1 पतरस 2:24 - बुक्सा

²⁴ बौ हमरे पापौं कै अपने सरीर मै लेए भए कुरूस मै चढ़ गओ जिस्सै कै हम पापौं के ताँई मरै और धारमिकता के ताँई जिन्‍दगी जीऐं, कैसेकै पबित्‍तर सास्तर मै लिखो है, “बाईके मार खाने सै तुम अच्‍छे भए हौ।”

1 पतरस 2:24 Referans Kwoze

मत्‍ती 8:17

इस तरै नबी यसाया को जौ बचन पूरो भओ, उसनै हमरी कमजोरी दूर कर दंई और हमरी बेमारी अपने ऊपर ले लंई।

रोमियो 6:11

तुम बी ऐंसेई अपने ताँई सोचे करौ, कै तुम पाप के ताँई मर चुके हौ, पर ईसु मसी मै परमेसर के ताँई जिन्‍दे हौ।

परकासन 22:2

और सैहर की सड़कौं के बीच सै बैहती भई नद्‍दी के किनार, दौनौ लंग जिन्‍दगी के पेड़ हे, उसमै बारैह बार फल लगै हे, और बौ हर महीना फलावै हो, और उस पेड़ के पत्‍तौ सै जाति-जाति के लोगौ को इलाज होवै हो।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

याकूब 5:16

इसताँई तुम लोग एक दूसरे के सामने अपने अपने पापौं कै मान लो; और एक दूसरे के ताँई पिराथना करौ, जिस्सै कै तुम लोग ठीक हो जाऔ। धरमी आदमी की पिराथना भौत सकतिसाली और असरदार है।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

रोमियो 6:2

बिलकुल ना। हम जो पाप के ताँई मर चुके हैं, तौ पाप मैई कैसे जींगे

कुलुसिऔं 3:3

कैसेकै तुम तौ मर गए हौ और तुमरी जिन्‍दगी मसी के संग परमेसर के भीतर लुकी है।

रोमियो 6:13

तुम अपने सरीर के अंगौ कै अधरम के औजारौं जैसे पाप के हवाले मत करौ, बलकन मरे भएऔं मै सै जी उठनै बारौं के जैसे परमेसर के हवाले कर दो। और अपने सरीर के अंगौ कै धरम के औजारौं के रूप मै परमेसर के हवाले कर दो।

यहून्‍ना 1:29

दूसरे दिन यहून्‍ना नै ईसु कै अपनी ओर आते देख कैई, “देखौ परमेसर को मैमना जो दुनिया के पाप उठा ले जावै है।

रोमियो 7:6

मगर अब हम उन बातौं के ताँई मर गए हैं, जो हमकै बन्‍दी बनाए भए हीं। इसताँई हम नियम सै आजाद हो गए हैं। और अब हम लिखे भए नियम के पुराने रस्ता सै ना, बलकन आत्‍मा की नई रस्ता सै परमेसर की सेवा करैं हैं।

1 यहून्‍ना 3:7

हे बालकौ, किसी के बैहकाने मै मत अईओ। जो धरम के काम करै है, बौ मसी के हाँई धरमी है।

रोमियो 6:7

कैसेकै जो मर गओ है, बौ पाप की गुलामी सै आजाद हो गओ है।

रोमियो 6:16

का तुम जौ ना जानौ हौ कै जब तुम किसी की आगियाँ माननै के ताँई अपने आपकै दासौं के हाँई सौंप देवौ हौ। तौ तुम उसई के दास हौ। फिर चाँहे तुम पाप के दास बनौ, जो तुमकै मौत की ओर ले जागो। चाँहे परमेसर की आगियाँ माननै बारे दास बनौ, जो तुमकै धारमिकता की ओर ले जागी।

2 कुरन्‍थियों 6:17

इसताँई सरब सकतिमान परभु जौ कैबै है कै, “तुम उन लोगौ के बीच मै सै लिकरकै अगल हो जाऔ और जो चीज असुद्‍द हैं उनकै ना छूँऔ, तौ मैं तुमकै अपनांगो। और मैं तुमरो अब्बा हौंगो और तुम मेरे बालक होओगे।”

चेलौ के काम 5:30

हमरे बापदादौं के परमेसर नै ईसु मसी कै जिन्‍दो करो, जिसकै तुमनै कुरूस मै लटका कै मार डारो।

