराथना और बिनती करते रौह, और चौकस रैहते भए हर बखत पक्‍के रैहकै सबई पबित्‍तर लोगौ के ताँई पिराथना करते रौह।

फिलिप्‍पीऔ 4:6

किसी बी बात की फिकर ना करौ, पर हर एक बात मै पिराथना और बिनती करे करौ और धन्‍नबाद के संग अपनी बिनतिऔं कै परमेसर के सामने रक्‍खौ।