1 पतरस 1:20 - बुक्सा

²⁰ जा दुनिया कै बनानै सै पैलेई परमेसर नै मसी कै चुन लओ हो, मगर तुम लोगौ के ताँई बौ आखरी दिनौ मै परकट करो गओ।

1 पतरस 1:20 Referans Kwoze

इफिसिऔ 1:4

दुनिया बनानै सै पैलेई परमेसर नै हमकै मसी मै छाँट लओ हो कै, हम बाके सामने पबित्‍तर और निरदोस बन सकैं। और जो पियार बौ हम सै करै है, बा बजै सै बानै ईसु मसी के दुआरा हमकै पैलेई अपनी औलाद ठैराओ और जौ बाई की मरजी और योजना ही।

इबरानिओ 9:26

अगर ऐंसो है तौ जब सै दुनिया बनी ही तब सै मसी कै बेरमबेरा दुख झेलनो पड़तो। पर अब युग के अन्‍त मै बानै खुद की बलि के दुआरा पापौं कै खतम कन्‍नै के ताँई एकई दफै परकट करो।

परकासन 13:8

और धरती मै बे सब रैहनै बारे उस जनाबर की पूजा करंगे जिनके नाम दुनिया की सुरूआत सैई मारे भए मैमना की जिन्‍दगी की किताब मै ना लिखे गए हैं।

इबरानिओ 1:2

पर अब इन आखरी दिनौ मै बानै अपने लौंड़ा के दुआरा हम सै बात करीं जिसकै परमेसर नै सिगरी चीजौ को हकदार ठैरार खाओ है और बाईके दुआरा बानै सिगरी दुनिया बनाई।

कुलुसिऔं 1:26

मतलब बौ राज की बात सुनौ, जो कई युगौं सै और कई पीढ़िऔं सै गुप्‍त रैहई, पर अब बौ पबित्‍तर लोगौ के ताँई परकट भओ है।

इफिसिऔ 3:11

परमेसर नै अपने मन मै जौ मकसद हमेसा सै रखर खाओ हो, बौ बानै हमरे परभु ईसु मसी के दुआरा पूरो करो।

इफिसिऔ 3:9

और मैं सबई लोगौ कै उन भेद की बातौं कै परकट करौं, जो बा सबई कुछ बनानै बारे परमेसर नै युगौं-युगौं सै लुकार खाई हैं।

गलातिऔ 4:4

पर जब सई बखत आओ, तौ परमेसर नै अपने लौंड़ा कै भेज दओ, जो एक बईयर सै नियम के आधीन होते भए जलमो।

1 यहून्‍ना 1:2

जौ जिन्‍दगी परकट भई, और हमनै बौ देखो, और हम बाकी गभाई देवै हैं और अब हम तुमकै हमेसा की जिन्‍दगी की खबर बताबै हैं, जो अब्बा के संग हो और हमरे ऊपर परकट भओ।

इफिसिऔ 1:10

परमेसर की ठैराई भई योजना जौ ही कै जब सई बखत आगो तौ मसी मै सुरग की और धरती की सिगरी चीजौ कै इखट्‍टो करैगो।

रोमियो 3:25

परमेसर नै अपनो नियाय कै दिखानै के ताँई ईसु मसी कै बलि होनै के ताँई दओ जिस्सै उसकी मौत के ऊपर बिसवास कन्‍नै सै लोगौ कै पाप की माफी मिलै। कैसेकै परमेसर नै अपने सबर के बजै सै लोगौ के पैले करे भए पापौं की सजा ना दई।

1 यहून्‍ना 3:8

जो पाप करतोई रैहबै है, बौ दुसट की ओर सै है, कैसेकै दुसट सुरू सैई पाप करतो आओ है। पर परमेसर को लौंड़ा इसताँई आओ है, कै दुसट के कामौ कै नास करै।

1 यहून्‍ना 3:5

तुम जानौ हौ कै मसी पापौं कै दूर कन्‍नै के ताँई परकट भओ है, और मसी मै कोई पाप ना है।

मत्‍ती 25:34

“तब राजा अपने खाने हात बारे लोगौ सै कैगो, हे मेरे अब्बा के धन्‍न लोगौ, आऔ और उस राज के हकदार बन जाऔ, जो दुनिया के सुरू सैई तुम लोगौ के ताँई तईयार करो गओ है।

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

रोमियो 8:29

कैसेकै जिनकै उसनै पैलेई चुनो उनकै अपने लौंड़ा के हाँई बन्‍नै के ताँई ठैराओ ताकि भौस्से भईयौ मै बौ सबसै पैलो बन सकै।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

इबरानिओ 2:14

इसताँई जैसे बालक मांस और खून सै बनो है बैसेई बौ बी खून और मांस के सरीर मै साजेदार बनो है जिस्सै कै बौ अपनी मौत के दुआरा बा सैतान कै जिसकै मौत के ऊपर हक मिलो है बाकै नास कर सकै।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।