1 पतरस 2:15 - बुक्सा

¹⁵ कैसेकै परमेसर की इच्‍छा जौ है कै तुम भले काम करकै उन मूरख लोगौ को मौह बन्‍द कर दो जिनकै कोई अकल ना है।

1 पतरस 2:15 Referans Kwoze

1 पतरस 3:17

अगर परमेसर की जौई मरजी है कै तुमकै दुख झेलनो है तौ बुरे काम सै ना पर भले काम करकै दुख झेलनो अच्‍छो है।

तीतुस 2:8

और ऐंसो खरोपन पाओ जाय कै कोई उसकै बुरो ना कैह सकै, जिस्सै बिरोदी हमरे ऊपर कोई दोस लगानै को मौको ना पाकै सरमिन्‍दा हौं।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

मत्‍ती 7:26

पर जो कोई मेरी जे बात सुनै है, पर उनमै चलै ना है, बौ उस मूरख के जैसो है, जिसनै अपनो घर रेता मै बनाओ।

1 थिसलुनीकियौ 5:18

और हर एक बात मै परमेसर कै धन्‍नबाद देओ कैसेकै तुमरे ताँई मसी ईसु मै परमेसर की इच्‍छा जौई है।

1 थिसलुनीकियौ 4:3

परमेसर की इच्‍छा जौ है कै तुम पबित्‍तर बने रौह और बैबिचार सै बचे रौह।

2 पतरस 2:12

पर ऐंसे लोग नासमज जंगली जनाबरौ के हाँई हैं, जो पकड़े जानै और मारनै के ताँई पैदा भए हैं। बे उन बातौं के बारे मै बुरो बोलै हैं जिनकै बे ना तौ जानै हैं, बे जनाबरौ के हाँई नास हो जांगे।

रोमियो 1:21

कैसेकै उनौनै परमेसर कै जानते भए बी परमेसर लायक बड़ाई और धन्‍नबाद ना करो, पर बेकार बात सोचल लगे, बे मूरख बन गए और उनकी बुद्‍धि भरस्ट हो गई।

यहूदा 1:10

पर जे लोग जिन बातौं कै ना समजै हैं, उन बातौं के बारे मै बुरो कैबै हैं, और ना समज जनाबरौ के हाँई जिन बातौं कै बे सीदे सादे तरीका सै जानै हैं, बेई इनकी नास की बजै बनै हैं।

1 पतरस 4:2

ताकि अग्गे की जो जिन्‍दगी बची है बाकै लालच और पापी आदमी के हाँई ना पर जैसो परमेसर चाँहै है, बैसेई जीऐं।

1 तीमुथियुस 1:13

मैं पैले मसी के खिलाप बुराई कन्‍नै बारो और सतानै बारो और अनियाय कन्‍नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो।

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

मत्‍ती 25:2

उनमै पाँच मूरख और पाँच समजदार हीं।

1 पतरस 3:16

अपनो मन साप रक्‍खौ कै जो लोग मसी मै तुमरे अच्‍छे चाल-चलन की बजै सै तुमरी बदनामी करै हैं और बुरो बरताब करै हैं, उनकी खोपड़ी सरम सै झुक जाय।