लूका 4:18

“परभु की आत्‍मा मैं मैई समाई है और उसनै मैंकै चुनो है जिस्सै मैं गरीबौ कै अच्‍छी खबर सुनाऔं। और मैं इसताँई भेजो गओ हौं कै कैदिऔ कै छुटकारे को और अन्धौ कै देखनै की अच्‍छी खबर बताऔं और दबे भएऔं कै छुड़ाऔं

मत्‍ती 5:20

मैं तुम लोगौ सै कैरओ हौं, अगर तुमरो धरमी होनो सास्तरिऔं और फरीसिऔं के धरमी होनै सै गैहरो ना भओ, तौ तुम सुरग के राज मै कबी ना पौंचौगे।

इबरानिओ 12:13

और अपने पाँऐऔं के ताँई रस्ता सीदी करौ, जिस्सै कै जो लंगड़े हैं बे चंगे होते जांऐ।

चेलौ के काम 13:29

जो कुछ बात बाके बारे मै लिखी हीं जब बे उन बातौं कै पूरो कर चुके, तबई बाकै कुरूस सै उतारकै कबर मै रक्‍खो।

चेलौ के काम 10:35

पर दुनिया के सब लोगौ मै जो कोई आदमी बाको डर मानै है और अच्‍छे काम करै है परमेसर बी बाकै अच्‍छो मानै है।

इबरानिओ 7:26

ऐंसोई बड़ो पुजारी हमरे ताँई सई है, जो पबित्‍तर और खरो और बगैर खोट को और पापिऔं सै अगल और जिसकै सुरग सै बी ऊँचो रखर खाओ होए।

कुलुसिऔं 2:20

कैसेकै तुम मसी के संग मर चुके हौ और तुमकै दुनिया के रीती रिबाज सै छुटकारो दिब्बाओ जा चुको है। तौ तुम ऐंसो बरताब काए करौ हौ, जैसे कै तुम जा दुनिया के हौ? और ऐंसे रीती रिबाजौ कै मानौ हौ जैसे कै,

रोमियो 6:22

मगर अब तुम पाप सै आजाद होकै परमेसर के दास बन गए हौ। और तुमकै फल मिलैगो बौ तुमकै सुद्‍द बनागो उसको अन्‍त को फल हमेसा की जिन्‍दगी है।

चेलौ के काम 10:39

“हम उन सिगरे बातौं के गभा हैं जो बानै यहूदिया और ऐरूसलेम मै करी हीं। पर उन लोगौ नै बाकै कुरूस मै लटका कै मार दओ।

मत्‍ती 27:26

तब पीलातुस नै उनके ताँई बरअब्बा छोड़ दओ और ईसु कै कोड़ा लगबाकै कुरूस मै चढ़ानै के ताँई सौंप दओ।

इफिसिऔ 5:9

जहाँ जोती है, बहाँ हर तरै की भलाई, धारमिकता और सच्‍चाई पैदा होवै है।

यहून्‍ना 19:1

तब पीलातुस नै ईसु कै पकड़बाकै कोड़ा लगबाऐ।

फिलिप्‍पीऔ 1:11

और परमेसर की बड़ाई और तारीफ के ताँई तुम बा धारमिकता के फल सै भरपूर होते जाँय जो ईसु मसी के दुआरा मिलै है।

मरकुस 15:15

पीलातुस भीड़ कै खुस कन्‍नो चाँहे हो इसताँई उसनै उनके ताँई बरअब्बा कै छोड़ दओ और ईसु कै कोड़ा लगबाकै कुरूस मै चढ़ानै के ताँई सौंप दओ।

1 कुरन्‍थियों 15:3

जो सबसै खास बात मैंकै मिली ही, बौई मैंनै सबसै पैले तुमकै बताई, जैसो पबित्‍तर सास्तर मै लिखो है, मसी हमरे पापौं के ताँई मरो,

कुलुसिऔं 2:14

बे नियम की बात जो हमरे बिरोद मै लिखी गई हीं, बानै कुरूस की कीलौं कै ठौंक कै मिटा दंई।

इबरानिओ 10:5

इसताँई जब ईसु दुनिया मै आओ तौ तबई बानै जौ कैई कै, “तैनै बलि और चढ़ाबो ना चाँहो। पर मेरे ताँई एक सरीर तईयार करो।

इबरानिओ 10:10

कैसेकै ईसु मसी को सरीर एकई दफै हमेसा के ताँई बलि चढ़ा दओ और जाई बलि के दुआरा हम पबित्‍तर करे गए हैं।