1 पतरस 1:17 - बुक्सा

¹⁷ और अगर तुम, हर एक के करमौ के हिसाब सै बिना भेदभाब के नियाय कन्‍नै बारे परमेसर कै, हे अब्बा, कैह कै बुलाबौ हौ, तौ तुमकै अपनी जिन्‍दगी परदेसी के हाँई डरते भए काटनी चँईऐ।

1 पतरस 1:17 Referans Kwoze

मत्‍ती 6:9

तौ तुम इस तरै सै पिराथना करे करौ, “हे सुरग मै रैहनै बारे हमरे अब्बा, तेरो नाम पबित्‍तर मानो जाय।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

इबरानिओ 12:28

जो राज हमकै मिलो है बाकै हलाओ ना जा सकै है, इसताँई हमकै बा किरपा कै अपने हात सै ना जान देनो है जिसकी बजै सै हम भक्‍ति और डर के संग परमेसर की आराधना करैं जिस्सै बौ खुस होवै है।

इफिसिऔ 1:17

मैं जौ पिराथना करौ हौं कै हमरे परभु ईसु मसी को परमेसर जो महिमा सै भरो भओ अब्बा है, बौ तुमकै बुद्‍धि और परमेसर कै परकट कन्‍नै बारी आत्‍मा दे, जिस्सै कै तुम बाकै अच्‍छे सै जान सकौ।

गलातिऔ 2:6

मैंकै जा बात सै कोई मतलब ना है कै बे जानेमाने लोग हे, पैले का हे। मेरे ऊपर उनको कोई असर ना पड़ो है और नाई उन्‍नै मेरी अच्‍छी खबर मै कुछ और कैई। परमेसर किसी के संग बी भेदभाब ना करै है।

रोमियो 11:20

जौ सच है, कै बे अपने अबिसवास के कारन काटकै अगल कर दए गए, मगर तुम अपने बिसवास के कारन अपनी जघै मै बने भए हौ। तुम घमंड ना करौ, पर चौकस रैहओ।

मत्‍ती 22:16

उनौनै ईसु के धौंरे हेरोदिऔं के संग अपने चेला जौ सबाल पूँछनै भेजे, “गुरू! हम जानै हैं कै तू सच बोलै है और सच्‍चाई सै परमेसर के रस्ता की सिक्‍छा देवै है, और तू लोगौ की मौह देखी बात ना करै है।

1 पतरस 2:11

पियारे भईयौ, तुम परदेसी और यातरी हौ इसताँई मैं तुमसै बिनती करौ हौं कै तुम अपने सरीर की बुरी इच्‍छा सै बचे रौह जो आत्‍मा के बिरोद मै लड़ाई के ताँई उठै हैं।

इबरानिओ 4:1

इसताँई जब तक परमेसर की ठैराई भई आराम कन्‍नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।

कुलुसिऔं 3:25

कैसेकै जो बुरे काम करै हैं, तौ बाकै बाको फल जरूर मिलैगो, और बहाँ कोई भेदभाब ना है।

इफिसिऔ 6:9

हे मालिकौं, तुम बी अपने सेवकौ के संग ऐंसोई बरताब करौ और उनकै डरानो धमकानो छोड़ दो। कैसेकै तुम जौ जानौ हौ कै तुमरो और उनको एकई मालिक है, जो सुरग मै है और बौ किसी के संग भेदभाब ना करै है।

इफिसिऔ 3:14

इसताँई मैं बा अब्बा के सामने, जिस्सै सुरग और धरती मै को हर एक टब्बर अपनो अपनो नाम पावै है, घूंटे टेक्‍कै पिराथना करौ हौं कै,

1 पतरस 3:15

पर मसी कै अपनी जिन्‍दगी मै सच्‍चे मन सै परभु मानकै पबित्‍तर समजौ, और जो उमीद तुमरी मसी मै है अगर बाके बारे मै कोई पूँछै तौ बाकै जबाब दैनै के ताँई तईयार रौह, पर पियार और आदर के संग।

2 कुरन्‍थियों 5:6

हमकै पक्‍को बिसवास है, और हम जौ बी जानै हैं कै जब तक हम जा सरीर मै हैं, परभु सै दूर हैं।

2 कुरन्‍थियों 1:2

हमरे परम पिता परमेसर और परभु ईसु मसी की ओर सै तुमकै किरपा और सान्‍ति मिलती रैह।

2 कुरन्‍थियों 7:11

तुम देखौ हौ, जो दुख परमेसर की ओर सै आए हैं, उन दुखौ की बजै सै तुमरी जिन्‍दगी बदलल लगी ही। तुम खुद कै निरदोस साबित कन्‍नै के ताँई पूरे जोस सै भरे भए, तुम्मै अनियाय के ताँई घुस्सा, मुसीबत के ताँई हमेसा तईयार, मैंसै जल्दी मिलनै के ताँई इच्‍छा, सेवा की भक्‍ति और गलत काम कन्‍नै बारौ कै सजा दैनै के ताँई हमेसा तईयार हौ। तुमनै ऐंसो करकै जौ बता दओ है कै तुमनै सबई कुछ सई कन्‍नै मै कोई कसर ना छोड़ी है।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।