1 थिसलुनीकियौ 3:5 - बुक्सा

⁵ इसताँई जब मैंसै रैहओ ना गओ तौ तुमरे बिसवास को हालचाल जान्‍नै के ताँई मैंनै तीमुथियुस कै भेजो। कैसेकै मैंकै जा बात को डर हो कै कहीं सैतान तुमकै अपने लालच मै फसा ना लै और हमरी मैहनत बेकार चली जाय।

1 थिसलुनीकियौ 3:5 Referans Kwoze

मत्‍ती 4:3

तब परखनै बारे नै धौंरे आकै बासै कैई, “अगर तू परमेसर को लौंड़ा है, तौ कैह दे, कै जौ पत्‍थर रोटी बन जाँय।”

2 कुरन्‍थियों 2:11

जिस्सै कै सैतान हमरे ऊपर धोके सै कोई चाल ना चलै। कैसेकै हम बाकी चालाँकी कै जानै हैं।

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

इफिसिऔ 4:14

जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

गलातिऔ 4:11

पर मैंकै जा बात सै डर लगै है कै जो मैहनत मैंनै तुमरे बीच मै करी है बौ सिगरी कहीं बेकार ना जाय?

गलातिऔ 2:2

परमेसर नै मैंकै कैई और इसताँई मैं बहाँ गओ और जिस अच्‍छी खबर को मैंनै गैर यहूदी लोगौ के बीच मै परचार करो हो बाके बारे मै उनकै बताओ। हाँ सिरप उनकै बताओ हो जो जानेमाने लोग हे। कैसेकै ऐंसो ना होए कै बे काम जो मैंनै पैले करे हे और जो काम मैं कर रओ हौं बे बेकार ना जाऐ।

1 कुरन्‍थियों 7:5

तुम आपस मै एक दूसरे सै अगल ना रौह, पर रैहनो है तौ आपस मै बातचीत करकै कुछ बखत पिराथना के ताँई जरूर लिकारिओ और फिर उसके बाद संगई रैहईओ। कहीं ऐंसो ना हो जाऐ कै तुम खुद के ऊपर काबू ना रख सकौ और सैतान तुमकै परखै।

1 थिसलुनीकियौ 3:6

पर अब तीमुथियुस तुमरे बिसवास और पियार की खबर लेकै लौहटो है। बौ हमकै बताबै है कै तुम हमेसा हमकै पियार सै याद करौ हौ और हम सै फिर मिलनै के ताँई जितने तुम बेचैन हौ उत्‍तेई हम बी हैं।

1 थिसलुनीकियौ 2:1

ओ भईयौ और बहनौ, तुम खुदई जानौ हौ कै हमरो तुमरे धौंरे आनो बेकार ना गओ।

चेलौ के काम 15:36

कुछ दिनौ के बाद पौलुस नै बरनबास सै कैई, “चल उन सैहरौं मै चलैं जिनमै हमनै परभु को बचन को परचार करो हो। बहाँ जाकै बिसवासी भईयौ कै देखलैं कै बे कैसे हैं।”

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

फिलिप्‍पीऔ 2:19

परभु ईसु मै मैंकै उमीद है कै मैं तीमुथियुस कै तुमरे धौंरे जल्दीई भेजौ, ताकि तुमरी खबर सुनकै मेरो बी हौसला बढ़ सकै।