1 पतरस 5:8 - बुक्सा

⁸ होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

1 पतरस 5:8 Referans Kwoze

इफिसिऔ 6:11

परमेसर के सिगरे हतियारौं कै बांध लो, जिस्सै कै तुम सैतान की चालाँकी के सामने खड़े रैह सकौ।

याकूब 4:7

इसताँई परमेसर के आधीन रैहऔ। सैतान को सामनो करौ, तौ बौ तुमरे धौंरे सै भाज जागो।

इफिसिऔ 4:27

सैतान कै कोई मौको मत दो।

1 पतरस 1:13

इसताँई तुम चौकन्‍ने और खुद के ऊपर काबू रक्‍खौ और बा किरपा की ओर पूरी उमीद रक्‍खौ, जो ईसु मसी के परकट होनै के बखत तुमकै मिलनै बारी है।

1 पतरस 4:7

बौ बखत आनै बारौ है जब सबई कुछ नास हो जागो, इसताँई तुम सबई चौकस और खुद के ऊपर काबू रक्‍खौ ताकि तुम पिराथना कर सकौ।

लूका 21:36

इसताँई जगते रैहऔ और हर टैम पिराथना करते रैहऔ, जिस्सै तुम इन सब आनै बारे संकटौ सै बचनै और भरोसे के संग आदमी के लौंड़ा के सामने खड़े होनै के लायक बन जाऔ।”

लूका 22:31

“समौन, हे समौन, सुन, तुम सब लोगौ कै सैतान नै माँग लओ है कै तुमकै गैहूं के हाँई फटकै।

तीतुस 2:12

और बाकी किरपा हमकै चितौनी देवै है, कै हम अधरम के कामौ और दुनिया की मोह-माया सै मन फेरकै इस युग मै संयमी और धरमी होकै भक्‍ति सै जिन्‍दगी बिताऐ,

परकासन 12:12

इसताँई हे सुरग और उनमै रैहनै बारे खुसी मनाऔ। पर हे धरती और समन्‍दर, तुमरे ऊपर हाय! कैसेकै सैतान बड़ी घुस्सा के संग तुमरे धौंरे उतर आओ है, कैसेकै बौ जानै है कै, बाको थोड़ोई टैम और बाकी है।”

यहून्‍ना 8:44

तुम अपने अब्बा सैतान की औलाद हौ। और तुम अपने अब्बा की इच्‍छा मै चलनो चाँहौ हौ। बौ सुरू सैई हत्‍तियारो हो। और बौ सच्‍चाई मै कबी कायम ना रैहबै है। कैसेकै बामै सच्‍चाई हैई ना। जब बौ झूँट बोलै है तौ अपने सौभाब सै बोलै है, कैसेकै बौ झूँटो है और झूँट को अब्बा है।

मत्‍ती 13:39

जिस बैरी नै जंगली बीज बोए बौ सैतान है, कटनी दुनिया को अन्‍त है, और काटनै बारे सुरगदूत हैं।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।

मत्‍ती 24:42

इसताँई जगते रौह, कैसेकै तुम ना जानौ हौ कै तुमरो परभु कब आ जाय।

परकासन 20:10

इसके बाद उस सैतान कै जो उनकै बैहकाबै है, धदकती गन्धक की झील मै फैंक दओ जागो। जहाँ बौ जनाबर और झूँटे नबी, दौनौई डारे गए हैं। हमेसा-हमेसा के ताँई उनकै रात-दिन तड़पाओ जागो।

लूका 21:34

“इसताँई चौकस रैहऔ, कहीं ऐंसो ना होए कै तुमरो मन भोग-विलास, नसा और जा जिन्‍दगी की चिन्‍ताऔं के बोज सै दब जाय और बौ दिन फंदा के हाँई अचानक तुमरे ऊपर आ पड़ै।

तीतुस 1:8

पर पौंहनेऔ की खातरदारी कन्‍नै बारो, नेकी को चाहनै बारो, संयमी, धरमी, पबित्‍तर और अपने आपकै बस मै रखनै बारो होनो चँईऐ।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

