1 यहून्‍ना 4:7 - बुक्सा

⁷ हे पियारे लोगौ, हमकै दूसरौं सै पियार रखनो चँईऐ, कैसेकै पियार परमेसर सै मिलै है और हर कोई जो पियार करै है, बौ परमेसर की औलाद बन गओ है, और परमेसर कै जानै है।

1 यहून्‍ना 4:7 Referans Kwoze

1 यहून्‍ना 4:20

अगर कोई कैबै है कै, “मैं परमेसर सै पियार करौ हौं” और बौ अपने भईया सै नफरत करै, तौ बौ झूँटो है। कैसेकै जो अपने भईया सै पियार ना करै है, जिसकै बौ देखै है, तौ बा परमेसर कै जिसकै बानै कबी देखोई ना है, पियार कैसे कर सकै है?

1 यहून्‍ना 4:8

और जो पियार ना करै है, बौ परमेसर कै ना जानै है, कैसेकै परमेसरई पियार है।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 यहून्‍ना 2:10

जो कोई अपने भईया सै पियार करै है, बौ जोती मै रैहबै है, और बाकी जिन्‍दगी मै ऐंसो कुछ बी ना है, जिस्सै कै बौ ठोकर ना खाऐ।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

2 तीमुथियुस 1:7

परमेसर नै हमकै डर की ना पर सकति, पियार और सबर की आत्‍मा दई है।

1 यहून्‍ना 4:12

परमेसर कै कबी बी किसी नै ना देखो। अगर हम एक दूसरे सै आपस मै पियार रक्‍खैं, तौ परमेसर हम्मै रैहबै है और बाको पियार हमरे भीतर पक्‍को हो गओ है।

1 यहून्‍ना 2:29

अगर तुम जौ जानौ हौ कै बौ धरमी है तौ तुम जौ बी जानौ हौ कै जो कोई धरम के काम करै है, बौ परमेसर की औलाद है।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

गलातिऔ 4:9

पर अब तुमनै परमेसर कै जान लओ है या जौ कैंऐ कै परमेसर तुमकै जानै है। तौ तुम अब दुनिया के कमजोर और बेकार नियमौ के पिच्‍छे बापस काए जानो चाँहौ हौ? और का तुम उनको फिर सै गुलाम बन्‍नो चाँहौ हौ?

यहून्‍ना 13:34

“मैं तुमकै एक नई आगियाँ देवौ हौं कै तुम एक दूसरे सै पियार करौ। जैसो मैंनै तुमसै पियार करो है बैसेई तुम बी एक दूसरे सै पियार करौ।

1 कुरन्‍थियों 8:3

पर अगर कोई परमेसर सै पियार रक्‍खै है, तौ परमेसर बाकै जानै है।

1 यहून्‍ना 2:3

अगर हम परमेसर की आगियाँऔ कै मानंगे, तौ हमकै जौ पतो लग जागो कै हम बाकै जान गए हैं।

1 यहून्‍ना 2:4

जो कोई आदमी कैबै है कै, “मैं परमेसर कै जानौ हौं,” पर बाकी आगियाँऔ कै ना मानै है, तौ बौ झूँटो है, और बामै सच्‍चाई ना है।

1 यहून्‍ना 2:7

पियारे भईयौ, मैं तुमकै कोई नई आगियाँ ना लिख रओ हौं, जौ बौई पुरानी आगियाँ है, जो सुरू सै तुमकै मिली है। जौ पुरानी आगियाँ को बचन है, जिसकै तुम सुन चुके हौ।

1 यहून्‍ना 3:9

जो परमेसर की औलाद है, बौ पाप ना करतो रैहगो, कैसेकै बामै परमेसर को बीज बनो रैहबै है। बौ पाप ना कर सकै है, कैसेकै बौ परमेसर सै जलमो है।

1 यहून्‍ना 4:11

हे पियारे भईयौ, जब परमेसर नै हम सै इतनो पियार करो, तौ हमकै बी एक दूसरे कै पियार कन्‍नो चँईऐ।

1 यहून्‍ना 4:16

इसताँई हम बा पियार कै जानै हैं और बाके ऊपर भरोसो रक्‍खैं हैं, जो परमेसर सै हमकै मिलै है। परमेसर पियार है, और जो पियार मै बनो रैहबै है, बौ परमेसर मै बनो रैहबै है और परमेसर बामै।

1 यहून्‍ना 5:1

जो कोई जौ बिसवास करै है कै ईसुई मसी है, बौ परमेसर की औलाद बन गओ है, और जो कोई परम पिता सै पियार करै है, बौ बाकी औलाद सै बी पियार करै है।

2 यहून्‍ना 1:5

बईयरौं मैं तुमकै कोई नई आगियाँ ना लिख रओ हौं बलकन बौई आगियाँ देरओ हौं, जो हमकै सुरू सैई मिली हैं कै हमकै एक दूसरे सै पियार रखनो चँईऐ।