1 पतरस 4:17 - बुक्सा

¹⁷ कैसेकै नियाय कन्‍नै को बखत आई गओ है कै पैले परमेसर अपनेई लोगौ सै नियाय सुरू करैगो, और जब नियाय की सुरूआत हम सैई होगी तौ उन लोगौ को का होगो? जो परमेसर की अच्‍छी खबर कै ना मानै हैं।

1 पतरस 4:17 Referans Kwoze

2 थिसलुनीकियौ 1:8

धदकती भई आग के संग परकट होगो। और जो परमेसर कै ना मानै हैं और हमरे परभु ईसु की अच्‍छी खबर के हिसाब सै ना चलै हैं, उनकै सजा देंगे।

1 पतरस 2:8

और जौ बौई पत्‍थर है जिस्सै लोगौ कै ठोकर लगैगी और जौ एक चट्‍टान है जिस्सै लोग गिर जावै हैं; कैसेकै बे तौ बचन कै ना माननै की बजै सै ठोकर खावै हैं और उनकै इसई के ताँई बनाओ बी गओ है।

रोमियो 2:9

बुराई कन्‍नै बारे हर एक आदमी कै पैले यहूदी फिर गैर यहूदी कै दुख और मुसीबत सैहनी पड़ंगी।

लूका 23:31

कैसेकै ‘मैं’ हरे पेड़ जैसे हौं, फिर बी लोग मेरे ऊपर ऐंसो कर रए हैं, तौ जो सूके पेड़ हैं उनको का होगो?”

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

इबरानिओ 2:4

परमेसर नै खुद चिन्‍नौ, चमत्कारौं और अचम्बे के कामौ के दुआरा अपनी इच्‍छा के अनुसार बाँटे भए पबित्‍तर आत्‍मा के आत्‍मिक दानौ के दुआरा गभाई दई।

इबरानिओ 2:2

कैसेकै जो बचन सुरगदूतौं के दुआरा कैओ गओ हो बौ सच्‍चो साबित भओ। अगर हर एक अपराद और कैहनो ना माननै बारौ नै सई सजा पाई

गलातिऔ 5:7

एक दफै तौ तुमनै बड़ी अच्‍छी मसी जिन्‍दगी जी लई, पर अब तुमकै किसनै रोक दओ कै सच्‍चाई कै ना मानौ?

इबरानिओ 11:8

बिसवास की बजै सैई जब परमेसर नै इब्राहिम कै बुलाओ तब बौ बाको हुकम मानकै बा जघै के ताँई लिकरो जिस जघै कै बिरासत मै दैनै को बादो परमेसर नै बासै करो हो। और बौ जौ बात ना जानै हो कै मैं कहाँ जा रओ हौं पर तब्बी बौ बहाँ गओ।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

गलातिऔ 6:10

इसताँई जो बी हमकै मौको मिलै है, तौ हमकै सबई के संग भलाई कन्‍नी चँईऐ, खास करकै बिसवासी लोगौ के संग।

1 तीमुथियुस 3:15

अगर मैंकै आनै मै देर होए तौ तुमकै जौ पतो होनो चँईऐ कै परमेसर के टब्बर के लोगौ को बरताब कैसो होनो चँईऐ। जौ टब्बर जिन्‍दे परमेसर के बिसवासिऔ की मंडली है, और सच्‍चाई की बुनियाद और खम्मा है।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।