1 थिसलुनीकियौ 2:4 - बुक्सा

⁴ पर परमेसर नै हमकै अच्‍छी खबर कै सौंपनै के ताँई लायक समजो है। इसताँई हम लोगौ कै खुस कन्‍नै के ताँई ना पर हमरे दिल कै परखनै बारे परमेसर कै खुस कन्‍नै के ताँई सुनावै हैं।

1 थिसलुनीकियौ 2:4 Referans Kwoze

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

रोमियो 8:27

परमेसर हमरे मनौ कै जाँचै है बौ जानै है कै आत्‍मा की मरजी का है, कैसेकै आत्‍मा पबित्‍तर लोगौ के ताँई परमेसर की मरजी के अनुसार बिनती करै है।

गलातिऔ 2:7

पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्‍छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्‍छी खबर सुनानै को काम सौंपो है।

2 तीमुथियुस 1:14

हमरे भीतर रैहनै बारी पबित्‍तर आत्‍मा की बजै सै जो आत्‍मिक खजानो तुमकै देर खाओ है बाकी अच्‍छे सै रखबारी करौ।

इफिसिऔ 6:6

तुम अपने मालिक कै खुस कन्‍नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय।

तीतुस 1:3

पर ठीक टैम मै अपनो बचन उस परचार के दुआरा परकट करो, जो हमरे मुक्‍तिदाता परमेसर की आगियाँ के अनुसार मैंकै सौंपो गओ है।

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

1 कुरन्‍थियों 9:17

अगर मैं जौ काम खुद की मरजी सै करौ हौं, तौ डिहाड़ी मैंकै मिलै है, पर अगर मैं खुद की मरजी सै ना करौ हौं। तौबी बौ काम तौ मैंकैई सौंपो गओ है।

लूका 16:11

अगर तुम दुनियादारी की धन-दौलत समारने मै ईमानदार ना रैहए तौ परमेसर तुमकै उस सच्‍चे धन कै कैसे सौंपैगो?

परकासन 2:23

मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

1 तीमुथियुस 6:20

हे तीमुथियुस जो तेकै देर खाई है, तू बाकी देखभाल कर। और जो बात आत्‍मिक ना हैं, बेकार की बकबास सै और दुसमनौ की बिरोद की बातौं के तीरौं सै जो झूँटो गियान कैलाबै है बासै दूर रैहईए।

कुलुसिऔं 3:22

सेवकौ, जो जा दुनिया के तरीका सै तुमरे मालिक हैं तौ उनकी सिगरी बातौं कै माने करौ, और उनके सिरप देखतेई टैम ना और ना लोगौ कै खुस कन्‍नै के ताँई, पर सच्‍चे दिल सै परमेसर को डर मानते भए काम करौ।

2 कुरन्‍थियों 5:11

परभु को डर मानते भए हम लोगौ कै समजानै की कोसिस करै हैं और परमेसर हमकै अच्‍छे ढंग सै जानै है, और मैं जौ उमीद करौ हौं कै तुमरो मन बी जौ बात जरूर जानै है।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

1 कुरन्‍थियों 7:25

कुँआरी लौंड़िऔ और राँड़ौ के बारे मै परभु की ओर सै मैंकै कोई आगियाँ ना मिली है, पर परभु की दया सै बिसवास के जोग होनै के नाते मैं अपनी सला देरओ हौं।

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।