1 थिसलुनीकियौ 5:21 - बुक्सा

²¹ पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

1 थिसलुनीकियौ 5:21 Referans Kwoze

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

इफिसिऔ 5:10

तुम हर बखत जौ जान्‍नै मै लगे रौह कै परभु कै का अच्‍छो लगै है।

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

लूका 12:57

“और तुम खुदई फैसला काए ना कर लेते, कै सई का है?

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

रोमियो 12:9

तुमरो पियार सच्‍चो हो। बुराई सै तुम नफरत करौ, और भलाई सै जुड़े रौह।

परकासन 3:3

इसताँई याद कर, कै तैनै कैसी सिक्‍छा पाई ही और सुनी ही, और उनमै बनो रैह और मन फिरा। अगर तू जगो ना रैहगो तौ मैं चोर के हाँई आ जांगो और तू जान ना सकैगो कै मैं किस घड़ी तेरे धौंरे आ गओ।

फिलिप्‍पीऔ 3:16

जिस सच्‍चाई तक हम पौंच चुके हैं, हमकै बाई मै चलतो रैहनो चँईऐ।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

यहून्‍ना 8:31

तब ईसु उन यहूदिऔं सै जिनौनै बाके ऊपर बिसवास करो हो कैललगो, “अगर तुम मेरे बचन मै बने रौहगे, तौ सचमुच मेरे चेला बनौगे,

परकासन 2:25

पर जो सिक्‍छा तुमरे धौंरे है, मेरे आनै तक उसकै मजबूती सै थामे रैहऔ।

इबरानिओ 10:23

हम बगैर सक के अपनी बा आस मै पक्‍के बने रैंह जिसकै हमनै मानो है, कैसेकै जिसनै हम सै बादो करो है बौ भरोसेमंद है।

2 थिसलुनीकियौ 2:15

इसताँई ओ पियारे भईयौ और बहनौ, पक्‍के रौह और उन सिक्‍छाऔ कै थामे रौह जो तुमनै हम सै और चिट्‌ठी के दुआरा सिकीं।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

यहून्‍ना 15:4

तुम मैं मैई बने रौह और मैं तुम्मै। जैसे डुग्गी अगर अंगूर की बेल मै बनी ना रैहबै है तौ अपने आप सै ना फल सकै है, बैसेई तुम बी अगर मैंई मै ना बने रैहए तौ ना फल सकौ हौ।

परकासन 3:11

“मैं जल्दी आनै बारो हौं। जो कुछ तेरे धौंरे है, बाकै थामे रैह कै कोई तेरो मुकट छीन ना ले।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।

2 तीमुथियुस 4:14

ताँबे को काम कन्‍नै बारे सिकन्‍दर नै मेरो बेसानी नुकसान करो है। बानै जैसो करो है, परभु बाकै बैसोई फल देगो।

2 तीमुथियुस 1:15

तुम जौ बात जानौ हौ कै एसिया मुलक के सिगरे बिसवासी लोग मैंकै छोड़ गए हैं। उनमै सै फुगिलुस और हिरमगिनेस बी हैं।

1 कुरन्‍थियों 2:11

जो बात आदमी के मन मै है, बाकै कोई दूसरो ना पर बाई की आत्‍मा समज सकै है। इसई तरीका सै परमेसर की सिगरी बातौं कै बी परमेसर की आत्‍मा समज सकै है।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

2 तीमुथियुस 3:6

इनौई मैसै ऐंसे गलत सिक्‍छा दैनै बारे लोग हैं, जो दूसरौं के घरौं मै घुसकै और जो बईयरैं मूरख हैं, उनकै अपने बस मै कर लेबै हैं, जो बईयरैं अपने पाप के बोज सै दबकै कई तरै की बुरी इच्‍छाऔं मै फसी हैं।

गलातिऔ 6:10

इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

1 थिसलुनीकियौ 5:22

और हर एक तरै की बुराई सै बचे रौह।