1 पतरस 3:13 - बुक्सा

¹³ अगर तुम भले काम कन्‍नै मै लगे रैहओगे, तौ कौन तुमरे संग बुराई करैगो?

1 पतरस 3:13 Referans Kwoze

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

रोमियो 8:28

और हम जानै हैं, कै जो लोग परमेसर सै पियार रक्‍खै हैं, मतलब जिसकै परमेसर नै अपनी मरजी सै बुलार खाओ है उनके ताँई सब बात मिलकै भलाई कैई लामै हैं।

3 यहून्‍ना 1:11

मेरे पियारे दोस्त, बुराई के रस्ता मै ना पर भलाई के रस्ता मै चलौ, जो भलाई करै है, बौ परमेसर सै है, जो बुराई करै है, बानै परमेसर कै ना देखो है।

1 तीमुथियुस 5:10

और जो अपने भले कामौ की बजै सै जानी जाय, और जो अपने बालकौ को अच्‍छे ढंग सै खयाल रक्‍खै, और पौंहनेऔ की अच्‍छे सै सेवा करै और परमेसर के लोगौ के पाँऐ धोए और परेसान लोगौ की सायता करै और हर तरै के अच्‍छे कामौ मै मन लगाऐ।

1 कुरन्‍थियों 14:1

पियार की रस्ता मै चलते रौह और पबित्‍तर आत्‍मा के बरदानौ कै पानै की ताख मै रौह। पर खास बात तौ जौ है कै तुम परमेसर की ओर सै बोलौ।

रोमियो 13:3

कैसेकै अधकारी अच्‍छे काम कन्‍नै बारौ कै ना, पर बुरे काम कन्‍नै बारौ कै डरावै है। अगर तुम अधकारी सै बिना डरे रैहनो चाँहौ हौ, तौ अच्‍छे काम करौ और बे तुमरी बड़ाई करंगे।

इफिसिऔ 5:1

तुम परमेसर की पियारी औलाद हौ, और जैसो बाको चाल-चलन है, बैसोई तुमरो बी होनो चँईऐ।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।