1 थिसलुनीकियौ 1:10 - बुक्सा

¹⁰ और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।

1 थिसलुनीकियौ 1:10 Referans Kwoze

1 थिसलुनीकियौ 5:9

कैसेकै परमेसर नै हमकै अपनी घुस्सा की सजा के ताँई ना पर इसताँई ठैराओ है कै हम अपने परभु ईसु मसी के दुआरा मुक्‍ति पांऐ।

मत्‍ती 3:7

जब यहून्‍ना नै देखो कै भौत से फरीसी और सदूकी उसके धौंरे जल संस्कार लैनै आ रए हैं तौ बौ उनसै बोलो “ओ, साँप की औलादौं! तुमकै किसनै जता दओ, कै परभु के आनै बारे घुस्सा सै भाजौ?

चेलौ के काम 2:24

पर बाई कै परमेसर नै मौत के हातौ सै छुटाकै जिन्‍दो करो। कैसेकै जौ होई ना सकै है कै ईसु मौत के बस मै रैह।

1 पतरस 3:18

कैसेकै मसी हमरे पापौं के ताँई एकई बार मरो, मतलब की बौ निरदोस हो और अधरमी लोगौ की जघै मै एक धरमी मरो कै हमकै परमेसर के धौंरे ले जाय, पर सरीर सै बौ तौ मारो गओ हो लेकन परमेसर नै बाकै आत्‍मा मै जिन्‍दो करो हो।

1 पतरस 1:3

हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

रोमियो 4:25

परमेसर नै ईसु कै हमरे पापौं के बजै सै मरनै के ताँई दे दओ, बाई नै हमकै धरमी बनानै के ताँई मरे भएऔं मै सै ईसु कै फिर जिन्‍दो कर दओ।

लूका 3:7

जो भीड़ की भीड़ उस्सै जल संस्कार लैनै चली आ रई ही, यहून्‍ना उनसै कैबै हो, “ओ साँप की औलादौं, तुमकै किसनै जता दओ, कै आनै बारे डन्ड सै बचौ।

1 पतरस 1:21

मसी की बजै सै तुम परमेसर के ऊपर बिसवास करौ हौ; जिसनै बा मरे भए कै जिन्‍दो करो, और महिमा दई कैसेकै तुमरो बिसवास और आस परमेसर के ऊपर है।

रोमियो 8:34

फिर कौन है जो सजा की आगियाँ देगो? मसी ईसु बौ हो जो मर गओ पर बौ मुरदौं मै सै फिर जी उठो, और परमेसर के खाने हात की ओर बैठो है, और हमरे ताँई बिनती बी करै है।

परकासन 1:18

मैं जिन्‍दो हौं, मैं मर गओ हो, और अब देख मैं युगौं युग जिन्‍दो हौं। मौत और अधलोक की कूंची मेरेई धौंरे हैं।

चेलौ के काम 1:11

और उनसै कैई, “हे गलील के लोगौ, तुम काए आसमान की ओर देख रए हौ? जैसे तुमनै ईसु कै, सुरग मै उठाते भए देखो है, बैसेई बौ फिर आगो।”

2 पतरस 3:14

इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

1 थिसलुनीकियौ 2:16

ऐंसे लोग हमकै मुक्‍ति की अच्‍छी खबर के सन्‍देसे कै गैर यहूदी लोगौ कै सुनानै सै रोकैं हैं। बे सोचै हैं कै कहीं उन लोगौ कै मुक्‍ति ना मिल जाय, इन बातौं सै बे अपने पापौं को घल्‍ला भरते रैहबैं हैं और अब परमेसर को घुस्सा उनके ऊपर आ गओ है।

1 कुरन्‍थियों 1:7

और तुम्मै पबित्‍तर आत्‍मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए।

2 पतरस 3:12

तुमकै परभु के बा दिन को बेसबरी सै पैंड़ो देखनो चँईऐ, बा दिन आसमान कै आग सै नास कर दओ जागो और बाकी लपट सै बाके भीतर की सबई चीज पिगल जांगी।

