1 थिसलुनीकियौ 2:19 - बुक्सा

¹⁹ हमरे परभु ईसु के आनै के बखत मै बाके सामने हमरी आस, खुसी, या बड़ाई को मुकट का है? का तुम ना हौ?

1 थिसलुनीकियौ 2:19 Referans Kwoze

फिलिप्‍पीऔ 4:1

हे मेरे पियारे भईयौ, मेरी इच्‍छा है कै मैं तुमसै मिलौं कैसेकै तुम मेरी खुसी, और मेरी इज्‍जत हौ, और तुमकै जैसो मैंनै बताऔ है, परभु मै तुम बैसेई पक्‍के बने रौह।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

फिलिप्‍पीऔ 2:16

जिन्‍दगी के बचन मै मजबूती के संग चलते रौहौ, ताकि मसी के फिर सै लौहट आनै के दिन मै मैंकै जा बात को गर्ब होए कै मेरी जिन्‍दगी की दौड़ भाज और मैहनत बेकार ना गई।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

2 कुरन्‍थियों 1:14

जैसो अबी तुमनै हमकै थोड़ो समजो है। जब परभु ईसु को फिर सै आनै को दिन आगो तौ जैसो हम तुमरे ऊपर घमंड करै हैं, बैसेई तुम बी हमरे ऊपर करौगे।

1 कुरन्‍थियों 15:23

पर सिगरे लोग बारी बारी सै जिन्‍दे करे जांगे, सबसै पैले मसी कै जिन्दो करो, और जब मसी फिर सै आगो तौ बे जिन्‍दे हो जांगे जो बाके हैं।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

1 यहून्‍ना 2:28

इसताँई बालकौ, अब तुम मसी मै बने रौह, जिस्सै कै जब बौ दुबारा आगो, तौ हम्मै हिम्मत होए और जब बौ आगो तौ बाके सामने हमरी बेजती ना होए।

परकासन 22:12

देखौ, मैं जल्दी आनै बारो हौं, मेरे हात मै तुमरे कामौ को फल बी है, और हर एक आदमी कै उसके कामौ के हिसाब सै फल दंगो।

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

1 थिसलुनीकियौ 4:15

इसताँई हम परभु के बचन के हिसाब सै कैबै हैं कै, हम जो जिन्‍दे हैं, और परभु के आनै तक जिन्‍दे रैहंगे, और हम मरे भए लोगौ सै पैले बासै मिलनै ना जा पांगे।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

2 थिसलुनीकियौ 1:7

और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,

1 कुरन्‍थियों 4:5

इसताँई ठैराए भए बखत सै पैलेई, परभु के आनै तक कोई किसी को नियाय ना करै, कैसेकै बौई तौ इन्‍धेरे मै छिपी भई बातौं कै सामने लागो, और जो बात आदमी के मन मै है। बाकै बी बौ परकट कर देगो। तब सिगरे लोगौ की बड़ाई परमेसर की ओर सै होगी।

1 थिसलुनीकियौ 2:20

कैसेकै तुमई हमरी बड़ाई और खुसी हौ।

मरकुस 8:38

अगर कोई मैंकै और मेरी बातौं कै, बैबिचारी और पापी लोगौ के डर सै मेरो इनकार करैगो, तौ ‘मैं’ आदमी को लौंड़ा बी जब पबित्‍तर सुरगदूतौं के संग अपने अब्बा की महिमा मै आंगो, तब मैं बी उसको इनकार कर दंगो।”

यहून्‍ना 21:22

ईसु नै बासै कैई, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का? तू मेरे पीछे चलो आ।”

2 थिसलुनीकियौ 1:4

इसताँई परमेसर के बिसवासिऔ की मंडलिऔ मै हम घमंड करै हैं कै जो कसट और सताब तुमनै झेलो हो, उन सब मै तुमरो सबर और बिसवास देखो है।

2 थिसलुनीकियौ 2:1

ओ भईयौ और बहनौ, हम तुमसै अपने परभु ईसु मसी के बापस आनै और बाके धौंरे इखट्‍टे होनै के बारे मै तुमसै बिनती करै हैं,

याकूब 5:7

इसताँई मेरे भईयौ, परभु ईसु मसी के फिर सै आनै तक सबर रक्‍खौ, देखौ, किसान जो अपने खेत की फसल कै पकनै को पैंड़ो देखै है, तौ बा सुरू की बरखा सै लेकै बाद की बरखा के आनै तक सबर रक्‍खै है।

याकूब 5:8

तुम लोग बी सबर रक्‍खौ, और हिम्मत ना हारौ, कैसेकै परभु को फिर सै आनै को बखत धौंरेई है।

2 पतरस 1:16

जब हमनै तुमकै हमरे परभु ईसु मसी की सकति और आनै की अच्‍छी खबर सुनाई ही, तौ हमनै चालाँकी सै बनाई भई कस्ता को साहारो ना लओ हो, पर हम खुद बाकी बड़ी सकतिऔं कै देक्‍कै बाकी गभाई देवै हैं।

2 पतरस 3:4

और कैंगे, “परभु के आनै को बादे को का भओ? हमरे बापदादे मर गए, पर दुनिया की सुरूआत सै अब तक सब कुछ बैसोई को बैसो चल रओ है।”