1 यहून्‍ना 3:3 - बुक्सा

³ और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।

1 यहून्‍ना 3:3 Referans Kwoze

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

1 यहून्‍ना 2:6

जो ऐंसो कैबै है कै मैं परमेसर मै बनो रैहबौं हौं, तौ बाकै बैसीई जिन्‍दगी जीनी चँईऐ जैसी ईसु मसी नै जीई।

2 पतरस 3:14

इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

मत्‍ती 5:48

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

इबरानिओ 12:14

सबई लोगौ के संग सान्‍ति से रैहनै के ताँई और पबित्‍तर बनकै रैहनै के ताँई लगातार कोसिस करौ, जो पबित्‍तर ना है बौ परभु कै देख ना पागो।

इबरानिओ 7:26

ऐंसोई बड़ो पुजारी हमरे ताँई सई है, जो पबित्‍तर और खरो और बगैर खोट को और पापिऔं सै अगल और जिसकै सुरग सै बी ऊँचो रखर खाओ होए।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

चेलौ के काम 15:9

और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

तीतुस 3:7

जिस्सै हम बाकी किरपा सै धरमी होकै, हमेसा की जिन्‍दगी की उमीद के अनुसार बारिस बनै।

2 पतरस 1:4

इसताँई उसनै हमकै बड़े और कीमती बादे दए हैं, ताकि तुम नास होनै सै बच सकौ जो जा दुनिया मै बुरी इच्‍छा सै आवै है, और तुम परमेसर के सौभाब के हिस्सेदार हो जाऔ।

लूका 6:36

जैसो तुमरो परम पिता दयालु है, बैसेई तुम बी दयालु बनौ।

1 यहून्‍ना 4:17

इसई सै हम्मै पियार पक्‍को हो गओ है ताकि नियाय के दिन हम्मै हिम्मत बनी रैह। कैसेकै जो जिन्‍दगी हम जा दुनिया मै जी रए हैं, बौ मसी की जिन्‍दगी के हाँई है।

इबरानिओ 6:18

तबई जे दो बात हैं, एक बाकी कसम और दूसरो बाको बादो है, जो कबी ना बदलै है, और परमेसर झूँट ना बोल सकै है। इसताँई अगर हम परमेसर के धौंरे भाजकै बाकी सरन मै आवै हैं; और जो आस हमकै बानै देर खाई है, बाकै मजबूताई सै पकड़नै के ताँई हिम्मत मिलै।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

रोमियो 15:12

और फिर यसाया बी कैबै है, “यिसै के बंस सै एक आगो, जो गैर यहूदिऔं के ऊपर राज कन्‍नै के ताँई उठ खड़ो होगो। और गैर यहूदी लोग उसके ऊपर उमीद रखंगे।”

यहून्‍ना 17:19

और उनके ताँई मैं अपने आपकै पबित्‍तर करौं हौं, कै बे बी सच के दुआरा पबित्‍तर करे जांऐ।

याकूब 4:8

परमेसर के धौंरे आऔ, तौ बौ बी तुमरे धौंरे आगो; अरे पापिऔं, अपने हात सुद्‍द करौ; और हे दो मन बारे लोगौं अपने आपकै पबित्‍तर रक्‍खौ।

1 पतरस 1:3

हमरे परभु ईसु मसी के परम पिता परमेसर को धन्‍नबाद होए, जिसनै ईसु मसी कै मरे भएऔं मै सै जिन्‍दो कन्‍नै के दुआरा, अपनी बड़ी दया सै हमकै एक जिन्‍दी आस के ताँई नओ जलम दओ है।

1 पतरस 1:15

पर जैसे तुमकै बुलानै बारो परमेसर पबित्‍तर है, बैसेई तुम बी अपने हर एक चाल-चलन मै पबित्‍तर बनौ।