1 तीमुथियुस 1:10 - बुक्सा

¹⁰ और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

1 तीमुथियुस 1:10 Referans Kwoze

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।

रोमियो 1:26

इसताँई परमेसर नै उनकै बुरी इच्‍छा के बस मै छोड़ दओ, हिंया तक की उनकी बईयरौं नै मरदौं के संग को सम्बंध छोड़कै आपस मै बईयरौं के संग सम्बंध बनाल लगीं।

परकासन 21:27

और कोई बी असुद्‍द चीज, बुरे काम कन्‍नै बारे, झूँट बोलनै बारे, किसी बी तरीका सै भीतर ना जा सकै हैं, पर बेई जा सकै हैं जिनके नाम मैमना के जिन्‍दगी की किताब मै लिखे हैं।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

यहूदा 1:7

जिस तरै सदोम, अमोरा और बाके अड़ोस-पड़ोस के इलाके के लोग जो बैबिचार करल लगे हे और हर तरै की सरीर की बुरी इच्‍छा मै पड़े। तबई परमेसर नै इन इलाकेऔ कै कबी ना बुतनै बारी आग मै जरानै की सजा दई, और हमरे ताँई जौ एक उदाहरन है।

तीतुस 1:9

और उस बिसवासजोग बचन मै, जो धरम के उपदेस के अनुसार है, खड़ो रैह, कै खरी सिक्‍छा सै उपदेस और हिम्मत दे सकै और बिरोदिऔं को मौह बी बन्‍द कर सकै।

परकासन 21:8

मगर डरपौकौ, अबिसवासिऔं, बुरे लोगौ, खूनी, बैबिचारिऔ, जादू कन्‍नै बारे और मूरती पूजा कन्‍नै बारे और सबई झूँट बोलनै बारौं को हिस्सा उस झील मै मिलैगो, जिसमै आग और गन्धक पजरती रैहबै है। जौ दूसरी मौत है।”

इबरानिओ 13:4

बिहा सब मै इज्‍जत की बात समजी जाऐ और लोग-बईयर एक दूसरे के संग बिसवासजोग रैंह। कैसेकै परमेसर बैबिचार कन्‍नै बारौ कै और गलत तरीका सै सरीरिक सम्बंध रखनै बारौ कै सजा देगो।

परकासन 22:15

पर कुत्‍ता, जादू-टोना कन्‍नै बारे, बैबिचारी लोग, खूनी लोग, मूरती पूजा कन्‍नै बारे, और हर एक झूँट बोलनै बारे और झूँट सै पियार कन्‍नै बारे, बाहारई रैहंगे।

2 तीमुथियुस 1:13

जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

तीतुस 1:13

जौ गभाई सच है, इसताँई उनकै कड़ाई सै डाँट फटकार, कै बे बिसवास मै पक्‍के हो जाँय,

परकासन 18:13

दारचीनी, मसाले, धूप, गन्धरस और लोबान; दारू, जैतून को तेल, मैंहदा और गैहूं; बैल और भेड़, घोड़ा और रथ, दास, और आदमी तक मिलै हे।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।