1 यहून्‍ना 3:22 - बुक्सा

²² और हम उस्सै जो कुछ माँगै हैं, बौ हमकै देवै है, कैसेकै हम बाकी आगियाँऔ कै मानै हैं। और बौई करै हैं जो बाकै अच्‍छो लगै है।

1 यहून्‍ना 3:22 Referans Kwoze

यहून्‍ना 15:7

अगर तुम मैंई मै बने रौह, और मेरे बचन तुम्मै बने रैंह तौ जो चाँहे माँगौ, बौ तुमरे ताँई हो जागो।

यहून्‍ना 9:31

हम जानै हैं कै परमेसर पापिऔं की ना सुनै है, पर जो कोई परमेसर को डर मानै है, और बाकी इच्‍छा पूरी करै है, तौ बौ उसकी सुनै है।

मत्‍ती 21:22

और जो कुछ तुम पिराथना मै बिसवास सै माँगौगे बौ सबई कुछ तुमकै मिलैगो।”

1 यहून्‍ना 5:14

परमेसर के ऊपर हमरो जौ बिसवास है कै अगर हम बाकी मरजी के हिसाब सै कुछ बी माँगै हैं, तौ बौ हमरी सुनै है।

मरकुस 11:24

इसताँई मैं तुमसै कैए रओ हौं तुम जो कुछ पिराथना मै माँगौ हौ, बिसवास करौ कै बौ तुमकै मिल गओ है और बौ तुमकै देओ जागो।

यहून्‍ना 14:13

और जो कुछ तुम मेरे नाम सै माँगौगे, बौई मैं करंगो कै लौंड़ा के दुआरा अब्बा की महिमा हो।

याकूब 1:5

अगर तुम्मै सै किसी मै समज की कमी होए, तौ परमेसर सै माँगै, कैसेकै बौ सबई कै बिना डाँटे दिल खोलकै देवै है।

यहून्‍ना 8:29

और बौ जिसनै मैं भेजो हौं, मेरे संग है। बानै मैं कबी इकलो ना छोड़ो कैसेकै मैं हमेसा बौई करौ हौं जो बाकै अच्‍छो लगै है।”

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

याकूब 5:16

इसताँई तुम लोग एक दूसरे के सामने अपने अपने पापौं कै मान लो; और एक दूसरे के ताँई पिराथना करौ, जिस्सै कै तुम लोग ठीक हो जाऔ। धरमी आदमी की पिराथना भौत सकतिसाली और असरदार है।

इबरानिओ 13:21

अपनी इच्‍छा कै पूरी कन्‍नै के ताँई परमेसर हर एक अच्‍छी चीजौ सै तुमकै भरै, और ईसु मसी के दुआरा जो परमेसर कै अच्‍छो लगै है बौ बाकै तुमरे भीतर करै। ईसु मसी की बड़ाई हमेसा-हमेसा होती रैह। ऐंसोई होए।

यहून्‍ना 6:29

ईसु नै उनकै जबाब देते भए कैई, “परमेसर जौ चाँहबै है, कै तुम मैंई मै बिसवास करौ जिसकै बानै भेजर खाओ है।”

फिलिप्‍पीऔ 4:18

अबी मेरे धौंरे सब कुछ है और जरूरत सै बी जादा, तुमनै इपफरूदितुस के हात सै जो दान भेजो हो, बाकै लेकै मेरी सिगरी जरूरत पूरी हो गंई, बौ खसबोई बारो भातो भओ बलिदान के हाँई है जिस्सै परमेसर खुस होवै है।

चेलौ के काम 17:30

अब तक परमेसर नै उनसै उनको लेखो ना लेओ पर अब तुमरे ताँई बाको जौ हुकम है कै तुम अपने पापौं सै मन फिराऔ।

यहून्‍ना 15:10

अगर तुम मेरी आगियाँऔ कै मानौगे तौ तुम मेरे पियार मै बने रौहगे, बैसेई जैसो मैं अपने अब्बा की आगियाँऔ कै मानौ हौं और बाके पियार मै बनो रैहबौं हौं।

मत्‍ती 17:5

पतरस अबी बात करई रओ हो कै एक चमकते भए बादर नै आकै बे ढक लए और बादर सै आकासवानी भई, “जौ मेरो पियारो लौंड़ा है, जिस्सै मैं भौत खुस हौं। जाकी सुनौ!”

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

याकूब 4:3

जब जो कुछ तुम माँगौ हौ, तौ बाकै बुरी इच्‍छा सै माँगौ हौ। कैसेकै तुम बाकै अपनी बुरी इच्‍छाऔं कै पूरो कन्‍नै के ताँई माँगौ हौ इसताँई तुमकै ना मिलै है।

1 यहून्‍ना 2:3

अगर हम परमेसर की आगियाँऔ कै मानंगे, तौ हमकै जौ पतो लग जागो कै हम बाकै जान गए हैं।