1 पतरस 4:10 - बुक्सा

¹⁰ परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।

1 पतरस 4:10 Referans Kwoze

मरकुस 10:45

कैसेकै आदमी को लौंड़ा बी अपनी सेवा करानै ना, पर सेवा कन्‍नै और भौतौं के छुटकारे के ताँई अपनी जान दैनै आओ है।”

इबरानिओ 6:10

तुमनै परमेसर के लोगौ के ताँई जिस पियार सै सेवा करी है और कर रए हौ बा पियार कै और तुमरे दूसरे कामौ कै परमेसर कबी ना भूलैगो, कैसेकै परमेसर अनियाय कन्‍नै बारो ना है।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

1 कुरन्‍थियों 3:10

परमेसर के बा किरपा सै, जो मैंकै देओ गओ है। मैंनै समजदार राजमिस्तरी के हाँई नीह डारी, और दूसरो बामै लद्‍धा रखै है, पर हर एक आदमी चौकस रैह, कै बौ बामै कैसो लद्‍धा रखै है।

इफिसिऔ 4:11

बानै कुछ लोगौ कै भेजो भओ चेला बनाओ, और कुछ लोगौ कै नबी, और कुछ लोगौ कै अच्‍छी खबर कै सुनानै बारे, और कुछ लोगौ कै परमेसर के बिसवासिऔ की मंडली कै देखभाल कन्‍नै बारे, और कुछ लोगौ कै सिकानै बारे को बरदान दओ।

रोमियो 15:27

उनकै ऐंसो कन्‍नो अच्‍छो लगै है, और बे यहूदिऔं के करजदार हैं। कैसेकै अगर गैर यहूदी लोग यहूदिऔं के आत्‍मिक आसीसौ मै सामिल भए हैं तौ गैर यहूदिऔं कै बी यहूदिऔं की जरूरतमन्द चीजौ मै मदत कन्‍नी चँईऐ।

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

इफिसिऔ 3:8

मैं परमेसर के सबई पबित्‍तर लोगौ मै छोटे सै बी छोटो हौं, तब्बी मैंकै जौ बरदान मिलो कै मैं गैर यहूदी लोगौ कै कबी खतम ना होनै बारे मसी की बरकत की अच्‍छी खबर सुनाऔ।

लूका 12:42

परभु ईसु नै कैई, “बौ ईमानदार और अकलमंद भन्डारी कौन है? जिसको मालिक उसकै नौकरौ-चाकरौं के ऊपर अधकारी बनाऐ जिस्सै बौ सई टैम मै उनकै खानै के ताँई रासन पानी दे।

1 कुरन्‍थियों 4:7

कौन कैबै है कै तू दूसरौं सै जादा अच्‍छो है? और जो कुछ बी तेरे धौंरे है, बौ सिगरो परमेसर की ओर सै देर खाओ है। जो बी तेकै देर खाओ है तौ तू बाके ऊपर घमंड काए करै है, जैसे कै मानौ तुमकै दओई ना होए?

लूका 19:13

और जाने सै पैले उसनै अपने दसौं नौकरौ कै बुलाकै हर एक कै एक-एक सौने को रुपिया दओ, और उनसै कैई, ‘जब तक मैं ना लौहटौं, इनसै कोई ब्यापार करिओ।’

लूका 8:3

और हेरोदेस को इन्‍तजाम कन्‍नै बारो भन्डारी खोजा की बईयर योअन्‍ना, संग मै सुसन्‍ना और भौस्सी बईयरैं बी हीं, जे बईयरैं अपनेई पैसौ सै ईसु और बाके चेलौ की सेवा करै हीं।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

रोमियो 15:25

मगर अब मैं परमेसर के पबित्‍तर लोगौं की सेवा कन्‍नै के ताँई ऐरूसलेम जा रओ हौं।

मत्‍ती 25:44

“तब बे जबाब दंगे कै, ‘हे परभु, हमनै तू कब भूँको, या पियासो, या परदेसी, या नंगो, या बेमार, या जेल मै देखो, और तेरी सेवा टहल ना करी?’

मत्‍ती 20:28

कैसेकै आदमी को लौंड़ा बी अपनी सेवा करानै ना पर सेवा कन्‍नै और भौतौं की मुक्‍ति के ताँई अपने पिरान दैनै आओ है।”

2 तीमुथियुस 1:18

परभु करै कै बाकै नियाय के दिन परमेसर की दया मिलै, कैसेकै तुमकै जौ पतो है कै इफिसुस मै बानै कई तरै सै मेरी सेवा करी ही।

मत्‍ती 24:45

“ऐंसो ईमानदार और समजदार नौकर कौन है, जिसके मालिक नै नौकरौ के ऊपर बौ अधकारी बनाओ, जिस्सै बौ ठीक टैम मै उनकै रोटी दे?

मत्‍ती 24:14

सैरी दुनिया मै सुरग के राज की इस अच्‍छी खबर को परचार करो जागो, जो सैरी जातिऔं कै गभाई के रूप मै सुनाओ जागो और तबई अन्‍त आ जागो।

2 कुरन्‍थियों 9:1

अब बा दान की सेवा के काम के बारे मै जो तुम ऐरूसलेम मै रैहनै बारे परमेसर के लोगौ की सायता कन्‍नै के ताँई करौ हौ, बाके बारे मै मैंकै फिर सै तुमरे ताँई लिखनो जरूरी ना है।

मत्‍ती 24:21

कैसेकै उन दिनौ ऐंसो महासंकट होगो, जैसो दुनिया के सुरू सै अब तक ना कबी भओ है और ना कबी होगो।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

1 पतरस 5:12

मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

मत्‍ती 25:17

इसई हाँई जिसकै दो हजार असरपी मिली हीं, बानै और दो हजार कमा लंई।