1 थिसलुनीकियौ 5:10 - बुक्सा

¹⁰ बौ हमरे ताँई इसताँई मरो जिस्सै कै हम चाँहे जिन्‍दे रैंह या मर गए हौं, जब बौ बापस आगो सबई मिलकै बाईके संग जिन्‍दगी जीऐं।

1 थिसलुनीकियौ 5:10 Referans Kwoze

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

इफिसिऔ 5:2

पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्‍छी खसबोई बारी भेंट बनकै परमेसर के सामने खुद कै बलि के ताँई दे दओ।

रोमियो 8:34

फिर कौन है जो सजा की आगियाँ देगो? मसी ईसु बौ हो जो मर गओ पर बौ मुरदौं मै सै फिर जी उठो, और परमेसर के खाने हात की ओर बैठो है, और हमरे ताँई बिनती बी करै है।

1 थिसलुनीकियौ 4:17

और बाके बाद जो हम्मै सै जिन्‍दे और बचे भए रैहंगे, उनके संगई परभु सै मिलनै के ताँई बादरौं के बीच मै ऊपर उठा लए जांगे। और ऐंसे हम हमेसा परभु के संग रैहंगे।

2 कुरन्‍थियों 5:21

मसी नै कोई पाप ना करो हो, पर बाकै हमरे ताँई परमेसर नै पाप बना दओ जिस्सै कै हम परमेसर की धारमिकता मै साजेदार हौं।

2 कुरन्‍थियों 5:15

मसी सिगरे लोगौ के ताँई मरो, कैसेकै जो जिन्‍दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्‍दो भओ।

1 पतरस 2:24

बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

1 तीमुथियुस 2:6

बानै सबई लोगौ के बदले खुद कै दे दओ कै सिगरे लोग बच सकैं, जिस्सै कै बाकी गभाई सई बखत मै दई जाय।

1 थिसलुनीकियौ 4:13

ओ भईयौ और बहनौ, हम ऐंसो ना सोचै हैं कै तुमकै बिसवास मै मरे भए लोगौ के बारे मै कुछ बी पतो ना है। तुम उन लोगौ के हाँई दुखी ना होओ जिनके धौंरे आस ना है।

1 कुरन्‍थियों 15:3

जो सबसै खास बात मैंकै मिली ही, बौई मैंनै सबसै पैले तुमकै बताई, जैसो पबित्‍तर सास्तर मै लिखो है, मसी हमरे पापौं के ताँई मरो,

यहून्‍ना 15:13

इस्सै महान पियार और किसी को ना है, कै कोई अपने दोस्तौ के ताँई अपनी जान दे दे।

यहून्‍ना 10:17

इसी बजै सै अब्बा मैंसै पियार करै है, कैसेकै मैं अपनी जान देवौ हौं, कै बाकै फिर लेलौं।

यहून्‍ना 10:11

“अच्‍छो गरड़ीआ मैं हौं, अच्‍छो गरड़ीआ भेड़ौ के ताँई अपनी जान देवै है।

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

यहून्‍ना 10:15

बैसेई जैसे अब्बा मैंकै जानै है और मैं अब्बा कै जानौ हौं, और मैं भेड़ौ के ताँई अपनी जान देवौ हौं।

1 थिसलुनीकियौ 4:15

इसताँई हम परभु के बचन के हिसाब सै कैबै हैं कै, हम जो जिन्‍दे हैं, और परभु के आनै तक जिन्‍दे रैहंगे, और हम मरे भए लोगौ सै पैले बासै मिलनै ना जा पांगे।

1 थिसलुनीकियौ 5:6

इसताँई औरौं के हाँई हमकै सोते भए ना रैहनो है, बलकन जगते और होसिआर रैहनो है।

2 तीमुथियुस 2:11

जौ बात सच्‍ची है कै, “अगर हम बाके संग मर गए हैं तौ हम बाके संग जिन्‍दे बी हौंगे।