1 पतरस 5:2 - बुक्सा

² जो तुमरे बीच मै परमेसर के लोग हैं उनकी रखबारी करौ; पर जौ दबाब सै ना और नाई बुरी कमाई के ताँई बलकन जौ परमेसर की इच्‍छा सै और अपनी खुसी सै करौ।

1 पतरस 5:2 Referans Kwoze

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

1 तीमुथियुस 3:8

इसताँई बिसवासिऔ की मंडली के लोगौ की सेवा कन्‍नै बारो, इज्जतदार होए, दोगलो आदमी ना होए, दारू पीनै बारो ना होए, बुरी कमाई को लालची ना होए।

तीतुस 3:1

लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्‍छे काम के ताँई तईयार रैंह,

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

1 कुरन्‍थियों 9:7

ऐंसो कौन आदमी है जो अपनोई खरचा करकै सैना की सेवा करै? और ऐंसो कौन होगो जो अंगूर को बगीचा लगाकै बी बाको फल ना खाऐ? और ऐंसो कौन है जो अपनी भेड़ौ की देखरेख करै, पर बाको दूद ना पिऐ?

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।

इबरानिओ 12:15

धियान सै रैहईओ ऐंसो ना होए कै कोई बी परमेसर की किरपा सै छुट जाय, और कोई करई जड़ फटकै तुमरे ताँई मुसीबत लाय और जिसकी बजै सै भौस्से लोग अपबित्‍तर हो जावै हैं।

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

लूका 12:32

“ऐ मेरे छोटे झुन्ड मत डरौ, कैसेकै तुमरो पिता तुमकै सुरग को राज दैनै कै तईयार है।

फिलेमौन 1:14

पर मैंनै तेरी इच्‍छा के बिना कुछ बी कन्‍नो ना चाँहो, कै तेरो ऐहसान लाचारी सै ना पर खुसी सै हो।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

रोमियो 1:15

इसताँई मैं तुमकै बी जो रोम मै रैहबै हैं, अच्‍छी खबर सुनानै के ताँई तरस रओ हौं।

चेलौ के काम 21:13

पर पौलुस नै उनकै जबाब दओ, “तुम रो रो कै मेरे दिल कै काए दुखाबौ हौ? मैं ऐरूसलेम मै परभु ईसु के नाम सै बंधनै और मरनै के ताँई बी तईयार हौं।”

चेलौ के काम 20:29

मैं जानौ हौं कै मेरे जानै के बाद खतरनाक भिड़िया हाँई लोग तुमरे बीच मै आंगे और बिसवासी लोगौ के झुन्ड कै ना छोड़ंगे।