1 थिसलुनीकियौ 5:15 - बुक्सा

¹⁵ और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

1 थिसलुनीकियौ 5:15 Referans Kwoze

1 पतरस 3:9

बुराई के बदले बुराई ना करौ और ना बेजती के बदले बेजती करौ; बलकन दूसरौं कै आसीरबाद देओ कैसेकै तुमकै परमेसर नै इसताँई बुलाओ है कै तुम आसीस पाऔ।

गलातिऔ 6:10

इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

3 यहून्‍ना 1:11

मेरे पियारे दोस्त, बुराई के रस्ता मै ना पर भलाई के रस्ता मै चलौ, जो भलाई करै है, बौ परमेसर सै है, जो बुराई करै है, बानै परमेसर कै ना देखो है।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

2 तीमुथियुस 2:24

परभु के सेवक कै लड़ाई कन्‍नै बारो ना पर बौ सबई के ऊपर दया कन्‍नै बारो, सिक्‍छा दैनै बारो, और सबर रखनै बारो होनो चँईऐ।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

तीतुस 3:2

किसी की बदनामी ना करैं, झगड़ो कन्‍नै बारे ना हौं, पर सान्‍त सौभाब के हौं, और सब लोगौं के संग अच्‍छो बरताब करैं।

1 थिसलुनीकियौ 2:12

बैसेई हम तुम सबई कै बी उपदेस, और सान्‍ति देवै हैं, और समजाबै बी हैं कै तुमरो चाल-चलन परमेसर कै परसन्‍द आनै बारो होए, जो तुमकै अपने राज और महिमा मै बुलाबै है।

इफिसिऔ 5:15

इसताँई अपनी चाल-चलन कै देखौ कै हम कैसे चल रए हैं और मूरख लोगौ के हाँई बरताब ना करौ, पर अकलमन्‍द लोगौ के हाँई बरताब करौ।

1 कुरन्‍थियों 14:1

पियार की रस्ता मै चलते रौह और पबित्‍तर आत्‍मा के बरदानौ कै पानै की ताख मै रौह। पर खास बात तौ जौ है कै तुम परमेसर की ओर सै बोलौ।

1 कुरन्‍थियों 6:7

अगर तुमरे बीच मै मुकदमा चल रओ है तौ जाको मतलब जौ है कै तुम पैलेई सै हार चुके हौ। इसकी जघै तुमई खुद नुकसान काए ना उठा लेबौ हौ? और खुदई कै काए ना धोको खान देते?

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 12:9

तुमरो पियार सच्‍चो हो। बुराई सै तुम नफरत करौ, और भलाई सै जुड़े रौह।

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

मत्‍ती 5:39

पर मैं तुमसै कैरओ हौं, कै बुरे को सामनो ना करिओ, पर जो कोई तेरे खाने गाल मै चाँट मारै, उसकी ओर दूसरो बी फेर दे।

1 पतरस 2:17

सबई लोगौ की इज्‍जत करौ, बिसवासी लोगौ सै पियार रक्‍खौ और परमेसर सै डरौ, राजा की इज्‍जत करौ।

इफिसिऔ 5:33

पर तुम्मै सै हर एक कै अपनी बईयर सै पियार कन्‍नो चँईऐ जैसो तुम खुद अपने आप सै करौ हौ, और बईयर कै बी अपने लोग को डर मानते भए बाकी इज्‍जत कन्‍नी चँईऐ।

1 कुरन्‍थियों 16:10

और अगर तीमुथियुस आय, तौ बाको धियान रखिओ कै बाकै तुमरे हिंया कोई दिक्‍कत ना होए, कैसेकै बौ मेरे हाँई परभु को काम करै है।

परकासन 22:9

उसनै मैंसै कैई, “देख, तू ऐंसो मत कर; कैसेकै मैं तेरो और तेरे भईयौ, नबिऔ और इस किताब की बातौं कै माननै बारौं को संग को सेवक हौं। तू परमेसर कैई डन्डौत कर।”

परकासन 19:10

और मैं उसकै डन्डौत कन्‍नै के ताँई उसके पाँऐऔं मै गिरो, पर उसनै मैंसै कैई, “देख, ऐंसो मत कर, मैं तौ तेरो और तेरे भईयौ को संगी दास हौं, जो ईसु की गभाई दैनै के ताँई हरदम तईयार रैहबै है। परमेसर कैई डन्डौत कर” कैसेकै ईसु की गभाई भबिसबानी की आत्‍मा है।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

चेलौ के काम 16:28

तबई पौलुस नै जोर सै चिल्‍लाकै कैई कै, “खुद कै नुकसान ना पौंचा कैसेकै हम सबई हिंयई हैं।”