1 थिसलुनीकियौ 2:15 - बुक्सा

¹⁵ यहूदी लोगौ नै परभु ईसु और नबिऔ कै मारो और हमकै बी सता कै लिकार दओ। और बे सबई आदमिऔ के खिलाप हैं और परमेसर उनसै खुस ना है।

1 थिसलुनीकियौ 2:15 Referans Kwoze

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

चेलौ के काम 7:52

का ऐंसो कोई बी नबी बचो है जिनकै तुमरे बापदादौं नै सताओ ना होए? और उनौनैई उनकै बी मार डारो जिनौनै भौत पैलेई बा धरमी के आनै की खबर दई ही, बाई धरमी कै अब तुमनै धोको देकै पकड़बाओ और मरवा दओ।

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

चेलौ के काम 3:15

और लोगौ कै जिन्‍दगी की रस्ता दिखानै बारे कै तुमनै मार डारो, पर परमेसर नै मरे भएऔं मै सै बौ फिर सै जिन्‍दो करो है, और हम जा बात के गभा हैं।

लूका 24:20

और हम इसई बारे मै बात कर रए हे कै हमरे मुक्‍ख पुजारिऔं और अधकारिऔं नै बौ कैसे मौत की सजा दैनै के ताँई सौंप दओ। और उनौनै बौ कुरूस मै चढ़ा दओ।

मत्‍ती 27:25

सब लोगौ नै जबाब दओ कै, “इसको खून हम्मै और हमरी औलादौं के ऊपर हो।”

मत्‍ती 23:37

“हे ऐरूसलेम, हे ऐरूसलेम, तू बौ है जो नबिऔ की हत्‍तिया करै है और परमेसर के भेजे भए दूतौ कै पत्‍थरौं सै मार देवै है। मैंनै कितनी दफै चाँहो कै जैसे कोई मुरगी अपने बच्‍चौं कै अपने पंखौ के नीचे इखट्‍टे कर लेबै है, बैसेई मैं तेरे बालकौ कै इखट्‍टे करलौं, पर तुम लोगौ नै ना चाँहो।

1 कुरन्‍थियों 10:5

पर उनमै सै ऐंसे भौस्से लोग हैं जिनसै परमेसर खुस ना हो, इसताँई बे बियाबान मै मारे गए।

चेलौ के काम 12:3

जब बानै जौ देखो कै ऐंसो कन्‍नै सै यहूदी लोग खुस होवै हैं, तौ तबई बानै पतरस कै बी पकड़ लओ। बे दिन बिना खट्‍टे चून की रोटी के तौहार के चल रए हे।

चेलौ के काम 5:30

हमरे बापदादौं के परमेसर नै ईसु मसी कै जिन्‍दो करो, जिसकै तुमनै कुरूस मै लटका कै मार डारो।

चेलौ के काम 4:10

पर तुम सबई और सिगरे ईसराइल के लोग जा बात कै जान लैं कै जौ काम नासरत के ईसु मसी के नाम सै भओ है जिसकै तुमनै कुरूस मै चढ़ाओ, और परमेसर नै बाकै मरे भएऔं मै सै जिन्‍दो करो और जौ आदमी बाई की बजै सै अच्‍छो खासो तुमरे सामने खड़ो है।

2 कुरन्‍थियों 11:26

मैंनै बेरमबेरा आनै जानै मै भौत खतरा उठाओ, कबी नद्‍दिऔं मै खतरा, कबी डाँकुऔं को खतरा, कबी यहूदी लोगौ सै खतरा, कबी गैर यहूदी लोगौ सै खतरा और कबी सैहरौं मै खतरा, कबी बियाबान मै खतरा, कबी समन्‍दर मै खतरा और कबी झूँटे बिसवासी लोगौ सै खतरा और मैंनै बेसानी मैहनत करकै भौस्सी रात जग-जग कै जिन्‍दगी जीई है।