तीतुस 2:6

ऐंसेई जमान आदमिऔ कै बी समजाऐ कर, कै बे संयमी बनै।

तीतुस 2:2

मतलब बुड्‍ढे आदमी, चौकस और गम्‍भीर और संयमी हौं, और उनको बिसवास, पियार और उनकी सैनसीलता पक्‍की होनी चँईऐ।

1 तीमुथियुस 2:15

अगर बईयरैं बिसवास, पियार, और पबित्‍तर बनकै परमेसर के हक मै बनी रैहबै हैं, तौ बे अईया को फरज पूरो कन्‍नै के दुआरा मुक्‍ति पांगी।

परकासन 20:2

और उसनै उस अजगर यानी पुराने साँप कै, जो सबसै बड़ी दुसट आत्‍मा और सैतान कैलाबै है, एक हजार बरस के ताँई उसकै साँकर सै बांध दओ।

तीतुस 2:4

जिस्सै बे जमान बईयरौं कै चितौनी देती रैंह कै बे अपने आदमिऔ और बालकौ सै पियार रक्‍खैं,

1 तीमुथियुस 3:11

और उनकी बईयर बी इज्जतदार होनी चँईऐ, बुरे बोल बोलनै बारी ना होए और अपने ऊपर काबू रखनै बारी होए और सिगरी बातौं मै बिसवास लायक होए।

1 तीमुथियुस 2:9

और बैसेई ढंग सै मैं बईयरौं सै बी चाँहबौ हौं कै तुम सीदे सादे और समजदारी सै अपने आपकै रखिओ, और तुम तरै-तरै के चमकदार मैहंगे फैसन बारे लत्‍ता और ना सौने या मोती के बेसानी मैहंगे जेबर ना पैहरिओ,

मत्‍ती 4:1

फिर आत्‍मा ईसु कै बियाबान मै ले गओ जिस्सै सैतान के दुआरा बौ परखो जा सकै।

1 तीमुथियुस 3:2

पर जो अगुबा है, बामै कोई गलती ना होनी चँईऐ और बाकी एकई बईयर होए, और अपने ऊपर काबू रखनै बारो होनो चँईऐ, और समजदारी सै रैहनै बारो और इज्जतदार होए और पौंहनेऔ की इज्‍जत कन्‍नै बारो, और लोगौ कै अच्‍छे सै सिकानै बारो होए।

मत्‍ती 25:41

“फिर बौ राजा अपनी बाँई ओर बारौ सै कैगो, ‘अरे अभागौ! मेरे सामने सै उस हमेसा की आग मै चले जाऔ, जो सैतान और बाके दूतौ के ताँई तईयार करी गई है।

मत्‍ती 4:11

तब सैतान उसके धौंरे सै चलो गओ और देखौ, सुरगदूत आकै ईसु की सेवा करल लगे।

मरकुस 4:15

जो मैड़ मै के हैं जहाँ परमेसर को बचन बोओ जावै है, जे बे हैं, कै जब उनौनै सुनो, तौ सैतान तुरन्‍त आकै परमेसर के बचन कै जो उनके मन मै बोओ गओ हो, उसकै उठा ले जावै है।

2 कुरन्‍थियों 2:11

जिस्सै कै सैतान हमरे ऊपर धोके सै कोई चाल ना चलै। कैसेकै हम बाकी चालाँकी कै जानै हैं।

परकासन 12:10

फिर मैंनै सुरग मै किसी कै ऊँची अबाज मै जौ कैते भए सुनो, “अब हमरे परमेसर की मुक्‍ति और सकति और राज और उसके मसी को अधकार परकट भओ है, कैसेकै हमरे भईयौ के ऊपर दोस लगानै बारो, जो रात-दिन हमरे परमेसर के सामने उनमै दोस लगाऐ करै हो, उसकै गिरा दओ गओ है।