1 पतरस 1:8 - बुक्सा

⁸ तुमनै मसी कै देखो ना है, फिर बी तुम उस्सै पियार करौ हौ। तुम बाकै अबी देख ना पा रए हौ, मगर फिर बी बाके ऊपर बिसवास करौ हौ और एक ऐंसी खुसी और महिमा सै भरे भए हौ जिसकी कोई हद ना है।

1 पतरस 1:8 Referans Kwoze

यहून्‍ना 20:29

ईसु नै कैई, “का तैनै जाई मारे बिसवास करो है कै तैनै मैं देखो हौं? धन्‍न हैं बे जिनौनै मैं ना देखो, मगर फिर बी बिसवास करो।”

2 कुरन्‍थियों 5:7

कैसेकै हम जो देखै हैं बाके हिसाब सै ना पर बिसवास के हिसाब सै जीवै हैं।

रोमियो 15:13

उमीद को सोत परमेसर है, और बौ तुम लोगौ कै पूरी खुसी और सान्‍ति सै भर दे जैसो कै तुमरो बिसवास उसमै है। ताकि पबित्‍तर आत्‍मा की सकति सै तुमरी उमीद बढ़ती जाऐ।

इबरानिओ 11:1

बिसवास उन बातौं को पक्‍को भरोसो है, जिसकी हम आस करै हैं, और जिन चीजौ कै हमनै देखो ना है बाको सबूत है।

यहून्‍ना 16:22

और तुमकै बी अब तौ दुख है, पर मैं तुमसै फिर मिलंगो और तुमरो दिल खुस होगो, और तुमरी खुसी कै कोई तुमसै छीन ना सकैगो।

2 कुरन्‍थियों 4:18

हम दिखाई दैनै बारी चीजौ के ऊपर ना पर जो दिखाई ना देवै हैं उन चीजौ के ऊपर धियान देवै हैं। कैसेकै देखी भई चीज कुछ बखत की हैं और जो दिखाई ना देवै हैं बे हमेसा की हैं।

1 पतरस 1:6

अगर अबी थोड़े बखत के ताँई तुमरे ऊपर तरै-तरै की परेसानी और दुख आ जाँय तौबी तुम बा मुक्‍ति के ताँई खुस हो जाऔ।

इबरानिओ 11:27

बिसवास की बजै सैई मूसा मिसर देस छोड़कै चलो गओ और बानै राजा के घुस्सा की परवा ना करी बलकन बौ अग्गे बढ़तो गओ, मानौ जैसे कै बौ परमेसर कै देख रओ होए, जो अनदेखो है।

1 पतरस 2:7

और बिसवास कन्‍नै बारे लोगौ के ताँई जौ पत्‍थर कीमती है। पर जो लोग बिसवास ना करै हैं उनके ताँई जिस पत्‍थर कै राजमिस्तरिऔ नै बेकार समजो बौई कौने को पत्‍थर बन गओ।

फिलिप्‍पीऔ 4:4

तुम लोग परभु मै हमेसा खुस रौह, मैं फिर कैबौ हौं, खुस रैहऔ।

1 पतरस 5:4

और जब रखबारी कन्‍नै बारो बड़ो गड़रिया परकट होगो तौ तबई तुमकै महिमा को मुकट देओ जागो। जिसकी चमक कबी कम ना होवै है।

इफिसिऔ 6:24

जो हमरे परभु ईसु मसी सै हमेसा पियार रक्‍खै हैं, उन सबई के ऊपर किरपा होवै है।

फिलिप्‍पीऔ 1:25

और मैंकै इस बात को भरोसो है, और मैं जानौ हौं कै मैं जिन्‍दो रैहंगो, और तुम सबके संग रैहंगो जिस्सै तुम पक्‍के होते जाऔ, और बिसवास मै खुस रैहऔ।

रोमियो 14:17

कैसेकै परमेसर को राज खानै पीनै को ना, पर धारमिकता, सान्‍ति और खुसी को है, जो पबित्‍तर आत्‍मा सै मिलै है।

यहून्‍ना 14:24

जो मैंसै पियार ना करै है, बौ मेरे बचनौ कै ना मानै है, और जो बचन तुम सुनौ हौ बौ मेरो ना, पर अब्बा को है जिसनै मैं भेजो हौं।

यहून्‍ना 8:42

ईसु नै उनसै कैई, “अगर परमेसर तुमरो अब्बा होतो, तौ तुम मैंसै पियार करते, कैसेकै मैं परमेसर सै लिकरकै आओ हौं और अब मैं हिंया हौं। मैं अपनी मरजी सै ना आओ, पर बाई नै मैंकै भेजो है।

फिलिप्‍पीऔ 3:3

कैसेकै हम जो सच्‍ची आत्‍मा सै परमेसर की बड़ाई करै हैं, हमई सच्‍चे खतना बारे हैं और हम सरीर की बातौं मै ना पर मसी ईसु मै गर्ब करै हैं।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

2 कुरन्‍थियों 12:4

बानै सुरग लोक मै ऐंसी बात सुनी जिनकै कोई कैह ना सकै है, और जिनके बारे मै कोई आदमी सोचई ना सकै है।

2 कुरन्‍थियों 9:15

परमेसर के बा दान के ताँई धन्‍नबाद करौ जिसके बारे मै कोई बोलई ना सकै है।

2 कुरन्‍थियों 1:22

और बाई परमेसर नै हमरे ऊपर मौहर बी लगा दई है, और हमरे भीतर बियाने के रूप मै पबित्‍तर आत्‍मा बी दई है।

चेलौ के काम 16:34

और फिर बौ पौलुस और सीलास कै अपने घर लिआओ और उनकै रोटी खवाई और सिगरे टब्बर नै परमेसर मै बिसवास कन्‍नै की खुसी मनाई।

यहून्‍ना 14:21

जो मेरी बातौं कै मानै है और उनके ऊपर चलै है, बौई मैंसै पियार करै है, और जो मैंसै पियार करै है, बासै मेरो अब्बा पियार करैगो, और मैं बासै पियार करंगो और अपने आपकै बाके ऊपर परकट करंगो।”

यहून्‍ना 14:15

“अगर तुम मैंसै पियार करौ हौ, तौ मेरी आगियाँऔ कै मानौगे।

मत्‍ती 10:37

“जो अपने अईया-अब्बा और लौंड़ा लौंड़िया कै मैंसै जादा पियार करै है, बौ मेरे लायक ना है।

1 कुरन्‍थियों 16:22

जो कोई परभु कै पियार ना करै है, बाकै सराप मिलैगो। हे परभु आ।

इफिसिऔ 3:19

और तुम मसी के बा पियार कै बी समज सकौगे जो हमरे गियान सै परे है, तब तुम परमेसर के पूरे सौभाब सै पूरी तरै भर जाऔगे।