1 थिसलुनीकियौ 5:3 - बुक्सा

³ जब लोग जौ कैंगे कै, “अब तौ चैन और किसी बात को डर ना है” तौ तबई एकदम बिनास आगो और ऐंसो कै जैसे एक गरबबती बईयर के बालक जननै के बखत जो दरद अचानक सै आवै है बैसेई आगो और बा बिनास सै कोई बी बच ना पागो।

1 थिसलुनीकियौ 5:3 Referans Kwoze

इबरानिओ 2:3

तौ भला हम लोग इत्‍ती अच्‍छी मुक्‍ति कै छोड़कै आनै बारी सजा सै कैसे बचंगे? जिसके बारे मै पैलेई परभु नै कैई ही और जिन लोगौ नै सुनी है और उन्‍नै जौ साबित बी करो कै जे बात सच्‍ची हैं।

2 थिसलुनीकियौ 1:9

बे परभु के सामने सै और बाकी सकति की महिमा सै दूर होते भए हमेसा की नास होनै की सजा पांगे।

2 पतरस 2:4

कैसेकै परमेसर नै उन सुरगदूतौं कै बी ना छोड़ो जिनौनै पाप करो हो, बलकन उनकै साँकर सै बांधकै नरक के इन्धेरे कुन्ड मै फैंक दओ ताकि नियाय के दिन तक कैद मै रैंह।

चेलौ के काम 13:41

“‘ओ परमेसर की मजाक बनानै बारे लोगौ चौकस रौह, कैसेकै मैं तुमरे दिनौ मै ऐंसो एक काम कन्‍नै जा रओ हौं, जिनकी जो कोई बी तुमरे बीच मै बाकी बात करैगो, तब्बी तुम कबी बिसवास ना करौगे।’”

इबरानिओ 12:23

जिनके नाम सुरग मै लिखे गए हैं उन परमेसर की पैली औलादौं की मंडली मै, सबके नियाय कन्‍नै बारे परमेसर के धौंरे और पक्‍के बनाए गए धरमी लोगौ की आत्‍माऔ के धौंरे आए हौ।

मत्‍ती 23:33

“अरे साँपौ और साँपौ की औलादौं! तुम लोग नरक की सजा सै कैसे बचौगे?

यहून्‍ना 16:21

जब कोई बईयर बालक जननै लगै है, तब बाकै दरद होवै है कैसेकै बाको टैम आ चुको है। मगर जब बौ बालक कै जलम दे चुकी होवै है, तौ इस खुसी सै कै एक बालक जा दुनिया मै पैदा भओ है बौ खुस होवै है और अपने दरद कै भूल जावै है।