इबरानिओ 10:27

पर उन लोगौ के ताँई भयानक सजा और खतरनाक आग पैंड़ो देख रई है जो परमेसर के दुसमन कै भसम कर देगी।

तीतुस 2:13

और उस धन्‍न उमीद की मतलब अपने महान परमेसर और मुक्‍तिदाता ईसु मसी की महिमा के परकट होनै को पैंड़ो देखते रैंह।

फिलिप्‍पीऔ 3:20

पर हमरो घर तौ सुरग मै है, और बहीं सै हम अपने मुक्‍ति दैनै बारे परभु ईसु मसी के आनै को पैंड़ो देख रऐ हैं।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।

चेलौ के काम 17:31

कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्‍चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्‍दो करकै जा बात को सबूत दे दओ है।”

चेलौ के काम 4:10

पर तुम सबई और सिगरे ईसराइल के लोग जा बात कै जान लैं कै जौ काम नासरत के ईसु मसी के नाम सै भओ है जिसकै तुमनै कुरूस मै चढ़ाओ, और परमेसर नै बाकै मरे भएऔं मै सै जिन्‍दो करो और जौ आदमी बाई की बजै सै अच्‍छो खासो तुमरे सामने खड़ो है।

चेलौ के काम 3:21

“मसी कै बा बखत तक सुरग मै रैहनो होगो जब तक कै सबई बात पैले जैसी ना हो जाऐ जिनके बारे मै भौत पैलेई सैई परमेसर नै अपने पबित्‍तर नबिऔ के दुआरा बता दओ हो।

चेलौ के काम 3:15

और लोगौ कै जिन्‍दगी की रस्ता दिखानै बारे कै तुमनै मार डारो, पर परमेसर नै मरे भएऔं मै सै बौ फिर सै जिन्‍दो करो है, और हम जा बात के गभा हैं।

मत्‍ती 1:21

बौ एक लौंड़ा कै जलम देगी और तू बाको नाम ईसु रखिए कैसेकै बौ अपने लोगौं को उनके पापौं सै छुटकारो करैगो।”

परकासन 1:7

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।

1 पतरस 2:21

और तुम जाई के ताँई बुलाए गए हौ कैसेकै मसी नै बी तुमरे ताँई दुख उठाओ है और जौ तुमरे ताँई एक मिसाल है ताकि हम बी बाके हाँई चाल चल सकैं।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

1 थिसलुनीकियौ 2:7

हम मसी के भेजे भए चेला होनै की बजै सै अपनो हक जता सकै हैं। पर हम तुमरे संग पियार सै रैहए, जैसे अईया अपने बालकौ कै खबा पिबा कै उनकै पालै है, बैसेई हमनै बी तुमरे संग कोमलता दिखाई है।

1 थिसलुनीकियौ 1:7

इसताँई तुम मकिदुनिया और अखाया देस के बिसवासी लोगौ के ताँई एक नमूना बन गए।

कुलुसिऔं 1:18

बिसवासिऔ की मंडली मसी को सरीर है और मसी बिसवासिऔ की मंडली की खोपड़ी है। बौई सबसै पैलेसैई है और मरे भएऔं मै सै फिर सै जिन्‍दो होनै बारो बौ पैलो है, जिस्सै कै सिगरी बातौं मै बौई सबसै बड़ो होगो।

लूका 2:25

ऐरूसलेम मै समौन नाम को एक धरमी और भक्‍त आदमी हो। बौ ईसराइलिऔ के छुटकारे की राह देख रओ हो और पबित्‍तर आत्‍मा उसमै हो।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

मत्‍ती 16:28

मैं तुमसै सच कैरओ हौं, हिंया कुछ ऐंसे खड़े हैं जो तब तक ना मरंगे जब तक बे आदमी के लौंड़ा कै उसके राज मै आते ना देख लै।”

चेलौ के काम 2:32

“जाई ईसु कै परमेसर नै फिर सै जिन्‍दो करो, जिसके हम सबई गभा हैं।