1 यहून्‍ना 5:11 - बुक्सा

¹¹ और बौ गभाई जौ है कै, परमेसर नै अपने लौंड़ा के दुआरा हमकै हमेसा की जिन्‍दगी दई है और जौ जिन्‍दगी बाके लौंड़ा मै है।

1 यहून्‍ना 5:11 Referans Kwoze

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

1 यहून्‍ना 2:25

बानै हमकै हमेसा की जिन्‍दगी दैनै को बादो करो है।

यहून्‍ना 3:36

जो लौंड़ा मै बिसवास करै है, हमेसा की जिन्‍दगी बाई की है, पर बौ जो लौंड़ा की ना मानै है बाकै जिन्‍दगी ना मिलैगी, और परमेसर को घुस्सा बाके ऊपर बनो रैहगो।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

1 यहून्‍ना 4:9

परमेसर नै अपनो पियार हमरे ऊपर ऐंसे दिखाओ कै बानै अपनो इकलौतो लौंड़ा जा दुनिया मै भेजो, जिस्सै कै हम बाके लौंड़ा के दुआरा जी सकैं।

यहून्‍ना 1:4

उसमै जिन्‍दगी ही और बौ जिन्‍दगी आदमिऔ की जोती ही।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

यहून्‍ना 19:35

जिसनै जौ देखो है बानै जाकी गभाई दई है, और बाकी गभाई सच्‍ची है, और बौ जानै है कै बौ सच कैरओ है, जिस्सै कै तुम बी बिसवास कर सकौ।

यहून्‍ना 10:28

और मैं उनकै हमेसा की जिन्‍दगी देवौ हौं, और बे कबी नास ना हौंगी, और कोई बी उनकै मेरे हातौ सै छीन ना सकै है।

यहून्‍ना 6:68

समौन पतरस नै बाकै जबाब दओ, “परभु, हम किसके धौंरे जाँय? हमेसा की जिन्‍दगी के बचन तौ तेरे धौंरे हैं।

यहून्‍ना 5:26

जिस तरै अब्बा अपने भीतर खुद जिन्‍दगी रखै है, बैसेई बानै लौंड़ा कै बी अपने भीतर खुद जिन्‍दगी रखनै कै देई।

यहूदा 1:21

खुद कै परमेसर के पियार मै पक्‍के बनाए रक्‍खौ, और हमेसा की जिन्‍दगी के ताँई हमरे परभु ईसु मसी की दया की उमीद रक्‍खे रौह।

1 यहून्‍ना 5:7

गभाई दैनै बारे तीन हैं।

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

1 तीमुथियुस 1:16

पर मुज जैसे सबई सै बड़े पापी के ऊपर ईसु मसी नै दया करकै अपनो सबर इसताँई दिखाओ कै, मैंकै एक उदाहरन के रूप मै उन लोगौ कै दिखाऐ जो आदमी मसी के ऊपर बिसवास करै है बौ हमेसा की जिन्‍दगी पांऐ।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

3 यहून्‍ना 1:12

दमेतियुस के बारे मै हर किसी नै अच्‍छी गभाई दई है। जौई गभाई खुद सच, और हम बी देवै हैं, और तू जानै है कै हमरी गभाई सच्‍ची है।

यहून्‍ना 12:50

और मैं जानौ हौं कै बाकी आगियाँ हमेसा की जिन्‍दगी है। इसताँई मैं जो कुछ बोलौ हौं ठीक बैसोई बोलौ हौं जैसो अब्बा नै मैंसै कैई है।”

यहून्‍ना 6:40

कैसेकै मेरे अब्बा की इच्‍छा जौ है, कै हर एक आदमी जो लौंड़ा कै देखै है, और बाके ऊपर बिसवास करै है, बौ हमेसा की जिन्‍दगी पागो, और मैं खुद आखरी दिन मै बाकै जिन्‍दो करंगो।”

परकासन 22:1

फिर उस सुरगदूत नै मैंकै जिन्‍दगी के जल की नद्‍दी दिखाई, जो काँच के जैसे चमक रई ही, जो परमेसर और मैमना के सिंगासन सै बैह रई ही।

परकासन 1:2

जिसनै परमेसर के बचन और ईसु मसी की गभाई दई, यानी उन सिगरी बातौं की जो बानै देखीं।

यहून्‍ना 6:47

“मैं तुमसै सच-सच कैरओ हौं, कै जो कोई बिसवास करै है, हमेसा की जिन्‍दगी बाई की है।

यहून्‍ना 5:21

जैसे अब्बा मरे भएऔं कै जिन्‍दो करकै जिन्‍दगी देवै है, बैसेई लौंड़ा बी जिनकै चाँहबै है उनकै जिन्‍दगी देवै है।

यहून्‍ना 4:36

काटनै बारे कै अब मजदूरी मिल रई है और बौ हमेसा की जिन्‍दगी के ताँई फसल इखट्‍टी कर रओ है, कै बोनै बारो और काटनै बारो दौनौ मिलकै खुसी मना सकैं।

मत्‍ती 25:46

“फिर जे बुरे लोग हमेसा के ताँई सजा भुगतंगे, पर धरमी हमेसा की जिन्‍दगी मै परबेस करंगे।”

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

यहून्‍ना 1:19

यहून्‍ना की गभाई जौ ही, कै जब यहूदिऔं नै बाके धौंरे ऐरूसलेम सै पुजारिऔं और लेबिऔं कै जौ पूँछनै के ताँई भेजो, “तू कौन है?”

यहून्‍ना 4:4

और बाकै सामरिया सै होकै जानो हो।

1 यहून्‍ना 4:10

पियार की पैचान जौ है कै हमनै पैले परमेसर कै ना, बलकन परमेसर नै हम सै पियार करो है और हमरे पापौं कै मिटानै के ताँई बानै अपनो लौंड़ा बलि होनै के ताँई भेजो।